Nehemia 5:13 - The Holy Bible In Alur (Lur) Revised Orthography

¹³ Ayengo bongu para bende, man awacu kumae, Dong’ Mungu yeng dhanu ceke kubang’gi nzu kumeni kud i ot pare, man kud i tic: pare, m’utimo lembang’ola maeni ngo; dong’ juyenge woko kumeni, ie de dong’ nanu. Man cokri ceke giwacu kumae, Amen, man gipaku Yehova. E dhanune gitimo calku lembang’ola maeni.

Nehemia 5:13 ပူးပေါင်းရင်းမြစ်များ

2 Ubimo 23:3

E ubimo cungo ba mbegi, man etimo lembbariba i wang’ Yehova, kara elub tok Yehova, man ewor lembang’ola pare, ku lembatuca pare, man cik pare, kud adundene ceke man ku ng’eyong’ec pare ceke, kara etim lembe mi lembariba maeni m’ugore i kitabu maeni: man dhanu ceke gicungo kum lembaribane.

I Lemkei 16:36

Mugisa ni Yehova, Mungu mir Israel, Ugambre nja cil nja. Man dhanu ceke giwacu kumae, Amen, man gipaku Yehova.

Nehemia 8:6

E Ezra yungo Yehova, Mungu ma dwong’; man dhanu ceke giloko lembe kumae, Amen, Amen, ku ting’o cing’gi malu: e gikulo wigi, man girwo ni Yehova ma wang’gi ni yor i ng’om.

Zaburi 119:106

Akwong’o kwong’, man aketho ecungo, Kara aketh cwinya ku lembapoka peri ma pwe.

Zaburi 50:14

Thier lam mi foc ni Mungu; Man itim lembang’ola peri ni Ng’atu ma Malu Ngbir;

Zaburi 76:11

Wung’ol lembe, man wucul ni Yehova Mungu mu: Wek dhanu ceke m’utieke gikel ire giramia en ma maku julwore.

Lembrieko 28:4

Ju m’uweko cik nwang’u gipaku judubo; Ento ju m’uworo cik nwang’u gipiembri kugi.

Eklizia 5:5

Ng’olo lembang’ola ngo e ber, sagu ma tek ing’olo man iculo ngo.

Kitabu Mir Ang’wende Pa Musa Wel 5:22

man pi maeni ma kelo kwong’ bimondo i cind ii, man ebikwodo ii, man ebitalu bembi. E dhakune biwacu kumae, Amen, Amen.

Matayo 10:14

Ng’atu ma tek bijolowu ngo, kadi m’uwinjo lembe mu ngo, ka wuai kud i oduca kadi adhura nica, wukir utur m’i tiendwu woko.

Tic Mi Jukwenda 13:51

Ento gikiro utur m’i tiendgi woko i kumgi, man gibino Ikonio.

Tic Mi Jukwenda 18:6

E ka gipiembri giyanyu ayany de, eyengo bongu pare man ewacu igi kumae, Dong’ rimo mu bed i wiwu giwu; an a leng’ ugambre kawono a dong’ cidho ba Thekdhanumange.

1 Jukorinto 14:16

Tek e kumeno ngo tek ibemio mugisa ku cwiny, ng’atu ma sang’na bidong’ wacu Amen nenedi kum foc m’ibefoyo, m’eng’eyo gin m’ibeweco ngo e?

1 Samwil 15:28

Man Samwil uwacu ire kumae, Yehova yeco ker mir Israel kud i beng’i tinuni, man emie ni jadhugola peri, m’e ber ma segi.