Nehemia 5:11 - The Holy Bible In Alur (Lur) Revised Orthography

¹¹ Akwayuwu, wudwok igi, ndhu i ceng’ maeni, pothi migi, man pothi mir ulok migi, ku pothi mir ulam migi, man udi migi man ng’et sente mi dak bende, man mi cam, ku pigulok ma nyen, ku mo, ma wuwodho i bang’gi.

Nehemia 5:11 ပူးပေါင်းရင်းမြစ်များ

2 Samwil 12:6

man ebidwoko nyathi rombo bang’ ang’wen, kum etimo gin maeni, man kum ngisi pare m’umbe.

Nehemia 5:10

E an bende kumeno, juwada man jutic para, wamio igi sente ku cam ni banja. Akwayuwu, dong’! waweku kuloka maeni mir azindi.

Nehemia 5:12

Gilund giwacu kumae, Wabidwokogi, e wabilwong’o gin moko i! bang’gi ngo; wabitimo kumeno, cil calu i iwacu. Alund alwong’o julam, man agamu kwong’ i bang’gi, nia gibitimo calku lembang’ola maeni.

Isaya 58:6

Kwirocam m’afoyo e eni ngo: ya jugony twic mi dubo, jugony twic mi mberembere, man jugony ju ma jusendogi, man nia jutur mberembere ceke kubang’e kubang’e?

Luka 3:8

Ka ku meno dong’ wuceg nyingwu ma biromo ku lokocwiny, man kud wumak wacu kud i iwu giwu kumae, Wabedo kud Ibrahim ni kwaruwa; kum awacu iwu, nia Mungu copo ting’o nyithindho ni Ibrahim ku kidi maeni.

Poi Mi Cik 6:11

man udi m’upong’ ku gin ceke ma ber, m’ipong’o in ungo, ku kulo m’atong’a, m’itong’o in ungo, podho mir ulok ku yendulam, m’ipidho in ungo, e ibicamu ibiyeng’ de;

1 Samwil 12:3

Anuti eni: wunyuth lembe i kuma i wang’ Yehova, man i wang’ ng’atu ma juwiro pare: koni dhiang’ pa ng’a m’amaku? kadi kana pa ng’a m’amaku? kadi ng’a m’avugo? ng’a m’asendo? kadi agamu jamblembe i cing’ ng’a kara uum wang’a? man abidwoke iwu.