Nehemia 4:7 - The Holy Bible In Alur (Lur) Revised Orthography

⁷ Ento etimbre nia, ka Sanbalat, ku Tobia, man Juarabi, ku Juamoni, man Juacdodi, uwinjo nia yiko gang’kidi mi Yerusalem bewotho, man nia ka m’umor umaku cikre, e kwinyo lund umakugi dit;

Nehemia 4:7 ပူးပေါင်းရင်းမြစ်များ

Thangambere 3:15

man abinyayu amone i kindwu wuku dhaku, man i kind kodhini ku kodhine: ebicanyu wii, man ibitong’o ufunytiende.

2 Ubimo 24:2

Man Yehova oro udul mi Jukaldayo i kume, kud udul Jucami, man udul Jumoabi, man udul mi nyithindho mir Amon, e eorogi kum Yuda kara unyothe, calku lembe pa Yehova, m’eyero ku dhu jutic pare ma jubila.

2 Lemkei 20:1

Man etimbre yo ng’ei maeni, nia nyithindho mi Moab, man nyithindho mir Amon, man karacelo kugi Juamoni moko, gibino kum Yehocafat ba lwiny.

Ezra 5:8

Dong’ ubimo ng’ei, nia wamondo i ng’etker ma Yuda, ba ot pa Mungu ma dit, m’ugombre ku kidi ma dit, man juketho yen i kum kor ode; e tic maeni cidho kud amora man ebedo miero i cing’gi.

Nehemia 2:10

E ka Sanbalat ma Jahoroni, man Tobia ma jatic, ma Jaamoni, uwinjo pire, lembene nyayu can i igi apila, kum ng’atu moko bino kara eyeny lembe ubed miero ni nyithondho mir Israel.

Nehemia 2:19

Ento ka Sanbalat ma Jahoroni, man Tobia ma jatic, ma Jaemoni, man Gecem ma Jaarabi, giwinjo maeni, ging’ierowa ginyai ko lewic i wiwa, man gicayuwa, giwacu kumae, Girang’o ma wutimo maeni? wubijai ni ubimo?

Nehemia 4:1

Ento etimbre nia, ka Sanbalat uwinjo nia wabegomo gang’kidi, kwinyo make, man ebedo ku thungo ma dit, e ecayu Juyahudi.

Nehemia 4:6

Kum kumeno wagoyo gang’kidine; man gang’kidine ceke rombo m’ewok ko i kore: kum dhanu ketho cwinygi kum timo tic.

Nehemia 4:8

man gin ceke giribo dhoggi karacelo kara gibin gikied kum Yerusalem, man kara ginyoth tic m’i ie.

Nehemia 6:16

Man etimbre, kinde ma jukwojwa ceke giwinjo pire, nia thek ceke m’utiekowa lworo iriakugi, e gijwik i wang’gi gigi; kum ging’eyo nia tic maeni timbre ni kum Mungu mwa.

Yeremia 25:20

man dhanu m’ajeba ceke, ku ju m’ubimo ceke mi ng’om Uz, ku ju m’ubimo ceke m’i ng’om mi Julilisti, kud Ackelon, man Gaza, ku Ekron, man dong’ dhanu mir Acdod;

Yeremia 41:10

Icmael ulund utero dong’ dhanu ceke ma ni i Mizpa ni ng’eca, cil nyig ubimo, ku dhanu ceke m’udong’ i Mizpa, ma Nebuzaradan ma jego mi jukur uketho i cing’ Gedalia ma wod Ahikam; Icmael ma wod Nethania terogi i ng’eca, man eai kara ekadh lokaca ba nyithindho mir Amon.

Amos 1:13

Yehova wacu kumae: Mi gondri adek mi nyithindho mir Amon, eyo, mir ang’wen, abiloko masendine cen ungo; kum giriedo i mon mi Gilead ma igi nuti, kara gimed kieu migi.

Amos 1:8

Abikabu ng’atu m’ubedo i Acdod, man ng’atu m’umaku uluth mi ker kud i Ackelon; man abiloko cinga kum Ekron; man dong’ Jufilisti m’udong’ binyothre, Rwoth Yehova wacu.

Amos 3:9

Wurwei lembe i udi mi ker mi Acdod, man i udi mi ker mi ng’om Misiri, man wuwac kumae, Wucokru giwu wi gudi mi Samaria, man wunen maram yakni bedo ko dit i ie, man maram masendi bedo ko i kinde.

Tic Mi Jukwenda 5:33

Ento joca, ka giwinjo maeni, ethumo adundegi, e giyenyo gineggi.

Lembanyutha 12:17

Man kwinyo nego ng’ec dwanya kum dhakune, man ecidho nitimo lwiny ku kodhi dhakune m’udong’, m’ugwoko lembang’ola pa Mungu, m’umaku lembatuca pa Yesu Kristu de:

1 Samwil 11:2

Man Nahac ma Jaamoni uwacu igi kumae, Wabiribo lembe kudu ni kum lembe maeni, nia juwodh nying’ weng’wu ceke ma yor acwic woko; man abikethe ni cac wi Israel ceke.