Nehemia 4:14 - The Holy Bible In Alur (Lur) Revised Orthography

¹⁴ E aneno, man aai malu, e awacu ni weg yung’ man ni jubim, man ni dong’ dhanu m’udong’ kumae, Kud wulworgi: wupoi kum Rwoth, m’e dwong’ man jang’oi ndiri de, man wukied pi juwedu, man pi wotwu ku nyigwu, ku mondwu, man pi udi mu.

Nehemia 4:14 ပူးပေါင်းရင်းမြစ်များ

2 Samwil 10:12

Wubed ku tegocwiny, man dong’ wadwok cwinywa tek pi dhanu mwa, man pir adhura pa Mungu mwa: man Yehova tim gin m’ubedo ber ire.

2 Lemkei 32:7

Wubed tek man ku tegocwiny, lworo kud unegwu kadi cwinyu de kud ung’abre kum ubimo mir Ascur, kadi pir udul ceke ma gini kude; kum ma ni bang’wa dupa ma sagu m’i bang’e:

Nehemia 1:5

man awacu kumae, Akwei, E Yehova, Mungu m’i polo, Mungu ma dwong’ ma jang’oi ndiri, ma gwoko lembariba man mer mi bero ku ju m’umare m’uworo lembariba pare:

Kitabu Pa Yob 37:22

Rieny mi mola ma kwar ai ku yor ariwa ma malu: Mungu ronyo dwong’ mi ndiri.

Zaburi 143:5

Apoi kum ceng’ ma con; Ia pido kum giratima peri ceke; Ia pido kum tic m’i cingi.

Zaburi 20:7

Jumoko geno magali, jumoko ke riuni; Ento wabiyero pi nying’ Yehova Mungu mwa.

Zaburi 27:1

Yehova en e der para ku both para; i Abilworo ng’a? Yehova en e tego mi kwo para; Lworo binega kum ng’a?

Zaburi 46:11

Yehova mir udul ni kudwa; Mungu pa Yakobo en e kapondo mwa. [Sela.

Zaburi 65:5

Ibiloko lembe iwa i bedopwe ku gin ma ng’oyo ndiri, E Mungu mi both mwa, In m’i genogen mi tung’ ng’om ceke, Man mi ju ma gini bor wi nam:

Zaburi 66:3

Wuwac ni Mungu kumae, Tic peri gin ung’oindiri mire ma! Ni kum tego peri ma dit judegi peri bimondo gigi i beng’i.

Zaburi 66:5

Wubin, man wunen tic pa Mungu; En e ung’oindiri i tim pare yo ba nyithi dhanu.

Ai 14:14

Yehova bikiedo piwu, e wubiling’.

Ai 14:25

Man ewodho ukobre mi magali migi ketho wothne bedo pek; ketho nia Jumisiri giwacu kumae, Wek waringu i wang’ Israel; kum Yehova kiedo pigi kum Jumisiri.

Eklizia 12:1

Poi bende kum Jacwic peri i nindo mir aradu peri, ma fodi nindo ma rac kuwok ungo, man rundi dhingo ngo, kinde m’ibiwacu ie kumae, Anyong’a nega ngo kudo;

Daniel 11:32

Man ju ma gitimo rac kum lembariba ebiloko pidoigi ku dhok ma mit; ento dhanu m’ung’eyo Mungu migi gibibedo tek, man gibitimo gin ma dit.

Zekaria 14:3

Yehova bilund cidho woko, man abitimo ali kum thek maeno, calu kan ekiedo i ceng’ mi lwiny.

Kitabu Mir Ang’wende Pa Musa Wel 14:9

Ento kud wujai ni Yehova, kadok dhanu m’i ng’ombe de kud wulworgi; kum gi kwen iwa: man tipo migi kabre woko kud i wigi, man Yehova ni karacelo kudwa: kud wulworgi.

Matayo 10:28

Man kud wulwor ju ma nego kum, ento ng’eyong’ec re negre igi ngo: ento ma sagu wulwor ng’atu ma copo nyotho ng’eyong’ec ku kum de i gehena.

Poi Mi Cik 1:21

Nen, Yehova Mungu peri ketho ng’om i weng’i; idh malu, e imwony, calu Yehova, Mungu pa kwaru, uyero iri; lworo kud unegi, kadok cwinyi de kud ung’abre.

Poi Mi Cik 10:17

Kum Yehova Mungu mu, en e Mungu mi mungu, man Rwoth mi rwodhi, Mungu ma dwong’, ma jatego, man jang’oindiri, ma lworo wang’ dhanu ngo, kadi ma gamu jambng’om de ngo.

Juebrania 13:6

Kum kumeno wawacu ku tegocwiny kumae, Rwoth en e jakonyna; abilworo ngo: Dhanu bitima nedi?

Yocuwa 1:9

Ang’olo iri ngo? Bed tek man ku tegocwiny ma ber; lworo kud unegi, kadok cwinyi de kud ung’abre: kum Yehova Mungu peri ni i beng’i i ka ceke ma tek icidho i ie.

Jupoklembe 3:27

Man etimbre, kinde m’ewok, nia ekudho agwara i ng’om gudi pa Efraim; man nyithindho mir Israel giloro piny gikugi kud i ng’om gudi, man etelo wigi.