Nehemia 3:26 - The Holy Bible In Alur (Lur) Revised Orthography

²⁶ (Nwang’u Junethini gibedo i Ofel, cil kum ka ma yo kum dhugang’ mi pi ma yo nyangu, ku odkur m’ucungo ngong’.)

Nehemia 3:26 ပူးပေါင်းရင်းမြစ်များ

I Lemkei 9:2

Nie ju m’ular ubedo i piny migi i adhura migi gi Israel, julam, Julawi, man Junethini.

2 Lemkei 27:3

Egoyo dhugang’ ma yo malu mi ot pa Yehova, man egomo dit wi gang’kidi mir Ofel.

2 Lemkei 33:14

Nie yo ng’ei maeni egomo gang’kidi ma yo woko ni adhura pa Daudi, ng’et Gihon ma yo reto, i poga, cil ba kamondo mi dhugang’ mi rec; man etieko kude Ofel gbur, e eting’e malu hai: man eketho jego ma jurukara i adhura ma tek ceke mi Yuda.

Nehemia 10:28

Man dong’ dhanu, gi julam, man Julawi, ku jukur dhugola, man juwer, ku Junethini, man dhanu ceke m’ukoiri gigi ni kodhidhanu mi ng’om pi cik pa Mungu, ku mon migi, man wotgi, ku nyiggi, kubang’gi ceke ma gibedo ku ng’eyong’ec ku ng’io i lembe;

Nehemia 11:21

Ento Junethini gibedo i Ofel: man Ziha ku Gicpa gini wi Junethini.

Nehemia 12:37

Man ba dhugang’ mi kulo mi pi, man yor i wang’gi atira, giidho ku wi kaidho mir adhura pa Daudi, ba kaidho mi gang’kidi, malu wi ot pa Daudi, cil ba dhugang’ mi pi ma yo nyangu.

Nehemia 3:27

Yo ng’eye Jutekoi giyiko kume moko mange, yo kum odkur ma dit m’ucungo ngong’, man cil kum gang’kidi mir Ofel.

Nehemia 8:1

E dhanu ceke gicoko dhoggi karacelo calu ng’atu acel i lela ma lac ma ni i wang’ dhugang’ mi pi; man giyero ni Ezra ma jagorcik ya ekel kitabu mi cik pa Musa, ma Yehova ng’olo ni Israel.

Nehemia 8:16

Ka kumeno dhanu cidho, man gikelogi, e gitimo otbak igi, ku ba dhanu nzu ng’atuman wi ot pare, man i lelagang’ migi, man i lelagang’ mi ot pa Mungu, man i ka ma lac i dhugang’ mi pi, man i ka ma lac mi dhugang’ pa Efraim.

Nehemia 8:3

Man esomo i ie i wang’ lela ma lac ma ni i wang’ dhugang’ mi pi ugambre pir kugweno cil dieceng’, i vut co ku mon, man i vut ju ma copo ng’eyo; man ith dhanu ceke bedo acika kum kitabu mi cik.

Isaya 32:14

Kumjubiweko odker; jubiweko adhura mir udul; ungulu got ku otkur bibedo ni odyedi mi nja, anyong’a ni kana m’i thim, man kakwae mir udul lim;