Nehemia 2:17 - The Holy Bible In Alur (Lur) Revised Orthography

¹⁷ Alund awacu igi kumae, Wuneno bedo ma rac ma wani i ie, maram Yerusalem ubedo ko ni uvuru, man dhugang’ne juwang’u ku mac: wubin, wagoyu gang’kidi mi Yerusalem, kara ku wabed ni cac kendo.

Nehemia 2:17 ပူးပေါင်းရင်းမြစ်များ

Ezra 9:9

Kum wan wa jukol; ento Mungu mwa kunowa ngo i kol mwa, ento enyutho mer mi bero iwa i wang’ ju m’ubimo mir Ajemi, kara emi iwa yepocwiny, kara eketh ot pa Mungu mwa malu, eyik wang’e m’uyec de, man kara emi iwa gang’kidi i Yuda man i Yerusalem.

Nehemia 1:3

E giwacu ira kumae, Dong’ dhanu m’udong’ mi ng’eca kuca i ng’etker gini i masendi ma dit man cac: gang’kidi mi Yerusalem bende jurwombo piny, man dhugang’ne de juwang’u ku mac.

Nehemia 2:13

Man awok woko ku diewor ku dhugang’ m’i poga, cil yo ba pi m’atong’a mir utho, man ba dhugang’ mi weyo, man aneno gang’kidi mi Yerusalem, m’urwombre piny, man dhugange m’uwang’ ku mac.

Nehemia 2:16

Man jubim ging’eyo ngo ka m’acidho i ie, kadi gin m’atimo; kadok an de fodi awacu ngo ni Juyahudi, kadok ni julam, kadi ni judongo, kadi ni jubim, kadi ni dong’ dhanu m’utimo tic.

Nehemia 3:15

Man dhugang’ mi pi ma dhenyni Calum ma wod Kol-hoze, ma jabim mi bim mi Mizpa, eyiko ayika; egure, man eume, man eketho dhugolane cungo, kud utwindine de, man utwindine m’ariwa, man gang’kidi mi kut Cela ma ceng’ni podho p’ubimo, cil kum giralora ma loro piny kud i adhura pa Daudi.

Zaburi 102:15

Kum kumeno thek bilworo nying’ Yehova, Man ju m’ubimo ceke m’i ng’om bilworo dwong’ peri.

Zaburi 44:13

Idwokowa ni cac ni judhugola mwa. Cac ku ng’iero ni ju m’utiekowa gbur.

Zaburi 44:14

Idwokowa ni koi i kind thek, Ni yengowic i kind kodhidhanu.

Zaburi 79:12

Man icul kum judhugola mwa wang’ abiro i korgi Cac migi, ma gicei ko, E Rwoth.

Zaburi 79:4

Wadoko ni cac ni judhugola mwa, Cac ku ng’iero ni ju m’utiekowa.

Yeremia 24:9

abimiogi kara juthorgi kun ku kun i kind thek ceke m’i ng’om mi lem ma rac; kara gibed mi cac man koi, mi lele man kwong’, i ka ceke m’ariemogi i ie.

Ywak 2:2

Rwoth umwonyo kabedo ceke pa Yakobo, man ngisi nege ngo: Eredho ka ma tek pa nya Yuda piny ku kwinyo pare; Eredhogi piny i ng’om; ecido ker ku judongomawijone.

Ywak 3:51

Wang’a sendo ng’eyong’ec para, kum nyir mir adhura para ceke.

Ezekiel 5:14

Mange ke abidwoki ni uvuru man ni cac kind thek m’utieki gbur, i wang’ dhanu ceke m’ukadhu akadha.

Mika 7:11

I ceng’ ma jubigomo ie gang’kidi peri! i ceng’ maeca kieu bicoro cen bor.

1 Samwil 11:2

Man Nahac ma Jaamoni uwacu igi kumae, Wabiribo lembe kudu ni kum lembe maeni, nia juwodh nying’ weng’wu ceke ma yor acwic woko; man abikethe ni cac wi Israel ceke.