Nehemia 13:25 - The Holy Bible In Alur (Lur) Revised Orthography

²⁵ E wadhau kugi, man akwong’ogi, e agoyo jumoko m’i kindgi, man adoyo yukwigi, e aketho gikwong’o ku Mungu, awacu kumae, Wubimio nyigwu ni wotgi ngo, kadi wubigamu migi ni wotwu de ngo, kadi piwu giwu.

Nehemia 13:25 ပူးပေါင်းရင်းမြစ်များ

2 Ubimo 2:24

E eneno yor i ng’eye man enenogi, e elamugi i nying’ Yehova. Man rnegi wai ario uai i luli, e giyeco kind awia ma cone pier ang’wen wi ario.

Ezra 10:5

Ezra lund uai malu, man eketho julam ma dongo, ku Julawi, man Israel ceke, gikwong’o nia gibitimo calku lembe maeni. Ka kumeno gikwong’o.

Ezra 7:26

Man ng’atu ma tek bitimo cik pa Mungu peri ngo, ku cik p’ubimo, dong’ jutim lembapoka i wie kud amora ceke, kadok ebedo mi tho, kadi mi ng’eca, kadi mi yakupiny, kadi mi kol.

Nehemia 13:11

Alund apiemo ku jubim, e awacu kumae, Juweko ot pa Mungu nedi? Man acokogi karacelo, e akethogi kakagi.

Nehemia 13:17

Alund apiemo ku weg yung mi Yuda, awacu igi kumae, Gin ma rac ma wutimo, ma wucido ko ceng’ sabatu en e ang’o?

Nehemia 13:24

man nyithindho migi ng’et wec migi en e ku dhu Acdod, man gicopo weco ku dhu Juyahudi ngo, ento calku dhu dhanu kubang’gi kubang’gi.

Nehemia 5:13

Ayengo bongu para bende, man awacu kumae, Dong’ Mungu yeng dhanu ceke kubang’gi nzu kumeni kud i ot pare, man kud i tic: pare, m’utimo lembang’ola maeni ngo; dong’ juyenge woko kumeni, ie de dong’ nanu. Man cokri ceke giwacu kumae, Amen, man gipaku Yehova. E dhanune gitimo calku lembang’ola maeni.

Nehemia 5:6

E ng’ecwiny umaka kan awinjo ywak migi ku lembe maeni.

Zaburi 119:53

Kwinyo ma lieth umaka, Kum judubo m’uweko cik peri.

Zaburi 15:4

I wang’e ng’atu ma rac jujwige, Ento m’eyungo ju ma lworo Yehova; Ng’atu ma kwong’o kwong’ ma time rac, man elokre ngo;

Ai 34:16

man imaru gamu nyiggi ni woti, man nyiggi maru timo asara tok mungu migi, man giketh woti gitim asara tok mungu migi.

Lembrieko 28:4

Ju m’uweko cik nwang’u gipaku judubo; Ento ju m’uworo cik nwang’u gipiembri kugi.

Isaya 50:6

Amio ng’eya ni jugoc, man limba ni jufudh yir; apanu wang’a ngo ni lewic ku ng’ulo lau.

Poi Mi Cik 6:13

Lwor Yehova Mungu peri; man itim ire, man ikwong’ ku nyinge.

Poi Mi Cik 7:3

kadok agama de kud wugembru kugi; kud imi nyeri ni wode, kadi nyare de kud igam ni wodi.

Yocuwa 23:12

Kadi tek wudok cen moko, man wumoko kum dong’ thek maeni, cil maeni m’udong’ i kindwu, man wugembru kugi man wumond i bang’gi, gin de i beng’wu;