Nehemia 13:22 - The Holy Bible In Alur (Lur) Revised Orthography

²² Man ang’olo ni Julawi ya gidwokri gigi leng’, man nia gibin gikur dhugang’, kara gidwok ceng’ sabatu leng’. Poi pira, E Mungu para, pi maeni bende, man iweka calku dit mi mer mi beroni.

Nehemia 13:22 ပူးပေါင်းရင်းမြစ်များ

2 Ubimo 20:3

Kawono poi, E Yehova, akwei, maram awotho ko i weng’i i lemandha man kud adunde ma ndhu cu, man atimo gin m’ubedo ber i weng’i. E Hezekia ywak dit.

2 Ubimo 23:4

Man ubimo ng’olo ni Hilkia ma jalam ma dit, ku julam mi pok mir arionde, man jukur mi kamondo, kara giwodh agulu ceke woko kud i hekalu pa Yehova ma jutimo ni Bal, man ni mungu m’araga, man ni udul ceke m’i polo; e ewang’ugi ng’ei Yerusalem i pothi m’i Kidron, man etero vurune i Beth-el.

2 Lemkei 29:24

e julam ginegogi, man gitimo lam mi dubo ku rimbgi wi pemblam, kara utim adunya pir Israel ceke; kum ubimo ng’olo nia lam m’awang’a ku lam mi dubo jutim pir Israel ceke.

2 Lemkei 29:27

Man Hezekia ng’olo ya juthier lam m’awang’a wi pemblam. E kinde ma lam m’awang’a thekre, wer pa Yehova bende thekre, kud agwara, karacelo ku jamb wer pa Daudi m’ubimo mir Israel.

2 Lemkei 29:30

Mange ke Hezekia m’ubimo ku judongomawijo ging’olo ni Julawi y a giwer pak ni Yehova ku lembe pa Daudi, man pa Asaf ma jaeulembe. E giwero pak ku mutoro, man gikulo wigi e girwo.

Nehemia 12:10

Man Yecuwa nyolo Yoiakim, man Yoiakim unyolo Eliacib, man Eliacib unyolo Yoiada,

Nehemia 12:30

Man julam ku Julawi gidwokri gigi leng’; e gidwoko dhanu leng’, ku dhugang’, man gang’kidi.

Nehemia 13:14

Poi pira, E Mungu para, pi maeni, man kud iruc tic ma ber para woko m’atimo pi ot pa Mungu para, man pi gin pare m’ang’ola.

Nehemia 13:31

man pi girathiera mi yen, i nindo ma jung’olo, man pi mwoka. Poi pira ber, E Mungu para.

Nehemia 5:19

Poi pira, E Mungu para, pi bero, gin ceke m’atimo pi dhanu maeni.

Zaburi 130:7

E Israel, gen Yehova; Kum mer mi bero ni ba Yehova, Man war dupa ni kude.

Zaburi 5:7

Ento an, i dit mi mer mi bero peri abimondo i ot peri: Abirwo yo ba hekalu peri ma leng’ ni kum lworo peri.

Zaburi 51:1

Dong’ kisa negi i kuma, E Mungu, calku mer mi beroni: Calkud udul kisa peri ma ng’ic ruc kier para woko.

Isaya 38:3

man ewacu kumae, Kawono poi, E Yehova, akwei, maram awotho ko i weng’i ku lemandha man kud adunde ma ndhu cu, man atimo gin m’ubedo ber i weng’i. Man Hezekia ywak mi can.

Isaya 49:23

Man ju m’ubimo bibedo wego ma jupidi peri, man mon migi ni mego ma jupidi peri: gibirum piny i beng’i arieba wang’gi i ng’om, man gibinang’u utur m’i tiendi; e ibing’eyo nia an a Yehova; man ju m’ukura lewic binegogi ngo.

Isaya 55:7

dong’ jadubo wek yo pare, man won gondri pidoic pare; man wek edwog ba Yehova, e kisa binege i kume; man ba Mungu mwa, kum ebiweko ire ma gwei.

2 Jukorinto 1:12

Kum kulula mwa e eni, lembatuca mi pidocwiny mwa, nia i leng’cwiny man cwiny ma abombi mbe i ie pa Mungu, i rieko mi kum de ngo endre i bero pa Mungu, watimbra giwa i ng’om, ma sagu dit yor i beng’wu.

Poi Mi Cik 5:12

Kwir ceng’ sabatu, ubed leng’, calu Yehova Mungu peri ng’olo iri.