Nehemia 13:13 - The Holy Bible In Alur (Lur) Revised Orthography

¹³ Man aketho jukur wi kakanpinyne, Celamia ma jalam, man Zadok ma jagorcik, man wi Julawi, Pedaya: man m’ulubogi Hanan ma wod Zakur, ma wod Matania; kum jukwanu y a gi mandha man tic migi nipoko piny ni uturneggi.

Nehemia 13:13 ပူးပေါင်းရင်းမြစ်များ

2 Ubimo 12:15

Mange ke gikwanu ngo ku dhanu, ma gimio sente i cing’gi kara gimi ni ju m’utimo tic; kum gitimo mandha.

2 Ubimo 12:16

Sente mi girathiera mi kier, man sente mi girathiera mi dubo, jukelo ngo i ot pa Yehova: en e mi julam.

2 Ubimo 22:7

Ento jukwanu kugi sente ngo ma jumio i cing’gi; kum gitimo mandha.

Nehemia 10:12

man Zakur, man Cerebia, man Cebania,

Nehemia 10:38

E jalam ma wod Harun bibedo ku Julawi, ka Julawi gamu apaje: man Julawi bikei o apaje mir apaje malu i ot pa Mungu mwa, i kusika, i odkanpiny.

Nehemia 11:22

Jawic bende mi Julawi i Yerusalem en e Uzi ma wod Bani, ma wod Hacabia, ma wod Matania, ma wod Mika, mi wot Asaf, ma gi juwer, wi tic mi ot pa Mungu.

Nehemia 12:35

man wot julam moko kud agwara: Zekaria ma wod Yonathan, ma wod Cemaya, ma wod Matania, ma wod Mikiya, ma wod Zakur, ma wod Asaf;

Nehemia 12:44

Man i ceng’ maeca juketho dhanu wi kusika ni piny m’akana, pi lam m’ating’a, pi mwoka, man pi piny mir apaje, kara gicok i igi, calku pothi mir adhura, makapiny mi julam ku Julawi ma jung’olo ku cik: kum anyong’a nego Yuda kum julam ku Julawi ma gikuro.

Nehemia 3:30

Yo ng’eye Hanania wa wod Celemia, ku Hanun ma wod Zalaf mir abusiende, eyiko kume moko mange. Yo ng’eye Meculam ma wod Berekia eyiko yo kum kusika pare.

Nehemia 7:2

nia amio Hanani m’umira, ku Hanania ma jabim mi ot ma tek, tic mi bimo Yerusalem; kum en e ng’atu mandha, man elworo Mungu ma sagu dhanu dupa.

Nehemia 8:4

E Ezra ma jagorcik ucungo wi pem mi yen, ma gitimo pi tije; man dhanu maeni gicungo i ng’ete ma yor acwic, Matithia, man Cema, kud Anaya, man Uria, ku Hilkia, man Maseya; man yo ku cinge ma yor acam ke, Pedaya, man Micael, ku Malkija, man Hacum, ku Hacbadana, man Zekaria, ku Meculam.

Luka 12:42

Rwoth uwacu kumae, Ka ku meno ng’a ma jakurpiny mandha ma riek de, ma rwoth pare bikethe wi juode, nimio igi cemo maka migi ka nindone tundo?

Tic Mi Jukwenda 4:35

gikethogi de the tiend jukwenda: e jupoko pokne ku ba dhanu nzu, ma can pinje ni i kumgi.

Tic Mi Jukwenda 6:1

Nie i ceng’ maeni, ma wel julub gicikumedri i ie, Juyahudi ma Juyunani gimaku ng’ur kum Juebrania, kum juweko mon migi bedo rwa i timotim ma ku ba rupiny.

Tic Mi Jukwenda 6:3

Umego, ka kumeno dong’ wunen dhanu abiro i kindwu ma pigi ber ma Tipo ku rieko de romogi, ma wakethgi kum ticne.

1 Jukorinto 4:2

Mange ke, ebedo aketha ni jukurpiny ya ng’atuman junwang’e e ng’atu mandha.

1 Timoteo 1:12

Afoye m’emio ira tego, en e Kristu Yesu Rwoth mwa, kum ekwana ya an a ng’atu mandha m’egoyo wia eketha ko kum tic pare;

1 Timoteo 3:10

Maku joni bende jular juponjgi; tek gibedo umbe adote, wuwek gibed jukony.