Nehemia 12:43 - The Holy Bible In Alur (Lur) Revised Orthography

⁴³ E gimio lam ma dit i ceng’ maeca, man anyong’a negogi; kum Mungu ketho anyong’a nyai ku mutoro ma dit; e mon ku nyithindho bende anyong’a negogi: ketho nia juwinjo mutoro mi Yerusalem ku bor.

Nehemia 12:43 ပူးပေါင်းရင်းမြစ်များ

2 Lemkei 20:13

E Yuda ceke cungo i wang’ Yehova, ku nyithindho migi ma thindho, ku mon migi, man nyithindhgi.

2 Lemkei 20:27

Gilund gidwogo, ku ba dhanu ceke mi Yuda ku Yerusalem, man Yehocafat i wang’gi, kara gidok kendo i Yerusalem ku mutoro; kum Yehova ketho anyong’a negogi kum judegi migi.

2 Lemkei 7:10

Man i ceng’ pier ario wi adege mi dwi abirone eciko dhanu gidok ba hema migi, ma anyong’a ku mutoro de nego adundegi kum bero ma Yehova nyutho ni Daudi, man ni Suleman man ni Israel ma dhanu pare.

Ezra 3:13

ketho nia dhanu copo ng’io ba dwal mi kok mir anyong’a ngo ku ba dwal mi ywak mi dhanu; kum dhanu kok ku dwandgi ma dit, man badwal uwinjre ku bor.

Nehemia 12:27

Man ka juthiero gang’kidi mi Yerusalem giyenyo Julawi kud i ka ma gini i ie ceke, kara gikelgi i Yerusalem, kara gitim thier kud anyong’a, man ku foyofoc, man ku wer, man kud umbukulumbu, man adungu, ku nanga.

Nehemia 12:42

man Maseya, ku Cemaya, man Eleazar, man Uzi, man Yehohanan, man Malkija, man Elam man Ezer. E juwer giwero ma tek, ku Yezrahia ma jawigi.

Kitabu Pa Yob 34:29

Kinde m’emio yom, ng’a ke ma copo gonjo? Man kinde m’epanu wang’e, ng’a ke ma copo nene? Ceke acel tek etimbre ni thek, kadi ni dhanu:

Zaburi 27:6

Man kawono jubiting’o wia malu wi judegi para m’utieka; Man abithiero lam mir anyong’a i hema pare; Abiwero, eyo, abiwero pak ni Yehova.

Zaburi 28:7

Yehova en e tego para man ban para; Adundena geno en, man anwang’u kony: Ka kumeno anyong’a nego adundena dit; Man abipake ku wer para.

Zaburi 9:2

Anyong’a binega man abilula ni kumi; Abiwero pak ni nyingi, E in i Ng’atu ma Malu Ngbir.

Zaburi 92:4

Kum in, Yehova, inyayu mutoro i ia ni kum tic peri: Abisagu ni kum tic mi cingi.

Isaya 61:3

kara ang’ol ni ju m’uywak i Sayuni, kara ami igi jambruko ka vuru, man mo mi mutoro ka ywak, man kendi mi pak kar adieng’acwiny; kara julwong’gi yen mi bedopwe, girapidha pa Yehova, kara juyunge.

Yeremia 31:13

E anyong’a bilund nego nyaku ma sumba i miel, kud awobi man judongo karacelo; kum abiloko ywak migi ni mutoro, man abijukogi, man abiketho anyong’a negogi ni can migi.

Yeremia 33:11

dwal mi mutoro ku dwal mir anyong’a biwinjre kendo, man dwand won ambadha ku dwand mugole, dwand ju m’uwacu kumae, Wumi foc ni Yehova mir udul, kum Yehova e ber, kum mer mi bero pare bedo mi nja; man mi ju m’ukelo lam mi foyofoc i ot pa Yehova. Kum abiketho ng’eca m’i ng’ombe dwogo calu ma kwong’a, Yehova wacu.

Kitabu Mir Ang’wende Pa Musa Wel 10:10

I nindo mi mutoro mu bende, man i agba mu ma juketho, man i thekri mi dwi mu, wubikudho agwara wi lam m’awang’a mu, man wi lam mi girathiera mi kwiocwiny mu; e gibibedo iwu ni poi i wang’ Mungu mu; an a Yehova Mungu mu.

Matayo 21:15

Ento ka julam ma dongo ku jugorcik gineno gin ma wang’u ijo m’etimo, kud awia m’ubekok akoka i hekalu ma giwacu kumae, Hosana ni wod Daudi; e konda makugi dit,

Matayo 21:9

E udul dhanu ma wi piro, ku ju m’udong’ cen de, gikok, giwacu kumae, Hosana ni wod Daudi: mugisa ni ng’atu m’ubino ku nying’ Rwoth; Hosana ma malu ngbir.

Yohana 16:22

Kumeno wun bende kawono can unegowu: ento abinenowu kendo, kan anyong’a binego adundewu, anyong’a mu de ng’atu moko mbe ma kabu kud i beng’wu.

Juefeso 5:19

ma wubewecru ku lembwer man wer ku wer mi tipo de, ma wubewero man wubeketho ko badwal ma mit ku i adundewu ni Rwoth;

Yakobo 5:13

Ng’atu moko m’i kindwu besendre? wek erwo. Ng’atu moko anyong’a benege? wek ewer wer mi pak.

1 Samwil 4:5

Man kinde ma sanduk mi lembariba pa Yehova ubino i kagonjo, Israel ceke giwoi ku woi ma dit, ketho nia ng’om umor kendo.