Nehemia 12:37 - The Holy Bible In Alur (Lur) Revised Orthography

³⁷ Man ba dhugang’ mi kulo mi pi, man yor i wang’gi atira, giidho ku wi kaidho mir adhura pa Daudi, ba kaidho mi gang’kidi, malu wi ot pa Daudi, cil ba dhugang’ mi pi ma yo nyangu.

Nehemia 12:37 ပူးပေါင်းရင်းမြစ်များ

Nehemia 2:14

Alund acidho kum dhugang’ mi pi ma dhenyini man kum kut p’ubimo: ento kamoko mbe ma lim m’abedo i wie ukadh kud i ie.

Nehemia 3:26

(Nwang’u Junethini gibedo i Ofel, cil kum ka ma yo kum dhugang’ mi pi ma yo nyangu, ku odkur m’ucungo ngong’.)

Nehemia 8:1

E dhanu ceke gicoko dhoggi karacelo calu ng’atu acel i lela ma lac ma ni i wang’ dhugang’ mi pi; man giyero ni Ezra ma jagorcik ya ekel kitabu mi cik pa Musa, ma Yehova ng’olo ni Israel.

Nehemia 8:16

Ka kumeno dhanu cidho, man gikelogi, e gitimo otbak igi, ku ba dhanu nzu ng’atuman wi ot pare, man i lelagang’ migi, man i lelagang’ mi ot pa Mungu, man i ka ma lac i dhugang’ mi pi, man i ka ma lac mi dhugang’ pa Efraim.

Nehemia 8:3

Man esomo i ie i wang’ lela ma lac ma ni i wang’ dhugang’ mi pi ugambre pir kugweno cil dieceng’, i vut co ku mon, man i vut ju ma copo ng’eyo; man ith dhanu ceke bedo acika kum kitabu mi cik.