Nehemia 12:26 - The Holy Bible In Alur (Lur) Revised Orthography

²⁶ Maeni gini i nindo pa Yoiakim ma wod Yecuwa, ma wod Yozadak, man i nindo pa Nehemia ma jabim, man pa Ezra ma jalam ma jagorcik.

Nehemia 12:26 ပူးပေါင်းရင်းမြစ်များ

2 Lemkei 9:26

Man ebimo wi ubimo ceke ugambre Kulo cil kum ng’om mi Jufilisti, man kum kieu mi Misiri.

Ezra 7:11

Nie maeni en e wadi waraga m’ubimo Artacacta mio ni Ezra ma jalam, ma jagorcik, en e jagorcik mi lembe mi lembang’ola pa Yehova, man mi cik pare ni Israel:

Ezra 7:6

Ezra maeni idho malu kud i Babeli. Man en e jagorcik ma yot i cik pa Musa, ma Yehova, Mungu mir Israel, umio; man ubimo mio ire penji pare ceke, calku cing’ Yehova Mungu pare ma ni i wie.

Nehemia 8:1

E dhanu ceke gicoko dhoggi karacelo calu ng’atu acel i lela ma lac ma ni i wang’ dhugang’ mi pi; man giyero ni Ezra ma jagorcik ya ekel kitabu mi cik pa Musa, ma Yehova ng’olo ni Israel.

Nehemia 8:9

E Nehemia, ma en e jabim, ku Ezra ma jalam ma jagorcik, ku Julawi ma giponjo dhanu, giwacu ni dhanu ceke kumae, Ceng’ maeni en e leng’ ni Yehova Mungu mu; can kud unegwu, kadok aywaka de. Kum dhanu ceke giywak, ka giwinjo lembe mi cik.