Nehemia 10:37 - The Holy Bible In Alur (Lur) Revised Orthography

³⁷ man nia wakel mwoka mi mogo mwa, man ku lam mwa m’ating’a, ku nying yen ceke ma kwonde tung’ tung’, ku pigulok ma nyen ku mo, ba julam, i kusika mi ot pa Mungu mwa; man apaje mi ng’om mwa ba Julawi; kum gin, gi Julawi, gigamu apaje i adhura ceke mi fur mwa.

Nehemia 10:37 ပူးပေါင်းရင်းမြစ်များ

2 Lemkei 31:6

Man nyithindho mir Israel ku Yuda, m’ubedo i adhura mi Yuda, gikelo apaje mi koni dhiang’ ku rombe bende i ie, kud apaj gin ma juthiero ni Yehova Mungu migi, e gikethogi ni ungu ungu.

Nehemia 13:10

Man ang’io nia jumio makapiny mi Julawi ngo; ketho nia Julawi ku juwer, m’utimo tic, giringo ba pothi migi kubang’gi kubang’gi.

Nehemia 13:12

E Yuda ceke lund ukelo piny mir apaje mi cam ku mi pigulok ma nyen man mi mo i kakanpiny.

Nehemia 13:5

eyiko ire kusika ma dit, ka ma naka giketho ie lam mi mogo, kud udok ma ng’wice ng’ar, kud agulu, ku piny mir apaje mi cam, ku pigulok ma nyen, man mo, ma jumio ni Julawi ku lembang’ola, ku juwer, man jukur dhugola; man lam m’ating’a ma ni julam.

Nehemia 13:9

Alund ang’olo, e gidwoko kusikane leng’: e akelo agulu mi ot pa Mungu keca kendo, ku lam mi mogo man udok ma ng’wice ng’ar.

Ai 13:12

nia ibikoyo ni Yehova gin ceke m’uyabu ic, man ku ba nyithi lim ceke ma kayu m’ibedo ko; nyogi ceke bibedo pa Yehova.

Ai 13:2

Wudwok kayu ceke leng’ ira, gin ma tek uyabu ic i kind nyithindho mir Israel, mi dhanu ku lim de: en e para.

Lembe Mi Julawi 23:17

Wukel kwen m’ang’ina ario m’awira mi ng’ete mir apaje ario ma i katoko ku i kabedo mu: gibibedo mi mogo ma yom, jubitedogi ku thobi, ni nying’ ma kwong’a ni Yehova.

Malaki 3:10

Wukel apajpiny ma bo i odkanpiny, kara cam ubed nuti i ot para, man wumul ia kawono kum maeni, Yehova mir udul uwacu, tek abiyabu iwu wang’ polo ngo, man abikonjo iwu mugisa, kara ka m’urome bed umbe.

Malaki 3:8

Dhanu bikwalu ba Mungu? ento wukwalu i bang’a. Ento wuwacu kumae, Wakwalu i beng’i i gin ma kani? I piny m’apaje ku girathiera.

Kitabu Mir Ang’wende Pa Musa Wel 18:15

Gin ceke m’uyabu ic, mi ring’o ceke ma gibithiero ni Yehova, kadok mi dhanu kadi mi lim de bibedo peri: ento kayu mi dhanu ibiwaru andha, man kayu mi lim ma leng’ ungo ibiwaru.

Kitabu Mir Ang’wende Pa Musa Wel 18:18

Man ring’gi bibedo peri, calu kor m’awira man calu bam ma yor acwic, ebibedo peri.

Kitabu Mir Ang’wende Pa Musa Wel 18:21

Man nen, amio apaje ceke i Israel ni aba ni nyithindho pa Lawi, ka giratima migi ma gitimo, en e giratima mi hema mi cokri.

Jurumi 11:16

Man tek cam ma kwong’a bedo leng’, cam dho bende bedo kumeno.

Poi Mi Cik 14:22

Mi apaje mi nyai ceke mi kodhi peri, maeno m’uai i podho ku ba rundi ku ba rundi.

Poi Mi Cik 18:4

Mi ire mwoka mi cam peri, kum pigulok peri ma nyasa, man kum mo peri, man landu mi yuk rombe peri.

Poi Mi Cik 26:2

nia ibigamu landu mwoka mi nying’ piny ceke mi ng’om, m’ibikelo m’uai i ng’om peri ma Yehova Mungu peri mio iri; e ibikethe i katoko, man ibicidho ba ka ma Yehova Mungu peri bigoyo wie, kara eketh nyinge bed keca.