Nehemia 10:36 - The Holy Bible In Alur (Lur) Revised Orthography

³⁶ man kayu mi wotwa bende, man mi lim mwa, calu egore i cik, man kayu mi dhiang’ mwa ku rombe mwa, kara wakel ba ot pa Mungu mwa, ba julam ma timo i ot pa Mungu;

Nehemia 10:36 ပူးပေါင်းရင်းမြစ်များ

2 Lemkei 31:5

Man kinde ma lembang’olane wok woko, nyithindho mir Israel gimio mwoka cam dit apua, pigulok ma nyen, ku mo, man kic, man mi gin ceke m’ucek i podho; man gikelo apaj gin ceke ma dit hai i ie.

Nehemia 12:44

Man i ceng’ maeca juketho dhanu wi kusika ni piny m’akana, pi lam m’ating’a, pi mwoka, man pi piny mir apaje, kara gicok i igi, calku pothi mir adhura, makapiny mi julam ku Julawi ma jung’olo ku cik: kum anyong’a nego Yuda kum julam ku Julawi ma gikuro.

Nehemia 13:5

eyiko ire kusika ma dit, ka ma naka giketho ie lam mi mogo, kud udok ma ng’wice ng’ar, kud agulu, ku piny mir apaje mi cam, ku pigulok ma nyen, man mo, ma jumio ni Julawi ku lembang’ola, ku juwer, man jukur dhugola; man lam m’ating’a ma ni julam.

Ai 13:2

Wudwok kayu ceke leng’ ira, gin ma tek uyabu ic i kind nyithindho mir Israel, mi dhanu ku lim de: en e para.

Ai 23:19

Kel landu mwoka mi ng’om peri i ot pa Yehova Mungu peri. Kud ited nyathi diel ku cag min.

Ai 34:19

Gin ceke m’uyabu ic en e para; lim peri ceke ma coge, kayu mi dhiang’ man mi rombe.

Malaki 3:10

Wukel apajpiny ma bo i odkanpiny, kara cam ubed nuti i ot para, man wumul ia kawono kum maeni, Yehova mir udul uwacu, tek abiyabu iwu wang’ polo ngo, man abikonjo iwu mugisa, kara ka m’urome bed umbe.

Kitabu Mir Ang’wende Pa Musa Wel 3:13

kum kayu ceke gi para; i ceng’ m’agoyo ie kayu ceke m’i ng’om Misiri adwoko kayu ceke mir Israel leng’ ira, dhanu ku lim de; gibibedo para: an a Yehova.

Jugalatia 6:6

Ento dong’ ng’atu ma juponje ku lembe eribre ku ng’atu m’uponje i gin ceke ma ber.

Poi Mi Cik 12:6

man wuter lam m’awang’a mu, ku lam mu, kud apaje mu, ku lam m’ating’a mi cingwu, ku lembang’ola mu, man lam ma ku berocwiny mu, ku kayu mi dhok mu man mir udul rombe mu: