Nehemia 10:29 - The Holy Bible In Alur (Lur) Revised Orthography

²⁹ gimoko kum juwagi, ma weg yung migi, man gimondo i kwong’, kud alam, ya giwoth i cik pa Mungu, m’umire ni kum Musa ma jatic pa Mungu, man kara gilwor gitim lembang’ola pa Yehova ma Rwoth mwa, ku lembapoka pare ku cik pare;

Nehemia 10:29 ပူးပေါင်းရင်းမြစ်များ

2 Ubimo 10:31

Ento Yehu ketho cwinye ngo kum wotho i cik pa Yehova, ma Mungu mir Israel, kud adundene ceke: eweko dubo pa Yeroboam ungo, m’eketho Israel udubo kudo.

2 Ubimo 23:3

E ubimo cungo ba mbegi, man etimo lembbariba i wang’ Yehova, kara elub tok Yehova, man ewor lembang’ola pare, ku lembatuca pare, man cik pare, kud adundene ceke man ku ng’eyong’ec pare ceke, kara etim lembe mi lembariba maeni m’ugore i kitabu maeni: man dhanu ceke gicungo kum lembaribane.

I Lemkei 9:2

Nie ju m’ular ubedo i piny migi i adhura migi gi Israel, julam, Julawi, man Junethini.

2 Lemkei 34:31

E ubimo cungo i kakare, man etimo lembariba i wang’ Yehova, kara ewoth i tok Yehova, man ewor lembang’ola pare, ku lembatuca pare, ku cik pare, kud adundene ceke, man ku ng’eyong’ec pare ceke, kara etim lembe mi lembariba m’ugore i kitabu maeni.

2 Lemkei 6:16

Ka kumeno kawono, E Yehova, Mungu mir Israel, tim ku jatic peri ma Daudi ma vwa gin m’ing’olo ire, m’iwacu kumae, Dhanu birem iri ngo i wang’a ma bijany wi komker mir Israel, tek nyithindho peri giketho wang’gi kum yo migi kende, kara giwoth i cik para calu iwotho i wang’a.

Nehemia 13:25

E wadhau kugi, man akwong’ogi, e agoyo jumoko m’i kindgi, man adoyo yukwigi, e aketho gikwong’o ku Mungu, awacu kumae, Wubimio nyigwu ni wotgi ngo, kadi wubigamu migi ni wotwu de ngo, kadi piwu giwu.

Nehemia 7:46

Junethini kumeni: nyithindho pa Ziha, nyithindho pa Hasufa, nyithindho pa Tabaoth,

Nehemia 8:2

E Ezra ma jalam ukelo cik i wang’ cokri, co ku mon bende, man dhanu ceke ma gicopo winjo ku ng’eyong’ec, i ceng’ mir acende mi dwi mir abirone.

Nehemia 8:3

Man esomo i ie i wang’ lela ma lac ma ni i wang’ dhugang’ mi pi ugambre pir kugweno cil dieceng’, i vut co ku mon, man i vut ju ma copo ng’eyo; man ith dhanu ceke bedo acika kum kitabu mi cik.

Nehemia 9:2

Man kodhi mir Israel gikoiri gigi ku juwirok, e gicungo gituco dubo migi, ku kier pa weggi.

Nehemia 9:38

Man karacelo ku maeni ceke watimo lembariba mandha, e wagore; man judongomawijo mwa, ku Julawi mwa, man julam mwa, gimwono ayi i kume.

Zaburi 105:45

Kara giwor lembang’ola pare, Man gimok kum cik pare. Wupak Yehova.

Zaburi 119:106

Akwong’o kwong’, man aketho ecungo, Kara aketh cwinya ku lembapoka peri ma pwe.

Zaburi 8:1

E Yehova, Rwoth mwa, Karamb ber mi nyingi ma ni i ng’om yu mire ma, M’iketho dwong’ peri wi polo!

Zaburi 8:9

E Yehova, Rwoth mwa, Karamb ber mi nyingi ma ni i ng’om yu mire ma!

Isaya 14:1

Kum kisa binego Yehova kum i Yakobo, e ebifoyo Israel kendo, man ebikethogi i ng’om migi ma dhe: e umondo biribre gire kugi, man gibimoko kum ot pa Yakobo.

Yeremia 26:4

Man ibiwacu igi kumae, Yehova wacu kumae: Tek wubiwinjo dwanda ngo, kara wuwoth i cik para, m’aketho i weng’wu,

Yeremia 34:15

E kawono wulokru, man wutimo gin m’atira i wang’a, kuyero pi gony ku ba dhanu ku ba dhanu ng’atuman ni wadi; man wutimo lembariba i wang’a i ot m’ulwongre ku nyinga:

Ezekiel 36:27

Man abiketho Tipo para i iwu, man abiketho wuwotho i cik para, man wubiworo lembapoka para, wubitimogi de.

Lembe Mi Julawi 20:26

Man wubibedo leng’ ira: kum an, an a Yehova, an a leng’ man akoyowu ku kind kodhidhanu, kara wubed para.

Malaki 4:4

Wupoi kum cik pa Musa ma jatic para, m’ang’olo ire i Horeb pir Israel ceke, en e cik ku lembapoka.

Kitabu Mir Ang’wende Pa Musa Wel 5:21

jalam bilund ketho dhakune kwong’o kwong’ mi lam, man jalam biwacu ni dhakune kumae, Yehova dwoki ni lam man kwong’ i kind juthu, kinde ma Yehova talu bembi, man ekwodo ii;

Yohana 1:17

Kum cik umire ni kum Musa; bero ku lemandha bino ni kum Yesu Kristu.

Yohana 15:14

Wun wu jurimba, tek wutimo gin m’ang’olo iwu.

Yohana 7:19

Musa mio iwu cik ungo, ere ng’atu moko mbe i kindwu m’utimo cikne? Nedi wuyenyo wunega?

Tic Mi Jukwenda 11:23

ma, kinde m’ewok, eneno bero pa Mungu de, mutoro nege; edong’ eponjogi ceke nia ku tego mir adundegi gimok ndhu kum Rwoth:

Tic Mi Jukwenda 17:34

Ento jumoko gimoko i kume, giyie de: kind joni moko Dionusio ma Jaareopago, dhaku ke ma nyinge Damari, giku jumange de.

Tic Mi Jukwenda 23:21

Ka kumeno kud iyi igi: kum dhanu pier ang’wen ku wie gikanu adhi ire, ma gitwiri gigi ku kwong’, nia gicamu ngo gimadhu de ngo ma fodi gikunege ngo: e kawono gibedo ayika, ma gibekuro ko lembang’ola m’i beng’i.

Jurumi 12:9

Dong’ mer ubed umbe umbili. Dag hai maeno m’e rac; mok kum maeno m’e ber.

Poi Mi Cik 33:4

Musa ng’olo iwa cik, Aba ni cokri pa Yakobo.

Poi Mi Cik 5:1

E Musa lwong’o Israel ceke, man ewacu igi kumae, E Israel, winj cik ku lembapoka m’ayero i ithwu tin, kara wumak ng’eyogi, man wuketh cwinywu nitimogi.

Poi Mi Cik 5:32

Ka kumeno wuketh cwinywu kum timo calu Yehova Mungu mu ng’olo iwu: kud wulokru cen i cing’ ma yor acwic kadi ma yor acam.