Nehemia 1:6 - The Holy Bible In Alur (Lur) Revised Orthography

⁶ kawono wek ithi bed acika, weng’i de ayaba, kara iwinj rwo pa jatic peri, m’arwo i weng’i i nindo maeni, dieceng’ ku diewor, pi nyithindho mir Israel ma jutic peri, kinde m’atuco dubo mi nyithindho mir Israel, ma wadubo iri. Eyo, an ku ot pa vwa wadubo:

Nehemia 1:6 ပူးပေါင်းရင်းမြစ်များ

1 Ubimo 8:30

Man iwinj kwac ma jatic peri kwayu, man mi dhanu peri Israel, kinde ma gibirwo yo ba ka maeni: eyo, winj i polo ma kabedo peri; man kinde m’iwinjo, wek lembe woko.

1 Ubimo 8:47

ento tek gibipoi gigi i ng’om ma juterogi i ie ni ng’eca, man gilokri kendo, e gikwei i ng’om mi ju m’uterogi ni ng’eca, gibiwacu kumae, Wadubo, wacamu co, watimo rac;

2 Lemkei 28:10

Man kawono wukeco ya wugwok nyithindho mi Yuda ku Yerusalem iwu ni ng’eca ma co ku ma mon: ento dubo ma mu giwu nuti ngo kum Yehova Mungu mu?

2 Lemkei 29:6

Kum kwaruwa dubo, man gitimo gin ma rac i wang’ Yehova Mungu mwa, man giweke, man giloko wang’gi woko ku ba kabedo pa Yehova e giloko ng’eigi.

2 Lemkei 6:40

Kawono, E Mungu para, wek, akwei, weng’i bed ayaba, man wek ithi bed acika, ba rwo ma jutimo i ka maeni.

Ezra 10:1

Nie ka Ezra berwo etuco de, m’eywak m’eredhre piny de i wang’ot pa Mungu, udul ma dit apila ucokri i bang’e kud i Israel mi co ku mon ku nyithindho; kum dhanune ywak dit.

Ezra 10:11

Ka kumeno kawono wutuc ni Yehova, Mungu pa kwaruwu, man wutim yeny ma ie yenyo; man wukoiru giwu ni kodhidhanu m’i ng’om, man ni mon ma juwirok.

Nehemia 1:11

E Rwoth, akwei, kawono wek ithi bed acika ni rwo pa jatic peri, man ni rwo mi jutic peri, ma anyong’a migi en e lworo nyingi; akwei, keth lembe bed miero ni jatic peri tin, man imi ire kisa i wang’ ng’atu maeni. (Nwang’u an a jating’ kikombe p’ubimo.)

Zaburi 102:17

Eneno rwo mi ju ma kendgi, Man ecayu rwo migi ngo.

Zaburi 106:6

Wadubo waku kwaruwagi, Watimo kier, wadubo.

Zaburi 130:2

Rwoth, winj dwanda: Wek ithi bed acika Ni dwal mi kwac para.

Zaburi 32:5

Atuco dubo para iri, Man kier para amung’o ngo: Awacu kumae, Abituco camuco para ni Yehova: Man iweko kier mi dubo para.

Zaburi 34:15

Wang’ Yehova ni yo ba weg bedopwe, Ithe de bedo acika ni ywak migi.

Zaburi 55:17

Uthieno, man kugweno, man dieceng’, abiywak, man abicur acura: Man ebiwinjo dwanda.

Zaburi 88:1

E Yehova, Mungu mi both para, Aywak dieceng’ku diewor i weng’i.

Isaya 6:5

Alund awacu kumae, Can i wia! kum athum; kum an a dhanu mi dendhok m’ucido, man abedo i kind dhanu mi dendhok m’ucido: kum wang’a neno Ubimo, Yehova mir udul.

Ywak 5:7

Kwaruwa dubo, e gimbe: E wayeyo kier migi.

Daniel 9:15

Man kawono, E Rwoth Mungu mwa, m’iwodho dhanu peri woko kud i ng’om Misiri ku cingi ma tek, man inwang’u pak iri, calu ebedo tinuni; wadubo, watimo rac.

Daniel 9:20

Man kinde m’abeweco, man aberwo, abetuco dubo para ku dubo mi juthuwa Israel, ku wodho kwac para i wang’ Yehova Mungu para pi got ma leng’ pa Mungu para;

Daniel 9:4

Man a rwo ni Yehova Mungu para, man atimo lembatuca, awacu de kumae, A, Rwoth, Mungu ma dwong’ ma jang’oindiri, m’ugwoko lembariba man mer mi bero ku ju m’umare m’uworo lembang’ola pare de,

Daniel 9:5

wadubo, man watimo kier, man watimo gondri, man wajai, cil kuweko cik peri ku lembapoka peri;

Daniel 9:8

E Rwoth, lewic mi wang’ ubedo iwa, ni ubimo mwa, ni judongomawijo mwa, man ni kwaruwa, kum wadubo iri.

Luka 18:7

E Mungu biculo wang’ lembe mi ju m’egoyo wigi ngo m’uywak i bang’e dieceng’ ku diewor, ento fodi etwio cwinye i kumgi?

Luka 2:37

man ebedo umbe cware cil i oro pier abora wi ang’wen), m’eai ngo i hekalu, m’erwo ni Mungu diewor ku dieceng’ ku weko cam! ku kwayukwac de.

Juefeso 2:3

ma wan ceke bende naka wabedo i kindgi i awanya ma rac mi kumwa, ma watimo ava mi kum ku mi pidoic, man ku kura wa nyithindho mi kwinyo, cil calu dong’ dhanu:

1 Timoteo 5:5

Nie ng’atu ma dhaku ma cware tho andha, man ebedo e kende, e genogen pare ni ba Mungu, man ebedo kokro ku kwayukwac ku rwo diewor ku dieceng’ de.

2 Timoteo 1:3

Afoyo Mungu, m’atimo ire ku pidocwinya ma leng’ ugambre kum kwara, ma ia kuweko poyo piri ngo i kwac para m’akwayu, diewor ku dieceng’ de

1 Yohana 1:9

Tek watuco dubo mwa, en e mandha man pwe mi weko dubo mwa, mi lonyowa de ni gondri ceke.

1 Samwil 15:11

Alokra kum ating’o Saul ni ubimo; kum elokre cen kum luba, man etimo lembang’ola para ngo. Man kwinyo nego Samwil; man eywak ba Yehova diewor soro.