Nehemia 1:3 - The Holy Bible In Alur (Lur) Revised Orthography

³ E giwacu ira kumae, Dong’ dhanu m’udong’ mi ng’eca kuca i ng’etker gini i masendi ma dit man cac: gang’kidi mi Yerusalem bende jurwombo piny, man dhugang’ne de juwang’u ku mac.

Nehemia 1:3 ပူးပေါင်းရင်းမြစ်များ

1 Ubimo 9:7

abilund kabu Israel woko kud i ng’om m’amio igi; man ot maeni, m’adwoko leng’ pi nyinga, abibayu woko kud i wang’a; man Israel bibedo ni lembabola ku koi i kind kodhidhanu ceke.

2 Ubimo 25:10

Man njuru asikari ceke mi Jukaldayo, ma ni karacelo ku jego mi jukur, girwombo gang’kidi mi Yerusalem m’utieke gbur piny.

2 Lemkei 36:19

E giwang’u ot pa Mungu, man girwombo gang’kidi mi Yerusalem piny, e giwang’u odkeme ceke ku mac, man ginyotho agulu ma berne ceke.

Ezra 2:1

Nie maeni gi nyithindho mi ng’etker, m’uidho malu kud i ng’eca kind ju ma juyaku, ma Nebukadnezar m’ubimo mi Babeli terogi i Babeli, man m’udok Yerusalem man Yuda, kubang’gi kubang’gi ng’atuman i adhura pare man i adhura pare;

Ezra 5:8

Dong’ ubimo ng’ei, nia wamondo i ng’etker ma Yuda, ba ot pa Mungu ma dit, m’ugombre ku kidi ma dit, man juketho yen i kum kor ode; e tic maeni cidho kud amora man ebedo miero i cing’gi.

Nehemia 11:3

Nie maeni gi judongo mi ng’etker m’ubedo i Yerusalem: ento i adhura mi Yuda ku ba dhanu nzu ng’atuman ubedo ku piny pare i adhura migi, lembene kumae, Israel, ku julam, man Julawi, ku Junethini, man nyithindho mi jutic pa Suleman.

Nehemia 2:13

Man awok woko ku diewor ku dhugang’ m’i poga, cil yo ba pi m’atong’a mir utho, man ba dhugang’ mi weyo, man aneno gang’kidi mi Yerusalem, m’urwombre piny, man dhugange m’uwang’ ku mac.

Nehemia 2:17

Alund awacu igi kumae, Wuneno bedo ma rac ma wani i ie, maram Yerusalem ubedo ko ni uvuru, man dhugang’ne juwang’u ku mac: wubin, wagoyu gang’kidi mi Yerusalem, kara ku wabed ni cac kendo.

Nehemia 2:3

Man awacu ni ubimo kumae, Dong’ ubimo bed mi nja: wang’a kubed mi can ungo nedi, kan adhura, ka odliel pa wegwa, udong’ uyung’ni ni uvuru, man dhugang’ne juwang’u ku maci?

Nehemia 7:6

Maeni nyithindho mi ng’etker, m’uidho malu kud i ng’eca mi ju ma juyaku, ma Nebukadnezar m’ubimo mi Babeli yaku, man m’udwogo Yerusalem kud i Yuda, ku ba dhanu nzu ng’atuman bang’ adhura pare;

Ester 1:1

Nwang’u etimbre i ceng’ pa Ahasuerus (Ahasuerus maeni m’ucamu ker ugambre i India cil kum Kuc, wi ng’etker dak acel ku pier ario wi abiro),

Zaburi 79:4

Wadoko ni cac ni judhugola mwa, Cac ku ng’iero ni ju m’utiekowa.

Lembrieko 25:28

Ng’atu ma cwinye ciro lembe ngo En e calu adhura m’utur ma gang’kidine mbe.

Isaya 43:28

Ka kumeno abicido judongomawijo mi kamaleng’; man abidwoko Yakobo ni kwong’, man Israel ni cac.

Isaya 5:5

E kawono abiyero iwu maram abitimo ko kum podho mir ulok para: abikabu ararane, e jubicame; abirwombo gange piny, e jubinyone:

Yeremia 24:9

abimiogi kara juthorgi kun ku kun i kind thek ceke m’i ng’om mi lem ma rac; kara gibed mi cac man koi, mi lele man kwong’, i ka ceke m’ariemogi i ie.

Yeremia 29:18

Man abilubo tokgi ku palamularu, man ku ndru, man ku thong’om, e abimiogi kara juthorgi kun ku kun i kind thek ceke m’i ng’om, kara gibed m kwong’, man wang’uic man cac, kud acidi, i kind thek ceke m’ariemogi i ie;

Yeremia 39:8

E Jukaldayo wang’u ot p’ubimo, ku udi mi dhanu, ku mac, man girwombo gang’kidi mi Yerusalem.

Yeremia 42:18

Kum Yehova mir udul, Mungu mir Israel, uwacu kumae: Calu ng’ecwiny para ku kwinyo para konjre woko wi ju m’ubedo i Yerusalem, e kwinyo para bikonjre woko i kumwu kumeca, kinde ma wubimondo i Misiri; e wubibedo ni lam, man ni wang’uic, man ni kwong’, man ni cac; e wubineno kakeni kendo ngo.

Yeremia 5:10

Wuidh malu wi gang’kidi pare, man wunyothi; ento kud wujig ma gwei: wukab jange cen; kum gi pa Yehova ngo.

Yeremia 52:14

Man njuru asikari ceke mi Jukaldayo ma ni karacelo ku jego mi jukur, girwombo gang’kidi ceke mi Yerusalem gbur.

Ywak 1:7

Yerusalem upoi i nindo mi masendi pare man mi cur pare pi gin ma ber pare ceke ma yang’ ubedo nuti ugambre con: Kinde ma dhanu pare podho i cing’ jasend, man ng’atu moko mbe m’ukonye. Jusend ginene, gicayu uvuru pare.

Ywak 2:9

Dhugang’ pare mwony i ng’om; enyotho man eturo utwindine: Ubimo pare ku judongomawijo pare gini i kind thek ka ma cik umbe i ie; Eyo, jubila pare gineno ginmawokiwang’ ungo m’uai ba Yehova.

Ywak 3:61

Iwinjo cac migi, E Yehova, ku lembrieko migi ceke i kuma,

Ywak 5:1

Poi, E Yehova, pi gin m’uwok i kumwa: Ng’i man inen cac mwa.

Lembe Mi Julawi 26:31

Man abidwoko adhura mu ni uvuru, abikelo kamaleng’ mu de ni nyoth, man abing’wio ng’wic mido mu ma ng’ar ungo.

Lembe Mi Julawi 26:33

E abikethowu i kind thek, man abirieyo palamularu i tokwu: man ng’om mu bibedo ni nyoth, adhura mu de bibedo ni uvuru.