Nahum 2:9 - The Holy Bible In Alur (Lur) Revised Orthography

⁹ Ting’ ayeki mi mola ma tar, ting’ ayeki mi mola ma kwar; piny m’akanane thum ungo, dwong’ mi jamni ceke ma ber.

Nahum 2:9 ပူးပေါင်းရင်းမြစ်များ

2 Lemkei 36:10

Man ka rundi dwogo ubimo ma Nebukadnezar uoro kwenda, ugame utere Babeli, kud agulu ma ber mi ot pa Yehova, man eketho Zedekia m’umin mire ni ubimo wi Yuda ku Yerusalem.

Isaya 33:1

Can i wii in i ng’atu m’inyotho, man junyothi ngo; man m’itimo kud abombi, e gitimo kud abombi i kumi ngo! Kinde m’idaru nyotho, e jubinyothi; man kinde m’idaru timo kud abombi, gibitimo kud abombi i kumi.

Isaya 33:4

Man jubicoko ayeki mu calu ukoko coko: calu bonyo por e dhanu bipor i wie kumeca.

Yeremia 25:34

Wugoi nduru, wu jukwac, man wuywaki; wuvukru de ku vuru, wu jutego mir udul rombe; kum nindo mi nek mu man lal mu tundo, man wubipodho calu combo ma ber.

Yeremia 46:5

Pirang’o aneno maeni? cwinygi ng’abre man gilokri cen; e juredho jurukara migi, man giringo, e gineno yor i ng’eigi ngo: ndiri ni i ng’etgi kun ku kun, Yehova wacu.

Yeremia 51:56

kum janyoth ubino i wie, en e wi Babeli, e jumaku jurukara pare, juturo atum migi nziki nziki; kum Yehova en e Mungu mi culokwor, ebiculo kwor andha.

Ezekiel 26:12

Man gibidwoko lonyo peri ni ayeki, man gibidwoko kuloka peri ni amaci; man gibirwombo gang’kidi peri piny, man ginyotho udi peri ma beco; man gibiketho kidi peri ku yen peri kud utur peri i die pi.

Daniel 11:8

Man mungu migi bende, kud ayi gin m’acwia migi m’atwaga, kud agulu migi ma beco mi mola ma tar ku mi mola ma kwar, ebiyaku ebitero i Misiri; man ebicere rundi moko ni ubimo ma yor ariwa ma yo malu.

Nahum 3:17

Judongomawijo peri gi calu bonyo, man jugorcik peri gi calu udul usene, m’ugonjo i arara i ceng’ mi koyo, ento ka ceng’ udongo giduny, man kakagi ng’eire ngo ka ma gibedo i ie.

Lembanyutha 18:12

jambkuloka mi mola ma kwar, ku mi mola ma tar, man kidi ma pire tek, man kidi ma i upal, ku bongu ma nwang’ ma nwe nwe, man uluga, man bongu mir ukoko, man kwar ngbo; ku yen ceke ma ng’wice ng’ar, man agulu ceke kubang’gi mi lakliec, man agulu ceke kubang’gi ma jutimo ku yen ma pire tek, man mi mola, ku nyunyu man kidi ma tar de;

Lembanyutha 18:16

ma giwacu ko kumae, Can, can, adhura ma dwong’, en m’eronjre ku bongu ma nwang’ ma nwe nwe kud uluga man kwar ngbo, man m’erukre ku mola ma kwar ku kidi ma pire tek ku kidi ma i upal!