Mika 7:9 - The Holy Bible In Alur (Lur) Revised Orthography

⁹ Abiciro ng’ecwiny pa Yehova, kum adubo ire, maram ebikoro ko i lembe para, man etim lembapoka ira: ebiwodha woko ba der, e abineno bedopwe pare.

Mika 7:9 ပူးပေါင်းရင်းမြစ်များ

2 Samwil 24:17

E Daudi wacu ni Yehova kinde m’eneno malaika m’ugoyo dhanu, man ewacu kumae, Nen, adubo, man akier; ento rombe maeni, gitimo ang’o? akwei, wek cingi bed i wia, man wi ot pa vwa.

Kitabu Pa Yob 23:10

Ento eng’eyo yo m’akwanyu; Kinde m’emulo ia, abiwok woko calu mola ma kw’ar.

Kitabu Pa Yob 35:14

E ka kinde m’iwacu ibenene ngo ke nenedi, Lembe ni i wang’e, man ikure!

Zaburi 119:154

Cung kum lembe para, man iwara: Yep cwinya calku lembe peri.

Zaburi 37:6

Man ebiwodho bedopwe peri calu der, Man pokolembe peri calu dieceng’.

Zaburi 43:1

Pok lembe para, E Mungu, man icung kum lembe para kum thek ma ayi Mungu mbe i kume: A bodha ni ng’atu ma jabombi ma ng’atu m’ugondre.

Zaburi 7:6

Ai, E Yehova, i ng’ecwiny peri; Tingri malu wi rop mi jusend para, Man iceu pira: ing’olo lembapoka.

Zaburi 94:15

Kum lembapoka bidwogo ba bedopwe; Man dhanu ceke m’atira i adunde bilube.

Isaya 42:16

Man abikelo abinga kud i yo ma ging’eyo ngo; abipeyogi i yo ma ging’eyo ngo; abidwoko mudho ni der i wang’gi, man abitiro ka m’ugondre. Abitimo gin maeni, man abikunogi ngo.

Isaya 42:7

mi yabu wang’ abinga, mi wodho jukol woko kud i odkol, man ju m’ubedo i mudho kud i odkol.

Isaya 46:13

akelo bedopwe para ceng’ni, ebibedo bor ungo, man both para bigalu ngo; man abiketho both i Sayuni ni Israel ma dwong’ para.

Isaya 51:22

Rwoth peri ma Yehova wacu kumae, man Mungu peri m’ucungo kum lembe mi dhanu pare, Nen, akabu kikombe mi mielkum kud i cingi, en e tabu mi kikombe mi kwinyo para; ibimadhe kendo ki ngo:

Isaya 56:1

Yehova wacu kumae, Wugwok pokolembe, man wutim bedopwe; kum both para ni ceng’ni bino, man judhingo nyutho bedopwe para.

Yeremia 10:19

Can i wia kum rem para mire! lero para rac dit: ento awacu kumae, Andha maeni en e can para, man maku acire.

Yeremia 14:7

Kadok kier mwa tuco wiwa, tim ni kum nyingi, E Yehova; kum corocen mwa gi dupa; wadubo iri.

Yeremia 51:10

Yehova wodho bedopwe mwa woko: wubin, man wek wayeru pi tic pa Yehova Mungu mwa i Sayuni.

Ywak 1:18

Yehova e pwe; kum ajai kum lembang’ola pare: Wuwinji, akwayuwu, wu kodhidhanu ceke, man wunen can para: Nyir para ma ng’won kud awobi para gicidho i ng’eca.

Lembe Mi Julawi 26:41

an bende awotbo ku co igi, man akelogi i ng’om mi judegi migi: tek adundegi ma jutimo yaa i kume ngo ulund ujwigre, man gilund gijolo masendi mi kier migi;

Malaki 3:18

Wubilund dwogo man wubing’io kind weg bedopwe ku judubo, man ju m’utimo ni Mungu ku ju m’utimo ire ngo.

1 Jukorinto 4:5

Kum kumeno kud wupok lembe moko ma fodi nindone kutundo ngo, cil ma Rwoth biwok ko, m’ebiwodho gin m’i mudho m’upondo uwok i der, man ke ebinyutho lembapora mir adunde; e ku ba dhanu ku ba dhanu man bilund bedo ku pak pare m’uai ba Mungu.

2 Timoteo 4:8

ugambre ka wono jamkermiwic mi bedopwe, judaru kanu ira, ma Rwoth, ma japoklembe ma pwe, bimio ira i ceng’ maeca; endre ira a kenda ngo, ento ni dhanu ceke bende m’umaru nyuth pare m’ebinyuthre ko.

Lembanyutha 18:20

Anyong’a negwu i kume, in i polo, ku wun wu jumaleng’, man wu jukwenda, ku wu jubila; kum Mungu poko lembe mu i wie.

1 Samwil 24:15

Ka kumeno Yehova bed japoklembe, man eng’ol lembe i kindwa wakudi, man enen, ecung i kuma de, man ebodha kud i cingi.

1 Samwil 25:39

E kinde ma Daudi winjo nia Nabal utho, ewacu kumae, Mugisa bed ni Yehova, m’ecungo i kuma pi cac para m’i cing’ Nabal, man ecero jatic pare kudubo: e Yehova dwoko dubo pa Nabal i wie gire. Man Daudi oro kwenda man eyero pi Abigail, kara egame ire ni dhaku.

1 Samwil 26:10

Man Daudi wacu kumae, Calu Yehova bedo kwo, Yehova bigoye; Icadi ceng’ pare biwok mi tho; kadi ebiloro piny i lwiny, man ebirwinyo;

1 Samwil 3:18

E Samwil uyero ire ceke kot, man emung’o gin moko ire ngo. E ewacu kumae, En e Yehova: wek etim gin m’ubedo ber ire.