Mika 7:19 - The Holy Bible In Alur (Lur) Revised Orthography

¹⁹ Ngisi binege kendo i kumwa; ebinyono kier mwa the tielo; man ibibayu dubo migi ceke i thuth mi nam.

Mika 7:19 ပူးပေါင်းရင်းမြစ်များ

2 Samwil 24:14

Man Daudi wacu ni Gad kumae, Ani i lembarida ma tek: kawono wek wapodh i cing’ Yehova; kum kisa pare dit; man kud apodh i cing’ dhanu.

Zaburi 103:12

Calu yo nyangu bedo bor ku yo reto, E ecoro kier mwa bor kumeno kud i kumwa.

Zaburi 130:8

Man ebiwaru Israel Kud i kier pare ceke.

Zaburi 85:3

Ikabu kwinyo peri ceke woko; Ilokri giri ni lak ng’ecwiny peri.

Isaya 33:24

Man ng’atu m’ubedo i ie biwacu ngo kumae, Kuma lith: jubiweko kier mi dhanu m’ubedo i ie.

Isaya 38:17

Nen, en e pi kwiocwiny para ma nia abedo kud ulecu ma dit: Ento ibodho ng’eyong’ec para kud i vur mi nyoth ni kum mer; Kum ibayu dubo para ceke yor i ng’ei.

Isaya 43:25

An, en e an, an a ng’atu m’uyweyo gondri peri woko pira gira; e abipoi kum dubo peri ngo.

Yeremia 31:20

Efraim en e woda ma ka cwinya? en e nyathin mi meri? kum ku ba wec m’aweco i kume, acikupoi pire apoya: ka kumeno adundena ywage: kisa binega i kume andha, Yehova wacu.

Yeremia 31:34

Man ku ba dhanu ku ba dhanu ng’atuman biponjo wagi kendo ngo, man ku ba dhanu ku ba dhanu ng’atuman biponjo umin ungo, ma nia giwac kumae, Ng’ei Yehova; kum gin ceke gibing’eya, ugambre kum ma nok m’i kindgi cil kum ma dit m’i kindgi, Yehova wacu: kum abiweko kier migi, man abipoi kendo ngo pi dubo migi.

Yeremia 33:8

Man abilwokogi ni kier migi ceke, ma gidubo ko ira; man abiweko kier migi ceke, ma gidubo ko ira, man ma gigondri ko ira.

Yeremia 50:20

I ceng’ maeca, man i nindo maeca, Yehova wacu, jubiyenyo kier mir Israel, e ebibedo mbe; man dubo mi Yuda, e gibinwangri ngo: kum abiweko dubo ni donge m’aweko dong’.

Ywak 3:22

En e kum mer mi bero pa Yehova nia ku wathum, kum ngisi pare rem ungo.

Ywak 3:32

Kadok ekelo can, ento ngisi binege calkud udul mer mi bero pare.

Ezekiel 18:22

Jubipoi ungo pire kum dubo pare moko m’etimo: i bedopwe pare m’etimo ebibedo kwo.

Ezekiel 39:29

kadi abipanu wang’a kendo ngo igi; kum akonjo Tipo para wi ot mir Israel, Rwoth Yehova wacu.

Daniel 9:24

Jung’olo yenga pier abiro ni juthu man wi adhura peri ma leng’, kara judar dubo, man kara jujig dubo, man kara jutim rib mi kier, man kara jukel bedopwe ma nja, man kara jumwon ayi kum ginmawokiwang’ ku lembila, man kara juwir kamaleng’ ma sagu.

Hoseya 14:2

Wugam lembe wucidh kudo, man wudwog ba Yehova: wuwac ire kumae, Kab kier ceke woko, man ijol gin ma ber: e wabithiero lam mi dendhogwa calu lam mi thwoni dhiang’.

Hoseya 14:4

Abicangu dokcen migi, abimarugi k’abamba; kum ng’ecwiny para lokre woko kud i bang’e.

Zekaria 3:4

Man eloko lembe eyero ni ju m’ucungo i wang’e, ewacu kumae, Wuwodh kendi m’ucido kud i kume. Man ewacu ire kumae, Nen, akabu dubo peri kud i bertg’i man abironyi ku kendi ma ber.

Jurumi 6:14

Kum dubo mbe ku kero i wiwu: kum wun wuni the cik ungo, ento the bero.

Jurumi 8:13

kum tek wubedo tok kum, wubikotho be; ento tek wunego tic mi kum ku Tipo, wubibedo kwo.

Poi Mi Cik 30:3

nia Yehova Mungu peri bilund loko ng’eca peri, man ngisi binege i kumi, man ebidwogo ebicoki ku ba kodhidhanu ceke, ka ma Yehova Mungu peri leli i ie.

Poi Mi Cik 30:6

E Yehova Mungu perf bitimo yaa kum adundeni, man kum adunde kodhini, kara imar Yehova Mungu peri kud adundeni ceke, man ku ng’eyong’ec peri ceke, kara ibed kwo.

Poi Mi Cik 32:36

Kum Yehova bipoko lembe mi dhanu pare, Man ebiloko cwinye gire kum jutic pare; Kinde m’eneno nia tego migi rwinyo, Man moko mbe m’udong’, ma juciko bang’e kadi ma bang’e thwolo.

Tito 2:14

m’emire gire piwa, kara ewarwa kud i camuco ceke, man elony dhanu ire gire ni piny pare ma dhe, m’ubedo kud ava tic ma ber.

Juebrania 8:12

Kum kisa binega kum camuco migi, Man abipoi pi dubo migi kendo ngo.

1 Yohana 3:8

ng’atu ma timo dubo en e pa wonabali; kum wonabali dubo ugambre ku kwong’a. Kum lembe maeni Wod Mungu nyuthre, kara enyoth tic pa wonabali.