Mika 7:18 - The Holy Bible In Alur (Lur) Revised Orthography

¹⁸ Ng’a ma Mungu calu in, ma weko i kier woko, man ma kadhu ku wi gondri mi dong aba pare m’udong’i? ecere wi kwinyo pare nja ngo, kum anyong’a nege kum mer mi bero.

Mika 7:18 ပူးပေါင်းရင်းမြစ်များ

Thangambere 4:7

Tek itimo ber, ebiyire iri ngo? man tek itimo ber ungo, dubo bedo dhugola; man yeny pare bibedo yor i beng’i; ento dong’ ibim wie.

1 Ubimo 8:23

man ewacu kumae, E Yehova, Mungu mir Israel, Mungu moko mbe ma calu in, malu i polo, kadi piny i ng’om; m’ugwoko lembariba ku mer mi bero Jeu jutic peri, m’uwotho i weng’i kud adundegi ceke;

2 Lemkei 30:9

Kum tek wulokru kendo ba Yehova, utumegwu ku nyithindho mu binwang’u ngisi i wang’ ju m’uterogi ni ng’eca, e gibidwogo kendo i ng’om maeni: kum Yehova Mungu mu e won bero man e won kisa, man ebiloko wang’e kud i beng’wu ngo, tek wudwogo i bang’e.

2 Lemkei 6:21

Man iwinj kwac pa jatic peri, man mi dhanu peri Israel, kinde ma gibirwo yo ba ka maeni: eyo, iwinj i kabedo peri, kud i polo; man kinde m’iwinjo, wek lembene woko.

Nehemia 9:17

e gikwero woro, kadok musana peri m’itimo i kindgi de giparu pire ngo, ento giciko ng’utgi, man i jai migi giketho jego kara gidok i ng’eca migi. Ento in i Mungu m’ibedo ayika mi weko dubo, m’i won, bero ku kisa, yo ni ng’ecwiny, man mer mi beroni dit, e ikunogi ngo.

Zaburi 103:13

Calu won nyithindho bedo ku cwinye ma ng’ic kum nyithindhe, E Yehova de bedo ku cwinye ma ng’ic kumeno kum ju m’ulwore.

Zaburi 130:4

Ento wekodubo nuti kudi, Kara julwori.

Zaburi 35:10

Cogo para ceke biwacu kumae, Yehova, ng’a ma calu in, Ma bodho jacan ni ng’atu m’usage, Eyo, jacan ku jacanpiny ni ng’atu m’uyaku piny pare?

Zaburi 65:3

Kier usagu i kuma: Kier mwa, ibiweko gi woko.

Zaburi 65:4

Mugisa ni ng’atu m’igoyo wie, m’iketho ecoro i beng’i, Kara ebed i lelagang’ peri: Cwinywa bikwio ku bero mi ot peri, Hekalu peri ma leng’.

Zaburi 71:19

Bedopwe peri bende, E Mungu, eni malu hai; In m’itimo gin ma dwong’, E Mungu, ng’a ma calu ini?

Zaburi 86:15

Ento in, E Rwoth, in i Mungu mi kisa man mi bero, Ibedo yo ni ng’ecwiny, man dit i mer mi bero ku lemandha.

Zaburi 86:5

Kum in, Rwoth, i ber, man ibedo ayika mi weko dubo, Man i dit i mer mi bero ni dhanu ceke m’ulwong’i.

Zaburi 89:6

Kum ng’a m’i polo ma jucopo poro ku Yehova? Ng’a ma kind wot ju ma tek ma calu Yehova,

Zaburi 89:8

E Yehova Mungu mir udul, Ng’a ma ng’atu ma tek, ma calu in, E Yehova? Man bedo mandha peri tieki gbur.

Ai 15:11

Ng’a ma calu in i kind mungu, E Yehova? Ng’a ma calu in, ma dwong’ i leng’ne, Ma janyai ndiri i pak, m’ibetimo musana?

Ai 34:9

Man ewacu kumae, Tek anwang’u bero i weng’i kawono, E Rwoth, akwei, wek Rwoth ucidh i kindwa; kum en e dhanu ma ng’utgi tek; man iwek kier mwa ku dubo mwa de woko, man ijolwa ni aba peri.

Isaya 1:18

Wubin kawono, man wek waporu lembe karacelo, Yehova wacu: kadok dubo mu bedo kwar ngbo, gibibedo tar calu pei; kadok gi kwar calu rimo, gibibedo calu yuk rombe.

Isaya 33:24

Man ng’atu m’ubedo i ie biwacu ngo kumae, Kuma lith: jubiweko kier mi dhanu m’ubedo i ie.

Isaya 38:17

Nen, en e pi kwiocwiny para ma nia abedo kud ulecu ma dit: Ento ibodho ng’eyong’ec para kud i vur mi nyoth ni kum mer; Kum ibayu dubo para ceke yor i ng’ei.

Isaya 40:18

Wubilund poro Mungu kud ang’o? kadi wubipore kud ayi ma nedi?

Isaya 40:25

Ka kumeno wubipora ku ng’a, ma nia abed rom kude? Ng’atu Maleng’ uwacu.

Isaya 43:25

An, en e an, an a ng’atu m’uyweyo gondri peri woko pira gira; e abipoi kum dubo peri ngo.

Isaya 44:22

Araco gondri peri woko, calu afuru ma ndhu, man dubo peri, calu afuru: dwog i bang’a; kum aweri.

Isaya 55:7

dong’ jadubo wek yo pare, man won gondri pidoic pare; man wek edwog ba Yehova, e kisa binege i kume; man ba Mungu mwa, kum ebiweko ire ma gwei.

Isaya 57:10

Iol ku yo peri ma bor; ento iwacu ngo kumae, En e mananu: inwang’u girameda mi tego peri; ka kumeno ivoc ungo.

Isaya 57:16

Kum abi-ii mi nja ngo, kadok kwinyo de binega thiri thiri ngo; kum tipo maru voc i wang’a, ku ng’eyong’ec m’atimo.

Isaya 62:5

Kum calu jalawobi gamu mugole, e woti bigemi kumeca; man calu anyong’a nego won ambadha kum mugole, e anyong’a binego Mungu peri i kumi kumeca.

Isaya 64:9

Kwinyo kud unegi hai, E Yehova, kadi kud ipoi pi kier mi nja; nen, ng’i, wakwei, kawa ceke wa dhanu peri.

Isaya 65:19

Man anyong’a binega ni kum Yerusalem, man mutoro ni kum dhanu para; man jubiwinjo dwal mi ywak man dwal mi goyo nduru kendo ngo i ie.

Yeremia 3:12

Cidhi, man iyer lembe maeni yor ariwa ma malu, man iwac kumae, Dwogi, in i Israel m’ucoro cen, Yehova wacu; abineno wii ku ng’ecwiny ungo; kum kisa nega, Yehova wacu, abigwoko ng’ecwiny mi nja ngo.

Yeremia 3:5

Ebicero ng’ecwiny pare mi nja? ebigwoke cil i kajikne? Nen, iyero man itimo gin ma rac, man itimo yeny ma ii yenyo.

Yeremia 31:20

Efraim en e woda ma ka cwinya? en e nyathin mi meri? kum ku ba wec m’aweco i kume, acikupoi pire apoya: ka kumeno adundena ywage: kisa binega i kume andha, Yehova wacu.

Yeremia 31:34

Man ku ba dhanu ku ba dhanu ng’atuman biponjo wagi kendo ngo, man ku ba dhanu ku ba dhanu ng’atuman biponjo umin ungo, ma nia giwac kumae, Ng’ei Yehova; kum gin ceke gibing’eya, ugambre kum ma nok m’i kindgi cil kum ma dit m’i kindgi, Yehova wacu: kum abiweko kier migi, man abipoi kendo ngo pi dubo migi.

Yeremia 32:41

Eyo, anyong’a binega i kumgi ya atimgi ber, e abipidhogi i ng’om maeni kud adundena ceke man ku ng’eyong’ec para ceke.

Yeremia 33:8

Man abilwokogi ni kier migi ceke, ma gidubo ko ira; man abiweko kier migi ceke, ma gidubo ko ira, man ma gigondri ko ira.

Yeremia 38:8

Ebed-melek uwok woko kud i ot p’ubimo, man eyero ni ubimo, ewacu kumae,

Yeremia 50:20

I ceng’ maeca, man i nindo maeca, Yehova wacu, jubiyenyo kier mir Israel, e ebibedo mbe; man dubo mi Yuda, e gibinwangri ngo: kum abiweko dubo ni donge m’aweko dong’.

Yeremia 9:24

ento wek ng’atu m’ulule elule kum maeni nia, ng’eyothelembe ni kude, man eng’eyo an, nia an a Yehova m’atimo mer mi bero, ku pokolembe, man bedopwe, i ng’om: kum anyong’a nega kum gin maeni, Yehova wacu.

Ezekiel 18:23

Anyong’a nega kum tho pa jadubo? Rwoth Yehova wacu; man esagu ngo ya edwog kud i yo pare, man ebed kwo?

Ezekiel 33:11

Wac igi kumae, Calu abedo kwo, Rwoth Yehova wacu, anyong’a nega ngo kum tho pa jadubo; ento ya jadubo lokre kud i yo pare man ebed kwo: wulokru, wulokru kud i yo mu ma rac; kum wubitho nedi, E ot mir Israeli?

Ezekiel 33:16

Dubo pare moko m’edubo jubipoi pigi ngo i kume: etimo gin ma cik uyio man atira; ebibedo kwo andha.

Daniel 9:9

Kisa ku wekodubo en e pa Rwoth Mungu mwa; kum wajai i kume;

Hoseya 14:2

Wugam lembe wucidh kudo, man wudwog ba Yehova: wuwac ire kumae, Kab kier ceke woko, man ijol gin ma ber: e wabithiero lam mi dendhogwa calu lam mi thwoni dhiang’.

Hoseya 14:5

Abibedo calu thoi ni Israel; ebithiwo calu kura, man ebimeyo ulage calu Lebanon.

Yoel 2:32

Man ebitimbre, nia ng’atu ma tek bilwong’o nying’ Yehova ebiboth; kum ju m’uboth bibedo i got Sayuni man i Yerusalem, calu Yehova wacu, man ju ma Yehova lwong’o bibedo i kind donge m’udong’.

Amos 1:11

Yehova wacu kumae; Mi gondri adek mir Edom, eyo, mir ang’wen, abiloko masendine cen ungo; kum eriemo umin ku palamularu, man ebayu ngisi ceke cen, man ng’ecwiny pare yeco thiri thiri, ekanu kwinyo pare de mi nja.

Amos 7:8

E Yehova wacu ira kumae, Amos, ineno ang’o? Man awacu kumae, Thol m’atira. Rwoth ulund uwacu kumae, Nen, abiketho thol m’atira i kind dhanu para Israel; abikadhu akadha kendo ngo mange kud i ng’etgi;

Amos 8:2

Man ewacu kumae, Amos, ineno ang’o? man awacu kumae, Katoko mi nying’ cwir. Yehova lund uwacu ira kumae, Kajik uwok wi dhanu para Israel; abikadhu akadha kud i ng’etgi kendo ngo.

Yona 4:2

Man erwo ni Yehova, e ewacu kumae, Akwei, E Yehova, awacu kumeni ngo, ka fodi ani i ng’om ma thuwa? Ka kumeno atimo pio kara apiei i Tarcic; kum ang’eyo nia in i Mungu ma won bero, man ipong’ ku kisa, ibedo yo ni ng’ecwiny, man isegri i mer mi bero, iloko cwinyi de kum gin ma rac.

Mika 2:12

E Yakobo, abicoki kubeng’i ceke; abicoko dong’ Israel andha; abikethogi karacelo andha calu rombe mi Bothra, calu udul rombe i kind kwac migi; gibitimo woi ma dit ni kum udul dhanu.

Mika 4:7

man abiketho m’abala ni i kume ni donge, man ma jubayu ni thek ma tek: man Yehova bicamu ker i wigi wi got Sayuni ugambre i nindo maeca cil rondo ku rondo.

Mika 5:3

Ka kumeno ebimiogi, maram nindo wok ko ma ng’atu m’usendre ku nyodo nyol i ie: e dong’ utumin m’udong’ bilund dwogo ba nyithindho mir Israel.

Mika 7:14

Bim dhanu peri kud uluth peri, udul mir aba peri, m’ubedo kende, i luli i die Karmel: wek gicam i Bacan ku Gilead, calu i nindo ma con.

Zefania 3:17

Yehova Mungu peri ni i kindi, ng’atu ma tek ma bibodho; anyong’a binege i kumi ku mutoro; ebiyom i mer pare; anyong’a binege i kumi ku wer.

Kitabu Mir Ang’wende Pa Musa Wel 23:21

Eneno dubo i Yakobo ngo; Kadok kier de eneno ngo i Israel: Yehova Mungu pare ni karacelo kude, Man kok mir ubimo ni i kindgi.

Luka 15:32

Ento emaku jutim anyong’a jubed ku mutoro de: kum nwang’u umeru maeni tho, man ebedo kwo kendo; erwinyo, man enwangre.

Luka 24:47

man kara juyer pi lokocwiny ku rucodubo i nyinge ni thek ceke, ugambre Yerusalem.

Jurumi 11:4

Ento lembadwoka pa Mungu wacu ire nik ang’o? Dhanu m’udong’ ira gira gi rubanga abiro, ma fodi gikurumo conggi ngo ni Bal.

Poi Mi Cik 33:26

Ng’atu moko mbe ma calu Mungu, E Yecurun, M’uwotho kud i polo ni kony peri, Man wi afuru i dwong’ pare.

Yakobo 2:13

Kum pokolembe kisa pare mbe ni ng’atu m’unyutho kisa ngo: kisa behaire kum pokolembe.

Jupoklembe 10:16

E gikabu mungu ma juwirok woko kud i kindgi, man gitimo ni Yehova; e cwinye dieng’ kum can mir Israel.