Mika 7:17 - The Holy Bible In Alur (Lur) Revised Orthography

¹⁷ Gibinang’u utur calu thwol: calu gin ma lak m’i ng’om gibiai ma kumgi miel kud i kapondo migi: gibibino ku lworo ba Yehova Mungu mwa, man lworo binegogi ni kumi.

Mika 7:17 ပူးပေါင်းရင်းမြစ်များ

2 Samwil 22:46

Juwirok birwinyo woko, Man gibiwok ku i kapondo migi ma kumgi miel.

2 Lemkei 17:10

Man lworo pa Yehova podho wi ker ceke m’i ng’om m’utieko Yuda, ketho nia giting’o ali moko ngo kum Yehocafat.

Zaburi 18:45

Juwirok birwinyo woko, Man gibiwok woko kud i kakagi mi pondo ku kumgi m’umiel.

Zaburi 72:11

Eyo, ju m’ubimo ceke bipodho piny i wang’e; Thek ceke bitimo ire.

Zaburi 72:9

Ju m’ubedo i langa birum i wang’e; Man judegi pare binang’u utur.

Zaburi 9:20

Nyai lworo i igi, E Yehova: Wek thek ging’ei gigi nia gi dhanu kende. [Sela.

Isaya 25:3

Ka kumeno dhanu ma tek biyungi; adhura mi thek mi ndiri bilwori

Isaya 49:23

Man ju m’ubimo bibedo wego ma jupidi peri, man mon migi ni mego ma jupidi peri: gibirum piny i beng’i arieba wang’gi i ng’om, man gibinang’u utur m’i tiendi; e ibing’eyo nia an a Yehova; man ju m’ukura lewic binegogi ngo.

Isaya 59:19

Kum kumeno gibilworo nying’ Yehova gambre yo reto, man dwong’ pare gambre i wokceng’. Ka jadegi bino calu kulo m’utuk, Tipo pa Yehova biketho eringo.

Isaya 60:14

Man wot ju m’usendi bibino aruma i beng’i; man dhanu ceke m’ucei birum gigi the tiendi; e gibilwong’i kumae, Adhura pa Yehova, man, Sayuni pa Ng’atu Maleng’ mir Israel.

Isaya 64:2

calu kinde ma mac uwang’u susu mi luli, man mac uketho pi wali; kara iketh nyingi ng’eire ni jusend peri, kara kum thek umiel i vuti mire!

Isaya 65:25

Urudi ku nyathi rombo bicamu karacelo, man umvor bicamu soka calu koni dhiang’; e utur bibedo cemo mi thwol. Gibitimo rac ungo kadi nyotho de ngo wi got ma leng’ para ceke, Yehova wacu.

Isaya 7:19

E gibibino, man gibigonjo kagi ceke i poga ma, kende, man i kind cana m’ukak, man wi arara ceke mir ukudho, man wi kakwac ceke.

Yeremia 16:16

Nen, abilwong’o junam dupa, Yehova wacu, e gibijakugi; man yo ku ng’eye abilwong’o judwar dupa, man gibidwarugi ku ba gudi man ku bang’ ungulu gudi kubang’e kubang’e, man kud i odng’om m’i cana.

Yeremia 33:9

E adhura maeni bibedo ira ni nying’ mi mutoro, ni pak man ni dwong’, i wang’ thek ceke m’i ng’om, ma biwinjo bero ceke m’atimo igi, man ma lworo binegogi, kumgi de bimiel kum bero ceke man kum kwiocwiny ceke m’aketho uwok ire.

Ywak 3:29

Wek eketh dhoge i utur, tek kuno nyo genogen nuti.

Zekaria 14:5

Man wubiringo kud i poga mi got para; kum poga mi got bitundo kum Azel; eyo, wubiringo, calu wuringo kud i wang’ digidi i nindo pa Uzia m’ubimo mi Yuda; e Yehova Mungu para bibino, ku ju ma leng’ ceke gikugi.

Poi Mi Cik 32:24

Gibimok ku kec, man lietho mi cukmac bicamugi Ku nyoth ma kec; Man abioro lak yedi i kumgi, Ku kwir mir ukoko ma lak i ng’om.

Yocuwa 9:24

Man gidwoko lembe ni Yocuwa, giwacu de kumae, Kum eyere andha ni jutic peri, maram Yehova Mungu peri ng’olo ko ni jatic pare Musa ya emi ng’om maeni ceke iwu man enyoth dhanu ceke m’ubedo i ng’om maeno kud i weng’wu; ka kumeno lworo negowa dit pi kwo mwa ni kumwu, man watimo gin maeni.

Lembanyutha 3:9

Nen, amio ng’et cokri pa Jok, mi ju m’uwacu nia gi Juyahudi, enke gi kumeno ngo, ento gicwayu ndra; nen, abiketho gibino girwo de nyim tiendi, ging’ei de nia ameri.

1 Samwil 14:11

E gin ario ginyuthri gigi ni ju m’i ot ma tek mi Jufilisti: e Jufilisti giwacu kumae, Nen, Juebrania giwok woko kud i vur ma gipondo i ie.