Mika 7:13 - The Holy Bible In Alur (Lur) Revised Orthography

¹³ Ento ng’om bibedo ni uvuru ni kum ju m’ubedo i ie, ni nying’ giratima migi.

Mika 7:13 ပူးပေါင်းရင်းမြစ်များ

Kitabu Pa Yob 4:8

Calu m’aneno, ju ma furo kier, Man ma coyo can, e gikayu eca.

Lembrieko 1:31

Ka kumeno gibicamu nying’ piny mi yo migi gigi. Man gibiyeng’ ku lembapora migi gigi.

Lembrieko 31:31

Mi ire kum nying’ mi cinge; Man wek tic pare pake i dhugang’.

Lembrieko 5:22

Kier pare gire bimaku jadubo, Man jubimake ku uno mi dubo pare.

Isaya 17:9

I ceng’ maeca adhura migi ma tek bibedo calu ka ma juweko i luli man wi usimbru gudi, ma juweko i wang’ nyithindho mir Israel; e ebibedo ni uvuru.

Yeremia 17:10

An, an a Yehova, ayenyo pidoic, aponjo adunde, kara ami ni dhanu kubang’gi kubang’gi ng’atuman calku yo pare, calku nying’ mi giratima pare.

Yeremia 21:14

Man abisendowu calku nying’ mi giratima mu, Yehova wacu; e abicwinyo mac i luli pare, man ebiwang’u gin ceke m’utieke gbur.

Yeremia 25:11

Man ng’om maeni dho bibedo ni uvuru, man ni wang’uic; man thek maeni bitimo ni ubimo mi Babeli rundi pier abiro.

Yeremia 32:19

dit i porolembe, man tek i tic; ma weng’i bedo ayaba wi yo ceke mi wot dhanu, kara imi ni dhanu ceke kubang’gi kubang’gi ng’atuman calku yo pare, man calku nying’ giratima pare;

Ezekiel 12:19

man wac ni dhanu m’i ng’om kumae, Rwoth Yehova wacu kumae, pi dhanu m’ubedo i Yerusalem, man pi ng’om mir Israel: Gibicamu kwen migi ku lworo, man gibimadhu pi migi kud ang’abacwiny, kara ng’om pare bed kende toli, ma juyaku gin ceke ma ni i ie, kum rop mi dhanu ceke m’ubedo i ie.

Ezekiel 33:28

Man abidwoko ng’om ni nyoth man ni wang’uic; man kuhaya mi tego pare bijik; man gudi mir Israel bibedo ni uvuru, ketho nia ng’atu moko bikadhu kud i ie ngo.

Mika 3:12

Ka kumeno jubifuro Sayuni calu podho, man Yerusalem bidoko ni uvuru, got mi ot de calu ka ma malu mi luli.

Mika 3:4

Gibilund ywak ba Yehova, ento ebiloko igi lembe ngo; eyo, ebipanu wang’e igi i nindo maeca, calu ma gitimo rac i giratima migi.

Mika 5:3

Ka kumeno ebimiogi, maram nindo wok ko ma ng’atu m’usendre ku nyodo nyol i ie: e dong’ utumin m’udong’ bilund dwogo ba nyithindho mir Israel.

Mika 6:13

Ka kumeno an bende agoi ku lero ma rac; man aketho ibedo kendi ni kum dubo peri.