Mika 7:12 - The Holy Bible In Alur (Lur) Revised Orthography

¹² I ceng’ maeca gibibino i beng’i kud i Ascur man kud i adhura mi Misiri, man kud i Misiri cil kum Kulo ma dit, man ugambre ba nam utundo kum nam, man ugambre kum got cil kum got.

Mika 7:12 ပူးပေါင်းရင်းမြစ်များ

Isaya 11:11

Man ebitimbre i ceng’ maeca, nia Rwoth biketho cinge kendo wang’ arionde kara egam dong’ dhanu pare, ma bidong’, kud i Ascur, man kud i Misiri, man kud i Pathroc, man kud i Kuc, man kud i Elam, man kud i Cinar, man kud i Hamath, man kud i cula mi nam.

Isaya 11:16

E gengi bibedo nuti ni dong’ dhanu pare, ma bidong’, m’uai Ascur; calu ma yang’ ebedo ni Israel i ceng’ m’eidho ie malu kud i ng’om Misiri.

Isaya 43:6

abiwacu ni yor ariwa ma malu kumae, Wodhi; man ni yor ariwa ma piny kumae, Kud icer; kel wota ku bor, man nyiga kud i kajik mi ng’om;

Isaya 49:12

Nen, maeni biai ku bor; man, nen, maeni biai yor ariwa ma malu ku yo reto; man maeni biai kud i ng’om Sinim.

Yeremia 23:3

Man abicoko dong udul rombe para kud i ng’om ceke m’ariemogi i ie, man abikelogi kendo ba kwac migi; e gibinyai gibimedri de.

Yeremia 3:18

I ceng’ maeca ot pa Yuda biwotho karacelo ku ot mir Israel, man gibiai karacelo kud i ng’om ma yor ariwa ma malu ba ng’om m’amio ni aba ni kwaruwu.

Yeremia 31:8

Nen, abigamugi kud i ng’om ma yor ariwa ma malu, man abicokogi kud i ng’et ng’om ma wi tung’, man karacelo kugi ju ma abinga ku weg abala, dhaku ma ku nyathin man dhaku ma ku remokum mi nyodo gikude: udul ma dit gibidwogo keni.

Yeremia 46:27

Ento lworo kud unegi, E Yakobo ma jatic para, kadok cwinyi de kud ung’abre, E Israel: kum, nen, abibodhi ku bor, man kodhini kud i ng’om mi ng’eca migi; man Yakobo bidwogo, ebibedo museme de man yo, e ng’atu moko mbe ma binyayu lworo i ie.

Ezekiel 29:21

I ceng’ maeca abiketho tung kudo ni ot mir Israel, man abimio iri ng’amudhok i kindgi; e gibing’eyo nia an a Yehova.

Ezekiel 37:21

Man iwac igi kumae, Rwoth Yehova wacu kumae: Nen, abigamu nyithindho mir Israel kud i kind thek, ka ma gicidho i ie, man abicokogi i ng’et ceke kun ku kun, man abikelogi i ng’om migi ma dhe:

Hoseya 11:11

Gibibino ma kumgi miel calu winyo ku i Misiri, man calu akuru kud i ng’om Ascur; man abiketho gibedo i udi migi, Yehova wacu.