Mika 7:11 - The Holy Bible In Alur (Lur) Revised Orthography

¹¹ I ceng’ ma jubigomo ie gang’kidi peri! i ceng’ maeca kieu bicoro cen bor.

Mika 7:11 ပူးပေါင်းရင်းမြစ်များ

Nehemia 2:17

Alund awacu igi kumae, Wuneno bedo ma rac ma wani i ie, maram Yerusalem ubedo ko ni uvuru, man dhugang’ne juwang’u ku mac: wubin, wagoyu gang’kidi mi Yerusalem, kara ku wabed ni cac kendo.

Nehemia 2:8

man waraga ma ni Asaf ma jakur luli p’ubimo, kara emi ira yen m’atim ko riu mi dhugang’ mi ot ma tek ma mi ot, man pi gang’kidi mir adhura, man pi ot m’abimondo i ie. E ubimo mio ira, calku cing’ ma ber pa Mungu para ma ni i wia.

Nehemia 4:3

Nwang’u Tobia ma Jaamoni ni i vute, man ewacu kumae, Cil maeno ma gibegoyo, tek kaki idho malu, ebirwombo gang’kidi migi.

Nehemia 4:6

Kum kumeno wagoyo gang’kidine; man gang’kidine ceke rombo m’ewok ko i kore: kum dhanu ketho cwinygi kum timo tic.

Isaya 54:11

E in ma jusendi, ma juting’i ku wavuvu, ma jujuki ngo, nen, abiketho kitpiny ma ber kum kidi peri, man abiketho thepiny peri ku kidi ma tek ma ie nen uluga.

Isaya 54:2

Med ka hema peri, man wek jutel i bongu m’ang’aba mi kabedo peri; kud ikwer: dwok thol peri bor, man idwok gute peri tek.

Isaya 58:12

Man ju ma gi nyikwei gibigomo kar uvuru ma con; ibiting’o thepiny ni dhanum’utuk dupa; man jubilwong’i kumae, Jayik ka m’utur, man, Jadwok yo mi bedo i ie.

Isaya 61:4

E gibigomo uvuru ma con, man gibiting’o ka m’unyothre ma kwong’a, man gibiyiko adhura m’umor, ka m’unyothre ni dhanum’utuk dupa.

Daniel 9:25

Ka kumeno ing’ei man inen, nia ugambre kum lembang’ola ma juketho ya juyik man jugom Yerusalem cil kum ng’atu ma juwiro, en e jaditmawijo, bibedo yenga abiro, man yenga pier abusiel wi ario: ebigombre kendo, ku gengi man ora m’atong’a, cil i nindo m’arida.