Mika 6:8 - The Holy Bible In Alur (Lur) Revised Orthography

⁸ Enyutho iri, E dhanu, gin ma ber; man Yehova lwong’o ang’o i beng’i ndhu timo bedopwe, man maru bedo ber ku dhanu, man wotho ku Mungu peri ku molcwiny ungo?

Mika 6:8 ပူးပေါင်းရင်းမြစ်များ

Thangambere 18:19

Kum ang’eye, nia ebing’olo ni nyithindhe ku juode yo ng’eye, kara giwor yo pa Yehova, kara gitim bedopwe man lembapoka; kara Yehova kel lembe m’eyero pire wi Ibrahim.

Thangambere 5:22

man Enok uwotho ku Mungu yo ng’ei nyolo Methusela rundi dak adek, man enyolo nyithindho ma co ku nyithindho ma nyir:

2 Lemkei 30:11

Ento dhanu moko mir Acer ku Manase man mi Zebulun gijwigri gigi, man gibino Yerusalem.

2 Lemkei 32:26

Ento Hezekia jwigre gire kum kuhaya mir adundene, en ku dhanu m’ubedo i Yerusalem bende, ketho nia kwinyo pa Yehova bino i kumgi ngo i nindo pa Hezekia.

2 Lemkei 33:19

Rwo pare bende, man maram Mungu yio ko ire, ku dubo pare ceke man kier pare, man ka m’egomo ie ka ma malu, m’eketho ko mungu m’araga kud ayi gin m’apaya, ma fok ejwigre gire ngo, nen, gigore i lemkei pa Hozai.

2 Lemkei 33:23

Man ejwigre gire ngo i wang’ Yehova, calu Manase ma won ujwigre gire; ento Amon maeni ucikusagu asaga ku dubo.

2 Lemkei 34:27

kum adundeni bedo yom, man ijwigri giri i wang’ Mungu, kinde m’iwinjo lembe pare ma kum ka maeni, man kum dhanu m’ubedo kakeni, man ijwigri giri i wang’a, iyeco kendi peri de, man iywak i wang’a; an bende awinji, Yehova wacu.

Nehemia 9:13

Iloro piny bende wi got Sinai, man iweco kugi kud i polo, e imio igi lembapoka ma pwe man cik mandha, ku ng’ol ma ber man lembang’ola,

Zaburi 101:1

Abiwero pi mer mi bero ku pokolembe: Abiwero pak iri, E Yehova

Zaburi 112:4

Der wok i mudho ni ju m’atira: En e won bero, man won kisa, man e pwe.

Zaburi 112:9

Elalu, emio ni jucanpiny; Bedopwe pare bedo mi nja: Jubidodo tunge ku yung.

Zaburi 37:26

Etimo ku bero ceng’ du, man emio banja; Man kodhine nwang’u mugisa.

Zaburi 73:28

Ento eoro ceng’ni Mungu e ber ira: Aketho Rwoth Yehova ni kapondo para, Kara ayer pi tic peri ceke.

Lembrieko 21:3

Timo bedopwe ku pokolembe Eyire ni Yehova ma sagu lam.

Eklizia 12:13

Maeni en e kajik mi lembe; gin ceke daru winjre: Lwor Mungu, man lwor lembang’ola pare; kum maeni en e gin m’umaku piny cu ni dhanu.

Isaya 56:1

Yehova wacu kumae, Wugwok pokolembe, man wutim bedopwe; kum both para ni ceng’ni bino, man judhingo nyutho bedopwe para.

Isaya 57:15

Kum Ng’atu ma malu ma jabedo mi nja ma nyinge Leng’, uwacu kumae: Abedo i ka ma malu ma leng’ de, karacelo ku ng’atu ma cwinye lokre ma cwinye mol bende, kara adwok tipo ng’atu ma mol, man kara adwok cwiny ng’atu m’ulokre.

Isaya 66:2

Kum gin maeni ceke cinga timo en, e kumeni gin maeni ceke wok, Yehova wacu: ento abineno ba ng’atu maeni, en e ba ng’atu ma jacan man mi cwiny mi lokri, man ma kume miel kum lembe para.

Yeremia 22:16

Epoko lembe mi jucan ku jucanpiny: elund ebedo ber. En e kara jung’eya ngo? Yehova wacu.

Yeremia 22:3

Yehova wacu kumae: Wutim pokolembe ku bedopwe, man wubodh ng’atu ma juyaku kud i cing’ jasend: man kud wutim rac, kud wutim rop, kum umondo, kadi kum kic, kadi kum dhaku ma cware tho; kadi kud wucwir rimo m’umbe dubo kakeni.

Yeremia 9:23

Yehova wacu kumae, Jarieko kud ulule kum rieko pare, kadok ng’atu ma jarukara de kud ulule kum tego pare, jalonyo de kud ulule kum lonyo pare;

Ywak 3:26

E ber ya dhanu gen man ekur yo pi both pa Yehova.

Ezekiel 16:63

kara ipoi, man cwinyi ng’abre, man kara kud iyab dhogi kendo ki, kum lewic peri, kinde m’aweko iri gin ceke m’itimo, Rwoth Yehova wacu.

Ezekiel 33:14

Kendo, kinde m’awacu ni jadubo kumae, Ibitho andha; e tek eai ba dubo pare, man etimo gin ma cik uyio man atira;

Daniel 4:37

Kawono, an a Nebukadnezar, apaku man afoyo man ayungo Ubimo m’i polo; kum tic pare ceke en e andha, man yo pare pwe; e ju m’uwotho ku kuhaya ecopo jwigo.

Hoseya 12:6

Ka kumeno lokri ba Mungu peri: gwok kisa ku lembapoka, man ikur Mungu peri thiri thiri.

Hoseya 6:6

Kum ayenyo bero, lam ungo; man ng’eyong’ec pa Mungu ma sagu lam m’awang’a.

Lembe Mi Julawi 26:41

an bende awotbo ku co igi, man akelogi i ng’om mi judegi migi: tek adundegi ma jutimo yaa i kume ngo ulund ujwigre, man gilund gijolo masendi mi kier migi;

Amos 5:24

Ento wek pokolembe mol piny calu pi, man bedopwe calu kulo ma dit.

Mika 6:9

Dwand Yehova ywak bang’ adhura, e dhanu mi rieko bineno nyingi: wuwinj dul, man ng’a m’ukethe.

Zefania 2:3

Wuyeny Yehova, wu ju ma mol ceke mi ng’om, ma wutimo lembapoka pare; wuyeny bedopwe, wuyeny molcwiny: kuno nyo jubipanuwu i ceng’ mi ng’ecwiny pa Yehova.

Zekaria 7:9

Yehova mir udul uyero kumeni, ewacu kumae, Tim lembapoka mandha, man nyuth bero ku ngisi ku ba dhanu nzu ng’atuman ni wadi man ni wadi;

Matayo 5:3

Mugisa ni jucan mi tipo: kum ker m’i polo en e migi.

Matayo 5:7

Mugisa ni ju ma kisa negogi: kum gibinwang’u kisa.

Luka 10:42

ento can lembe acel nuti: kum Mariamu foyo maka pare ma ber, ma jubimayu woko kud i bang’e ngo.

Luka 11:42

Ento can i wiwu, Jufarisayo! kum wumio apaje mir ukuju kud usiga man uboko ceke, e wuweko ng’olo lembe ma pwe ku mer pa Mungu: ento emaku wutim maeni, man kud wuwek timo wagi maeno.

Luka 12:14

Ento ewacu ire kumae, Ng’atu e, ng’a m’uketha ni japoklembe kadi japokpiny i wiwu?

Luka 6:36

Kisa negwu, cil calu kisa nego Wegwu.

Jurumi 7:16

Ento tek gin m’ayenyo ngo, e m’atimo, ayio ni cik nia e ber.

Jurumi 9:20

Ungo endre, E dhanu, in i ng’a m’idwoko wang’ lembe ni Mungu e? Gin m’ucwire biwacu ni ng’atu m’ucwie kumae, Nedi icwia kumeni?

1 Jukorinto 7:16

Kum ing’eyo nenedi, E dhaku, tek ibibodho cweri? kadi ing’eyo nenedi, E nico, tek ibibodho cegi?

Juefeso 4:32

man wubed ber ng’atuman ku wadi man ku wadi, kud adunde mi ngisi, ma wuwek ko lembe m’i kumwu, ma ng’atuman uwek lembe ma kum wadi man kum wadi, cil calu Mungu bende i Kristu uweko lembe mu.

Poi Mi Cik 27:10

Ka kumeno iwor dwand Yehova Mungu peri, man itim lembang’ola pare ku cik pare, m’ang’olo iri tin.

Poi Mi Cik 30:15

Nen, tin aketho kwo ku bero i weng’i, man tho ku dubo;

Jukolosai 3:12

Ka kumeno wurony, calu dhanu ma Mungu goyo wigi, ma leng’ man jumer de, adunde mi ngisi, ku bedo ber ku dhanu, ku ming’o, ku molcwiny, ku mwonyo lembe hai;

2 Jutesaloniki 2:16

Nie Rwoth mwa ma Yesu Kristu en, man Mungu ma Wegwa m’emaruwa m’emio iwa juk mi nja ku genogen ma ber ni kum bero,

Yakobo 2:20

Ento iyenyo ing’ei, in i dhanu ma kiti mbe, nia yioyic ma tung’ ku tic ebedo lule?

Yocuwa 24:14

Ka kumeno kawono wulwor Yehova, man wutim ire umbe abombi man i lemandha; man wukab mungu ma kwaruwu timo igi loka Kulo, man i Misiri cen; man wutim ni Yehova.

1 Petro 3:8

Aha a, kewu ceke pidoiwu bed calacel, ju ma ngisi nego, ju ma mari calu umego, weg ngisi ma yo i adunde, ju ma pidoigi mol:

1 Samwil 12:23

Mange ke pi an, dong’ ebed bor i kuma nia adub ni Yehova kuweko rwo piwu: ento abiponjowu i yo ma ber m’atira de.

1 Samwil 15:22

Man Samwil uwacu kumae, Lam m’awang’a man lam nyayu mutoro ma dit i Yehova, ma calu woro dwand Yehova? Nen, woro e ber ma sagu lam, man winjo e ber ma sagu mio mi nyogi rombe.