Mika 6:7 - The Holy Bible In Alur (Lur) Revised Orthography

⁷ mutoro binego Yehova kum nyogi rombe rubanga dupa, kadi kum kulo ma dongo mi mo rubanga apari? abimio kayu para pi gondri para, nying’ kuma pi dubo mi ng’eyong’ec para?

Mika 6:7 ပူးပေါင်းရင်းမြစ်များ

2 Ubimo 16:3

Ento ewotho i yo mir ubimo mir Israel, eyo, man eketho wode kadh kud i mac, calku ginmajudagu mi thek, ma Yehova bayu woko kud i wang’ nyithindho mir Israel.

2 Ubimo 21:6

Man eketho wode kadh kud i mac, etimo ajoga de, man elamu bila, man etimo ku ju ma gi weg tipo, ku weg ajoga de: e etimo dubo ma dit i wang’ Yehova, kara unyai ng’ecwiny i ie.

2 Ubimo 23:10

Man ecido Tofeth, ma ni i poga mi nyithindho pa Hinom, kara ng’atu moko kud uketh wode kadi nyare ukadh kud i mac ba Molek.

2 Ubimo 3:27

Elund egamu wode ma kayu ma kuno di ucamu ker i kakare, man ethiere ni lam m’awang’a wi gang’kidi. Man kwinyo ma dit ni wi Israel: e giweke, man gidwogo i ng’om migi ma dhe.

Kitabu Pa Yob 29:6

Kinde ma dakutielo para bedo alwoka ku mo dhiang’, Man cana konjo kulo mi mo ira!

Zaburi 50:9

Abigamu thwoni dhiang’ moko ngo kud i ot peri, Kadi nyogi diegi kud i kwac peri.

Zaburi 51:16

Kum imaru lam ungo; kuno di amio: Lam m’awang’a nyayu mutoro ngo ii.

Zaburi 51:18

Tim ber ni Sayuni calu ii yenyo: Goi gang’kidi mi Yerusalem.

Lembrieko 15:8

Lam pa jadubo en e ginmajudagu ni Yehova; Ento rwo pa ng’atu m’atira nyayu mutoro i ie.

Lembrieko 21:3

Timo bedopwe ku pokolembe Eyire ni Yehova ma sagu lam.

Isaya 1:1

Ginmawokiwang’ pa Isaya ma wod Amoz, m’eneno pi Yuda ku Yerusalem, i nindo pa Uzia, ku Yotham, man Ahaz, ku Hezekia, ma gin ubimo mi Yuda.

Isaya 40:16

Man Lebanon romo ngo mir awang’a, kadi limne de romo ngo mi lam m’awang’a.

Yeremia 19:5

man gigomo ka ma malu mi Bal, kara giwang’ wotgi i mac ni lam m’awang’a ni Bal; m’ang’olo ngo, kadi ayero maeni de ngo, kadok i pidoic para de ebino ngo:

Yeremia 6:20

Udok ma ng’wice ng’ar ubino i bang’a m’uai i Ceba pirang’o, ku thiang’ kud i ng’om ma bon? Lam m’awang’a mu yire ngo, kadi lam mu de nyayu mutoro i ia ngo.

Yeremia 7:31

Man gigomo ka ma malu mi Tofeth, ma ni i poga pa wod Hinom, kara giwang’ wotgi ku nyiggi i mac; m’ang’olo ngo, kadi ebino i pidoia de ngo.

Ezekiel 23:37

Kum gidubri swa, man rimo ni i cing’gi; man gidubri swa ku mungu m’araga migi; man giketho wotgi bende, ma ginyolo ira, ukadh kud i mac i bang’gi kara giwang’.

Hoseya 5:6

Gibicidho kud udul rombe migi man dhok migi niyenyo Yehova; ento gibinwang’e ngo: ekoc kugi.

Hoseya 6:6

Kum ayenyo bero, lam ungo; man ng’eyong’ec pa Mungu ma sagu lam m’awang’a.

Lembe Mi Julawi 18:21

Man kud imi nyikwei moko ya ukadh kud i mac ni Molek; kadok nying’ Mungu peri de kud icidi: an a Yehova.

Lembe Mi Julawi 20:1

Man Yehova yero ni Musa, ewacu kumae,

Amos 5:22

Eyo, kadok wuthiero ira lam m’awang’a mu ku lam mi mogo mu, abijologi ngo; kadok lam mi kwiocwiny mu mi lim mu m’ucwe de abiparu pire ngo.

Filemon 1:12

m’adwoke i beng’i dho ku kume, lembene kumae, ya en nini en e adundena ku kite:

Jupoklembe 11:31

ebilund bedo, nia gin ma tek uwok woko kud i dhugola mi ot para nirombo kuda, kan adwogo ku kwiocwiny ku ba nyithindho mir Amon, ebibedo pa Yehova, man abithiere malu ni lam m’awang’a.

Jupoklembe 11:39

Man etimbre ka dwi ario thum, nia edwogo ba won m’etimo i bang’e calku lembang’ola pare m’eng’olo: man nwang’u fodi eng’eyo co ngo. Man en e kura Israel,

1 Samwil 15:22

Man Samwil uwacu kumae, Lam m’awang’a man lam nyayu mutoro ma dit i Yehova, ma calu woro dwand Yehova? Nen, woro e ber ma sagu lam, man winjo e ber ma sagu mio mi nyogi rombe.