Mika 6:6 - The Holy Bible In Alur (Lur) Revised Orthography

⁶ Abibino i wang’ Yehova kud ang’o, man arum i wang’ Mungu ma malu? abibino i wang’e ku lam m’awang’a, ku nyithi dhiang’ ma rundigi acel aceli?

Mika 6:6 ပူးပေါင်းရင်းမြစ်များ

2 Samwil 21:3

e Daudi wacu ni Jugibeoni kumae, Abitimo ang’o iwu? man abiculo kud ang’o, kara wumi mugisa wi aba pa Yehova?

Zaburi 116:12

Abiculo ang’o ni Yehova Kum kony pare ceke ma yor i bang’a?

Zaburi 22:29

Ju m’ucwe ceke m’i ng’om gibicamu man gibirwo: Ju m’uloro piny bang’ utur ceke gibirum i wang’e, En e ng’atu ma copo gwoko ng’eyong’ec pare ma kwo ngo.

Zaburi 95:2

Wek wabinu i wang’e ku foyofoc; Wek watimu badwal mir anyong’a ire ku zaburi.

Zaburi 95:6

A wubin, wek warwou aruma piny; Wek warumu i wang’ Yehova ma Jacwic mwa:

Ai 12:5

Nyathi rombo mu bibedo m’umbe mulima, nyok ma rundine acel: wubigame ku kind rombe, kadi ku kind diegi:

Ai 23:15

Kwir agba mi kwen ma thobi mbe i ie: cam kwen ma thobi mbe i ie ceng’ abiro, calu ang’olo iri, i nindo ma jung’olo i dwi Abib (kum iai woko kud i Misiri i ie); man ng’atu moko kud uwok i wang’a ma cinge nanu:

Lembrieko 15:8

Lam pa jadubo en e ginmajudagu ni Yehova; Ento rwo pa ng’atu m’atira nyayu mutoro i ie.

Lembrieko 21:3

Timo bedopwe ku pokolembe Eyire ni Yehova ma sagu lam.

Isaya 40:16

Man Lebanon romo ngo mir awang’a, kadi limne de romo ngo mi lam m’awang’a.

Yeremia 6:20

Udok ma ng’wice ng’ar ubino i bang’a m’uai i Ceba pirang’o, ku thiang’ kud i ng’om ma bon? Lam m’awang’a mu yire ngo, kadi lam mu de nyayu mutoro i ia ngo.

Ezekiel 46:9

Ento kinde ma dhanu m’i ng’om bibino i wang’ Yehova i agba ma juketho, ng’atu m’umondo ku yo dhugang’ ma yor ariwa ma malu nirwo biwok woko ku yor i dhugang’ ma yor ariwa ma piny; man ng’atu m’umondo ku yor i dhugang’ ma yor ariwa ma piny biwok woko ku yor i dhugang’ ma yor ariwa ma malu; ebidwogo ku yor i dhugang’ m’emondo kudo ngo, ento ebiwok woko atira i wang’e.

Daniel 3:26

Nebukadnezar ulund ucoro ceng’ni dhu majuka m’ubogre: eyero man ewacu kumae, Cadrak, ku Mecak, man Abed-nego, wu jutic pa Mungu ma Malu Ngbir, wuwok woko, wubin kue. E Cadrak, ku Mecak, man Abed-nego gilund giwok woko kud i die mac.

Daniel 4:9

E Beltecazar, jadit mi weg ajoga, kum ang’eyo nia tipo mi mungu ma leng’ ni ii, man lembamung’a moko mbe ma ng’abu cwinyi, yer ira ginmawokiwang’ mi lek para m’aneno, ku therene de.

Daniel 5:18

E in ubimo, Mungu ma Malu Ngbir umio ker ni Nebukadnezar ma wuru man yung ku lonyo man dwong’;

Daniel 5:21

man jurieme ku kind wot dhanu, man judwoko adundene calu mi lim, man kabedo pare ni karacelo ku kana m’i thim; juketho ecamu lum pami koni dhiang’, kume de ng’ic ku thoi m’i polo; maram eng’eyo ko nia Mungu ma Malu Ngbir ubimo i ker mi dhanu, man nia eketho malu i wie ng’atu ma tek eyenyo.

Hoseya 5:6

Gibicidho kud udul rombe migi man dhok migi niyenyo Yehova; ento gibinwang’e ngo: ekoc kugi.

Amos 5:22

Eyo, kadok wuthiero ira lam m’awang’a mu ku lam mi mogo mu, abijologi ngo; kadok lam mi kwiocwiny mu mi lim mu m’ucwe de abiparu pire ngo.

Kitabu Mir Ang’wende Pa Musa Wel 7:51

ku thwon dhiang’ acel ma ful ful, man nyog rombo acel, ku nyathi nyog rombo acel ma rundine acel, ni lam m’awang’a;

Matayo 19:16

Man nen, ng’atu acel ubino i bang’e man ewacu kumae, Japonji, gin ma ber ang’o m’abitimo, kara abed ku kwo ma rondo ku rondo?

Marko 12:33

man mare kud adunde ceke, ku ng’eyong’ec ceke de, man ku tego ceke, man maru wadijo calu jogijo, esagu giramia m’awang’a ma bo ceke ku lam bende.

Marko 5:7

ekok ku dwande ma tek, ewacu kumae, Lembe mwa ang’o wakudi, Yesu, in i Wod Mungu ma Malu Ngbir. Aketho ikwong’o ba Mungu, kud imi ira ndiba.

Luka 10:25

Man nen, jaeuthecik acel ucungo malu emulo ie, epenje kumae, Japonji, atim ang’o kara acam pacu mi kwo ma rondo ku rondo?

Yohana 6:26

Yesu dwoko lembe igi ewacu kumae, Andhandha, awacu iwu, Wuyenya ngo kum wuneno giranyutha, ento kum wucamu lungu kwen wuyeng’.

Tic Mi Jukwenda 16:17

Nyano kan ebelubo tokwa waku Paologi ekok akoka, ewacu kumae, Joni gi jumiru pa Mungu ma Malu Ngbir, ma giyero iwu yo mi both.

Tic Mi Jukwenda 16:30

man ewodhogi woko ewacu kumae, Paco, akoatim ang’o be ketho abothi?

Tic Mi Jukwenda 2:37

Nie ka giwinjo maeni, e ecobo adundegi, man giwacu ni Petro giku jukwenda wagi de kumae, Umego, wabitimo ang’o?

Juefeso 3:14

Kum lembe nini arum wi conga ni Wego,

Juebrania 10:11

Man ku ba julam ceke gicungo ku ba rupiny ku ba rupiny andha ma gitimo ko giratima giwodho ko lam de ma calacel wang’ udul, ma copo kabu dubo ki ngo:

1 Samwil 15:22

Man Samwil uwacu kumae, Lam m’awang’a man lam nyayu mutoro ma dit i Yehova, ma calu woro dwand Yehova? Nen, woro e ber ma sagu lam, man winjo e ber ma sagu mio mi nyogi rombe.