Mika 6:4 - The Holy Bible In Alur (Lur) Revised Orthography

⁴ Kum awodhi woko kud i ng’om Misiri, man aweri kud i ot mi ng’eca; man aoro Musa, ku Harun, man Miriem, i weng’i.

Mika 6:4 ပူးပေါင်းရင်းမြစ်များ

2 Samwil 7:23

Man thek m’i ng’om ma kani ma calku dhanu peri, ma calu Israel, ma Mungu cidho kara ewar ire gire ni dhanu, man kara etim ire nyinge, man kara etim gin ma dwong’ iwu, man gin ma ng’oyo ndiri ni ng’om peri, i wang’ dhanu peri, m’iwaru iri kud i Misiri, ku ba thek ku mungu migi?

Zaburi 77:20

Itelo wi dhanu peri calu udul rombe, Ku cing’ Musa ku Harun.

Ai 12:51

E etimbre i ceng’ maeni nini, nia Yehova kelo nyithindho mir Israel kud i ng’om Misiri kud udulgi.

Ai 20:2

An a Yehova Mungu peri, m’uwodhi woko kud i ng’om Misiri, kud i ot mi ng’eca.

Ai 3:10

Ka kumeno kawono bin, man abiori ba Farao, kara iwodh dhanu para ma nyithindho mir Israel kud i Misiri.

Ai 4:10

E Musa wacu ni Yehova kumae, A, Rwoth, dwanda leng’ ungo, ugambre con, kadok yo ng’ei lembe m’iyero ni jatic peri; kum an a ming’ mi wec, man leba de pek.

Ai 4:16

Man ebibedo jayerlembe peri ni dhanu; e ebitimbre, nia ebibedo iri ni dhok, man ibibedo ire calu Mungu.

Ai 6:27

Maeni gi ju ma giyero ni Farao m’ubimo mi Misiri, ya uwodh nyithindho mir Israel kud i Misiri: maeni gi Musa ku Harun maeno.

Yeremia 32:21

man i wodho dhanu peri Israel kud i ng’om Misiri ku giranyutha, man ku musana, man ku cing’ ma tek, ku bot m’arieya de, man ku ndiri ma dit;

Amos 2:10

Man ke awodhowu kud i ng’om Misiri, man apeyowu rundi pier ang’wen i langa, kara wumwony ng’om pa Jaamori.

Kitabu Mir Ang’wende Pa Musa Wel 12:1

E Miriem giku Harun giyero nying’ Musa kum dhaku ma Nyakuci m’egamu; kum egamu dhaku ma Nyakuci.

Kitabu Mir Ang’wende Pa Musa Wel 33:1

Maeni woth mi nyithindho mir Israel, kinde ma giai i ng’om Misiri ku bang’ udul migi ku bang’ udul migi the cing’ Musa giku Harun.

Tic Mi Jukwenda 7:36

Ng’atuni e m’utelo wigi woko, ku yo ng’ei musana ku giranyutha de m’etimo i Misiri, man i nam Makwar, kud i yamba de rundi pier ang’wen.

Poi Mi Cik 15:15

Man ipoi nia naka in i ng’eca i ng’om Misiri, man Yehova Mungu peri weri; ka kumeno ang’olo gin maeni iri tin.

Poi Mi Cik 24:18

ento poi nia naka in bende in i ng’eca i Misiri, man Yehova Mungu peri weri ku kuca: ka kumeno ang’olo iri nia itim gin maeni.

Poi Mi Cik 4:20

Ento Yehova gamuwu, man ewodhowu woko kud i uka mi nyunyu, kud i Misiri, kara wubed ire ni dhanu mir aba, calu i ceng’ ma tin.

Poi Mi Cik 4:34

Kadi Mu ngu ponjo cidho man egamu ire thek kud i die thek mange, ku lem ma tek, ku giranyutha, man ku musana, ku lwiny de, man ku cing’ ma tek, ku bot m’arieya de, man ku ng’oyondiri ma dit, calku gin ceke ma Yehova Mungu mu timo iwu i Misiri i weng’wu?

Poi Mi Cik 5:6

An a Yehova Mungu peri, m’uwodhi kud i ng’om Misiri, kud i ot mi ng’eca.

Poi Mi Cik 7:8

ento kum Yehova maruwu, man kum eyenyo etim kwong’ m’ekwong’o ni kwaruwu, Yehova wodhowu woko ku cing’ ma tek, man ewaruwu kud i ot mi ng’eca, kud i cing’ Farao m’ubimo mi Misiri.

Poi Mi Cik 9:26

E arwo ni Yehova, man awacu kumae, E Rwoth Yehova, kud inyoth dhanu peri man aba peri m’iwaru ni kum dwong’ peri, m’iwodho kud i Misiri ku cing’ ma tek.

1 Samwil 12:6

Man Samwil uwacu ni dhanu kumae, en e Yehova m’ugoyo wi Musa ku Harun, man m’uwodho kwaruwu kud i ng’om Misiri.