Mika 6:2 - The Holy Bible In Alur (Lur) Revised Orthography

² Wuwinj piem pa Yehova, E wu gudi, man wu theng’om m’ubedo; kum Yehova bedo ku piem ku dhanu pare, man ebi-ii kud Israel.

Mika 6:2 ပူးပေါင်းရင်းမြစ်များ

2 Samwil 22:16

E kakadhu mi nam ulund uwok, The ng’om uwodhre ngbeng’, Ku juk pa Yehova, Ku y uyo lietho m’i o diurne.

2 Samwil 22:8

Ng’om ulund uyengre man emiel, The polo yengre Man juyenge, kum kwinyo nege.

Zaburi 104:5

M’eketho thepiny mi ng’om, Kara kud eai mi nja.

Lembrieko 8:29

Kinde m’eguro kieu mi nam, Kara pi kud ukadh lembang’ola pare, Kinde m’eporo thepiny mi ng’om;

Isaya 1:18

Wubin kawono, man wek waporu lembe karacelo, Yehova wacu: kadok dubo mu bedo kwar ngbo, gibibedo tar calu pei; kadok gi kwar calu rimo, gibibedo calu yuk rombe.

Isaya 3:13

Yehova ai kara eii, man ecungo kara epok lembe mi kodhidhanu.

Isaya 43:26

Poya; wek wapor lembe karacelo: wodh lembe peri, kara jugony lembe m’i wii.

Isaya 5:3

E kawono, e ju m’ubedo i Yerusalem man dhanu mi Yuda, akwayuwu, wupok lembe i kindwa waku podho mir ulok para.

Yeremia 2:9

Kum kumeno abikoii kudu, Yehova wacu, man abikoii ku nyithindho mi nyithindho mu.

Yeremia 25:31

Badwal bibino cil i kajik mi ng’om; kum Yehova bedo ku piem ku thek; ebimondo i pokolembe ku weg kum ceke: pi judubo, ebimiogi ni palamularu, Yehova wacu.

Yeremia 31:37

Yehova wacu kumae: Tek jucopo poro polo ma malu, man jucopo yenyo theng’om ma yo piny, e an bende abibayu kodhi ceke mir Israel kum gin ceke ma gitimo, Yehova wacu.

Hoseya 12:2

Yehova bedo ku piem bende ku Yuda, man ebisendo Yakobo calku yo pare; e ebiculo ire calku giratima pare.

Hoseya 12:3

Emaku ufunytiend umin kud i ic; e i awobi pare ebedo ku tego ku Mungu;

Hoseya 4:1

Wuwinj lembe pa Yehova, wu nyithindho mir Israel; kum Yehova bedo ku piem ku dhanu m’i ng’om, kum lemandha mbe i ng’om, kadi bero, kadi ng’eyong’ec pa Mungu.

Mika 6:1

Wuwinj kawono gin ma Yehova wacu: Ai, ii i wang’ gudi, man wek ungulu gudi winj dwendi.

Poi Mi Cik 32:22

Kum mac uopo i ng’ecwiny para, Man ewang’ cil kum liel ma piny, Man ecamu ng’om ku nyai pare, Man ecwinyo the gudi.

Poi Mi Cik 4:26

alwong’o polo ku ng’om ubed jumulembe i kumwu tin, nia wubinyothru kawono ma gwei kud i ng’om ka ma wukadhu i ie loka Yordan kara wumwonye; wubidaru nindo dupa’ngo i wie, ento wubinyothru ma gwei.