Mika 6:14 - The Holy Bible In Alur (Lur) Revised Orthography

¹⁴ Ibicamu, ento ibiyeng’ ungo; man jwik peri bibedo i kindi: man ibiketho cen, ento ibibodho ngo; man maeno m’ibodho abimio ni palamularu.

Mika 6:14 ပူးပေါင်းရင်းမြစ်များ

Isaya 30:6

Ewolembe ma pi yedi ma yor ariwa ma piny. Kud i ng’om mir ang’abacwiny ku ndiba, ma min umvor kud umvor giai i ie, bunyo ku thwol mi mac ma ringo, giyeyo lonyo migi wi nyithi kana, man piny m’akana migi wi kwomb ngamia, ba dhanu ma bimio kuloka igi ngo.

Isaya 65:13

Ka kumeno Rwoth Yehova wacu kumae, Nen, jutic para bicamu, ento kec binego wu; nen, jutic para bimadhu, ento rieu binegowu; nen, anyong’a binego jutic para, ento jubinyayu lewic i wiwu;

Isaya 9:20

Man ng’atu moko bimayu i cing’ ma yor acwic, man kec binege; e ebicamu i cing’ ma yor acam, man gibiyeng’ ungo: ku ba dhanu ceke ng’atuman bicamu ring’kum bote gire: Manase bicamu Efraim; Efraim ke,

Yeremia 48:44

Ng’atu m’uringo ni lworo bipodho i vur; man ng’atu m’uai kud i vur jubimake i uwic; kum abikelo i wie, en e Moab, rundi mi lieu migi, Yehova wacu.

Ezekiel 5:12

Ng’eti mir adege bitho ku thong’om, man gibithum i kindi ku ndru; man ng’eti mir adege bipodho ku palamularu i ng’eti gbur; man ng’eti mir adege abiketho ba yamu ceke, man abiwodho palamularu i tokgi.

Hoseya 4:10

E gibicamu, man gibiyeng’ ungo; man gibitimo tarwang’, e gibinyai ungo; kum giweko ketho cwinygi kum Yehova.

Lembe Mi Julawi 26:26

Kinde m’aturo tego mi kwen mu, mon apar bitedo kwen mu i kendo acel, man gibidwoko kwen mu kendo ku mukero: e wubicamu, man wubiyeng’ ungo.

Hagai 1:6

Wucoyo dit, man wukelo nyathigi; wucamu, ento wuyeng’ ungo; wumadhu, ento giramadha romowu ngo; wuronjru, ento ng’atu moko mbe ma kume mor; man ng’atu m’utimo kara enwang’ sukulia enwang’u sukulia kara ekethe i usau m’utuc.

Hagai 2:16

I nindo maeca ceke, ka ng’atu acel ubino bang’ udhuru mi mukero pier ario, en e apar kende; ka ng’atu moko bino ba pany ma bio pigulok kara ewodh pigulok mir agulu pier abic, ebedo pier ario kende.