Mika 6:12 - The Holy Bible In Alur (Lur) Revised Orthography

¹² Kum dhanu m’ulonyne gipong’ ku rop, man ju m’ubedo i ie giyero ndra, man lebgi en e jamb abombi i dhoggi.

Mika 6:12 ပူးပေါင်းရင်းမြစ်များ

Zaburi 120:2

Bodh ng’eyong’ec para, E Yehova, ni dendhok mi ndra, Man ni leb mir abombi.

Zaburi 35:20

Kum giyero pi kwiocwiny ungo; Ento giporo lembabombi kum ju m’ubedo yo i ng’om.

Zaburi 78:36

Ento giyero lembe ire mit mananu ku dhoggi, Man gicwayu ire lembe ku lebgi.

Isaya 1:23

Judongomawijo peri gijai, man gi juwadi jukwo; kubang’gi kubang’gi ng’atuman umaru jamng’om, man elubo tok sukulia: e gipoko lembe mi kic ungo, kadok lembe pa dhaku ma cware tho de wok i bang’gi ngo.

Isaya 3:8

Kum Yerusalem unyothre, man Yuda podho; kum lebgi ku giratima migi en e kum Yehova, kara unyai ng’ecwiny i wang’ dwong’ pare.

Isaya 5:7

Kum podho mir ulok pa Yehova mir udul en e ot mir Israel, man dhanu mi Yuda gi yen m’apidha pare ma ber: man egeno pokolembe, ento, nen, dim; egeno bedopwe, ento, nen, ywak.

Yeremia 9:8

Lebgi en e athero mi tho; eyero abombi: ng’atu moko yero mi kwiocwiny ni wadi ku dhoge, ento yor i adundene ekanu adhi ire.

Hoseya 7:1

Kinde m’adwoko ng’eca mi dhanu para, kinde m’ayenyo acang Israel, e kier pa Efraim uyabre, man dubo mi Samaria; kum gitimo ndra, e jakwo mondo i ie, man njuru weg ayeki nyotho piny yo woko.

Hoseya 7:13

Can i wigi! kum giweka; nyoth i wigi! kum gidubo ira: kadok ayenyo awargi, ento giyero ndra i kuma.

Amos 2:4

Yehova wacu kumae: Mi gondri adek mi Yuda, eyo mir ang’wen, abiloko masendine cen ungo; kum gikwero cik pa Yehova, man gigwoko cik pare ngo, ndra migi ketho gikier, ma calu kwarugi wotho i ie.

Amos 6:4

gi ju ma givuto wi kavuto mi lakliec, ma girieiri gigi de wi kabedo migi, ma gicamu nyithi rombe de ku i udul, ku nyithi dhiang’ kud i die dwol;

Zefania 1:9

Man i ceng’ maeca abisendo dhanu ceke ma gipor ku pondot, ma gipong’o ot pa rwodhgi ku rop man abombi.

Zefania 3:3

Judongomawijo pare ma ni ie gin umvor m’urundo; jupoklembe pare gin urudi mir uthieno; giweko gin moko ngo mir urwone.

Tic Mi Jukwenda 24:9

E Juyahudi de giribri i lembene, giwacu y a gin maeni bedo kumeno.

Jurumi 3:13

Dwandgi en e odliel m’ubedo thwolo; Gibombo abombi ku lebgi: Kwir mi pino ni i the dendhoggi: