Mika 5:8 - The Holy Bible In Alur (Lur) Revised Orthography

⁸ Man dong’ Yakobo bibedo i kind thek, i die kodhidhanu dupa, calu umvor i kind yedi m’i luli, calu nyathin umvor i kind udul rombe; ma, tek ekadhu akadha, enyono piny man eyeco nziki nziki, e ng’atu moko mbe ma laru.

Mika 5:8 ပူးပေါင်းရင်းမြစ်များ

Thangambere 49:9

Yuda en e nyathin umvor; Woda, iai ku bang’ amaci: Erum piny, eriebre calu umvor, Man calu min umvor; ng’a ma bituge?

Zaburi 104:20

Itimo mudho, man en e diewor, Ma yedi m’i luli ceke giwok woko i ie.

Zaburi 44:5

Wabiredho jusendwa ni kumi: Wabinyono ju m’uai i kumwa ni kum nyingi.

Zaburi 50:22

Kawono iwu pid pi maeni, wu ju ma wiwu wil kum Mungu, Amaru yecowu nziki nziki, man ng’atu moko mbe ma bodho:

Lembrieko 30:30

Umvor, ma tek ma sagu i kind yedi, Man ma lokre woko ngo ni gin moko;

Isaya 5:29

rundo migi bibedo calu pa min umvor, gibirundo calu nyithindh umvor; eyo, gibirundo, man gibimaku ayeki, e gibitere cen museme, man ng’atu moko mbe ma bibedo nuti m’ubodhgi.

Ezekiel 39:10

ketho nia gibigamu yen moko ngo kud i thim, kadi gibing’olo moko ngo kud i luli; kum gibitimo mac ku jamblwiny; e gibimayu ju m’umayu i bang’gi, man gibiyaku ju m’uyakugi, Rwoth Yehova wacu.

Hoseya 5:14

Kum abibedo ni Efraim calu umvor, man calu nyathin umvor ni ot mi Yuda: an, ndhu, an, abiyeco man abicidho cen; abitero cen, man ng’atu moko mbe ma bibodho.

Mika 2:12

E Yakobo, abicoki kubeng’i ceke; abicoko dong’ Israel andha; abikethogi karacelo andha calu rombe mi Bothra, calu udul rombe i kind kwac migi; gibitimo woi ma dit ni kum udul dhanu.

Mika 4:13

Ai man ifodi, E nya Sayuni; kum abidwoko tung peri ni nyunyu, man abidwoko utweng tiendi ni mola; man ibigoyo kodhidhanu dupa nziki nziki: e abikoyo kuloka migi ni Yehova, man piny migi ni Rwoth mi ng’om ngung’.

Mika 4:7

man abiketho m’abala ni i kume ni donge, man ma jubayu ni thek ma tek: man Yehova bicamu ker i wigi wi got Sayuni ugambre i nindo maeca cil rondo ku rondo.

Mika 5:3

Ka kumeno ebimiogi, maram nindo wok ko ma ng’atu m’usendre ku nyodo nyol i ie: e dong’ utumin m’udong’ bilund dwogo ba nyithindho mir Israel.

Mika 7:18

Ng’a ma Mungu calu in, ma weko i kier woko, man ma kadhu ku wi gondri mi dong aba pare m’udong’i? ecere wi kwinyo pare nja ngo, kum anyong’a nege kum mer mi bero.

Zekaria 10:5

Man gibibedo calu dhanu ma tek, ma gibenyono jukwojgi i unzabu mi gengi i lwiny; man gibikiedo, kum Yehova ni karacelo kugi; man cwiny ju m’uwotho ku wi riuni bing’abre.

Zekaria 11:6

Kum kisa binega kendo ngo kum dhanu m’ubedo i ng’om, Yehova wacu; ento, nen, abiketho dhanu kubang’gi kubang’gi i cing wadi, man i cing ubimo pare; man gibigoyo ng’om, e abibodhogi ngo kud i cing’gi.

Zekaria 12:3

Man ebitimbre i ceng’ maeca, nia abidwoko Yerusalem ni kidi mi ter ni kodhidhanu ceke; dhanu ceke m’uting’e ni ter igi gibinwang’u rem ma dit; man thek ceke mi ng’om bicokri karacelo i kume.

Zekaria 14:18

Man tek juot mi Misiri idho malu ngo, man gibino ngo, kadok i wigi de ebicwi ngo; maeni thong’om ma Yehova bigoyo ko thek m’uidho malu ngo nikwiro agba mi otbak.

Zekaria 9:15

Yehova mir udul bikurogi; man gibicamu, gibinyono kidi mir atum de; e gibimadhu, man gibikok calu ni kum pigulok, man gibipong’ calu tabu, calu gund pemblam.

Malaki 4:3

Man wubinyono judubo piny; kum gibibedo ni vuru the tiendwu i ceng’ m’atimo maeni, Yehova mir udul uwacu.

Kitabu Mir Ang’wende Pa Musa Wel 24:9

Enyoc, eriebre piny calu umvor, Man calu min umvor; ng’a ma bipoye juk malu? Mugisa bed wi dhanu ceke kubang’gi kubang’gi m’umio mugisa iri, Man lam ubed wi dhanu ceke kubang’gi kubang’gi m’ulemi.

Matayo 10:14

Ng’atu ma tek bijolowu ngo, kadi m’uwinjo lembe mu ngo, ka wuai kud i oduca kadi adhura nica, wukir utur m’i tiendwu woko.

Tic Mi Jukwenda 18:6

E ka gipiembri giyanyu ayany de, eyengo bongu pare man ewacu igi kumae, Dong’ rimo mu bed i wiwu giwu; an a leng’ ugambre kawono a dong’ cidho ba Thekdhanumange.

Juebrania 12:25

Wunen nia kud wukwer ng’atu m’ubeyero. Kum tek giboth ungo ka gikwero ng’atu m’utwong’ogi i ng’om, e wan ma walokra ku ba ng’atu m’utwong’owa kud i polo wabiboth ungo ma sagu dit:

Juebrania 2:3

e wabiboth nenedi, tek wagalu kum thwo both ma rokeni ngi? ma Rwoth ular ukwong’o yero, ma ju m’uwinjo uketho ecungo iwa: