Mika 5:7 - The Holy Bible In Alur (Lur) Revised Orthography

⁷ Man dong’ Yakobo bibedo i kind kodhif dhanu dupa calu thoi m’uai ba Yehova, calu koth wi lum, ma galu ngo ni dhanu, kadi kuro wot dhanu de ngo.

Mika 5:7 ပူးပေါင်းရင်းမြစ်များ

2 Samwil 17:12

Kum kumeno wabibino i wie ku kamoko ma junwang’e i ie, man wabicora i wie calu thoi core wi ng’om; man wabiweko dhanu pare acel de ngo ku mi dhanu ceke ma gini kude de.

Zaburi 110:3

Dhanu peri gimiri gigi ku berocwiny I ceng’ mi tego peri, ku bero mi leng’; Kud i ic mi kugweno Ibedo ku thoi mir aradu peri.

Zaburi 133:3

Calu thoi mi Hermon, M’uloro piny wi gudi mi Sayuni: Kum Yehova ng’olo mugisa kuca, En e kwo mi nja.

Zaburi 72:6

Ebiloro piny calu koth wi lum ma junyaru, Calu koth ma cwi wi ng’om.

Lembrieko 19:12

Kwinyo p’ubimo calu rundo mir umvor; Ento bero pare en e calu thoi wi lum.

Isaya 32:15

cil ma jubikonjo ko Tipo m’uai malu i wiwa, man langa udok ni podho ma cek hai, man podho ma cek hai jubiwacu ya luli.

Isaya 44:3

Kum abikonjo pi wi ng’atu ma rieu nege, man kulo wi ng’om m’uthwo; abikonjo Tipona wi kodhini, man mugisa para wi nyikwei:

Isaya 55:10

Kum calu koth uai kud i polo man pei, man gidok kuca ngo, ento giyomo ng’om, man etwio piny man ekudo de, emio kodhi de ni jacoi kodhi man kwen ni jacam;

Isaya 66:19

E abiketho giranyiitha i kindgi, man abioro wadi ju m’uboth m’i kindgi ba thek, ba Tarcic, ku Pul, man Lud, ma kilo atum, ba Tubal, man Yavan, ba cula bor cen, ma fod uwinjo pira ngo, kadok dwong’ para de gineno ngo; man gibiyero pi dwong’ para kind thek.

Yeremia 14:22

Gin moko nuti i kind gin ma ie nanu mi thek ma copo konjo kothi? kadi polo copo mio koth ma core? in i en ungo, E Yehova Mungu mwa? ka kumeno wabikuri; kum itimo gin maeni ceke.

Ezekiel 14:22

Ento, nen, jubiweko donge dong’ i ie ma jubitero cen, en e nyithindho ma co ku nyithindho ma nyir bende: nen, gibibino i beng’wu, e wubineno yo migi ku giratima migi; man wubibedo ajuka kum lem ma rac m’akelo wi Yerusalem, en e pi gin ceke m’akelo i wie.

Ezekiel 47:1

Man edwoka ba dhugola mi ot; man nen, pi wok woko ku the riu mi ot yo nyangu (kum yo dhu ot ni yo nyangu); man pi mol piny kud i there, kud i ng’et ot ma yor acwi, i ng’et pemblam ma yor ariwa ma piny.

Ezekiel 5:5

Rwoth Yehova wacu kumae: Maeni Yerusalem; akethci kind thek, man ng’om utieke gbur.

Daniel 11:32

Man ju ma gitimo rac kum lembariba ebiloko pidoigi ku dhok ma mit; ento dhanu m’ung’eyo Mungu migi gibibedo tek, man gibitimo gin ma dit.

Hoseya 14:5

Abibedo calu thoi ni Israel; ebithiwo calu kura, man ebimeyo ulage calu Lebanon.

Hoseya 6:3

E dong’ wang’eyu, man wek walubu tok ng’eyo Yehova: wokwoko pare en e andha calu kugweno; man ebibino i bang’wa calu koth, calu koth ma cen ma cwi i ng’om.

Yoel 2:32

Man ebitimbre, nia ng’atu ma tek bilwong’o nying’ Yehova ebiboth; kum ju m’uboth bibedo i got Sayuni man i Yerusalem, calu Yehova wacu, man ju ma Yehova lwong’o bibedo i kind donge m’udong’.

Amos 5:15

Wudag gin ma rac, man wumar gin ma ber, man wuketh pokolembe ma pwe i dhugang’: kuno nyo Yehova, Mungu mir udul, bitimo ku bero kum dong’ Yusuf m’udong’.

Mika 2:12

E Yakobo, abicoki kubeng’i ceke; abicoko dong’ Israel andha; abikethogi karacelo andha calu rombe mi Bothra, calu udul rombe i kind kwac migi; gibitimo woi ma dit ni kum udul dhanu.

Mika 4:13

Ai man ifodi, E nya Sayuni; kum abidwoko tung peri ni nyunyu, man abidwoko utweng tiendi ni mola; man ibigoyo kodhidhanu dupa nziki nziki: e abikoyo kuloka migi ni Yehova, man piny migi ni Rwoth mi ng’om ngung’.

Mika 4:7

man abiketho m’abala ni i kume ni donge, man ma jubayu ni thek ma tek: man Yehova bicamu ker i wigi wi got Sayuni ugambre i nindo maeca cil rondo ku rondo.

Mika 5:3

Ka kumeno ebimiogi, maram nindo wok ko ma ng’atu m’usendre ku nyodo nyol i ie: e dong’ utumin m’udong’ bilund dwogo ba nyithindho mir Israel.

Mika 5:8

Man dong’ Yakobo bibedo i kind thek, i die kodhidhanu dupa, calu umvor i kind yedi m’i luli, calu nyathin umvor i kind udul rombe; ma, tek ekadhu akadha, enyono piny man eyeco nziki nziki, e ng’atu moko mbe ma laru.

Mika 7:18

Ng’a ma Mungu calu in, ma weko i kier woko, man ma kadhu ku wi gondri mi dong aba pare m’udong’i? ecere wi kwinyo pare nja ngo, kum anyong’a nege kum mer mi bero.

Zefania 3:13

Dong Israel bidubo ngo, kadi ndra de gibiyero ngo; kadok leb mir abombi de binwangre i dhoggi ngo; kum gibicamu man gibivuto piny, man ng’atu moko mbe ma binyayu lworo i igi.

Zekaria 14:8

E ebitimbre i ceng’ maeca, nia pi mi kwo biai kud i Yerusalem: ng’ete kucel yo ba nam ma yo nyangu, ng’ete mucelo ke yo ba nam ma yo reto: ebibedo i nindo mi lietho man i nindo mi koyo.

Zekaria 9:13

Kum adio Yuda piny ira, apong’o atum kud Efraim; man abithubo woti, E Sayuni, kum woti, E Yunani, man abidwoki calu palamularu pa ng’atu ma tek.

Matayo 28:19

Ka kumeno wucidhi, wuketh thek ceke dok julub, wumi igi baputisi ku nying Wego ku Wod man Tipo Maleng’:

Tic Mi Jukwenda 11:15

E kan amaku yero, Tipo Maleng’ upodho i wigi, cil calu epodho i wiwa ku kwong’a.

Tic Mi Jukwenda 13:46

Man Paolo giku Barnaba giyero ku fcegocwinygi, giwacu kumae, Maku wakowalar wayer iwu lembe pa Mungu be. Kum wucwale cen kud i kumwu, wupoko giwu ya wuromo ku kwo ma rondo ku rondo ngo, nen, walokra ba Thekdhanumange.

Tic Mi Jukwenda 16:9

Man ginmawokiwang’ uwok i wang’ Paolo ku diewor kumae: Ng’atu acel m’i Makedoni cungo, m’ebekwaye ma tek, ewacu kumae, Bin lokani i Makedoni, man ikonywa.

Tic Mi Jukwenda 9:15

Ento Rwoth uwacu ire kumae, Cidh miri: kum en e agulu m’agoyo wie ira, ya eter nyinga i wang’ Thekdhanumange ku ju m’ubimo ku nyithi Israeli bende:

Jurumi 10:20

Man Isaya e won tegocwiny ma dit, man ewacu kumae, Anwangra ku ju ma giyenya ngo; Anyuthra ni ju m’upenja ngo.

Jurumi 11:12

Nie tek podho migi en e lonyo mi ng’om, man ruvwa migi de lonyo ni Thekdhanumange; pong’ migi sagu dit ungo?

Jurumi 9:30

Wabilund wacu ang’o’ Ya Thekdhanumange, m’ulubo bedopwe ngo, utundo kum bedopwe, cil bedopwe ma en e mi yioyic:

1 Jukorinto 3:6

Apidho, Apolo ke kwoyo pi; ento nyai m’enyai ko Mungu mio en.

Poi Mi Cik 32:2

Lemponji para bicwir calu koth; Wec para biton calu thoi, Calu ng’idho koth wi arusi, Man calu koth ma core vur wi uboko.

Jupoklembe 6:36

Man Gideon uwacu ni Mungu kumae, Tek ibibodho Israel ku cinga, calu iyero,