Mika 5:6 - The Holy Bible In Alur (Lur) Revised Orthography

⁶ E gibinyotho ng’om mir Ascur ku palamularu, ku ng’om mi Nimrod i kamondone: man ebibodhowa ni Jascuri, kinde m’emondo i ng’om mwa, man kinde m’ewotho yor i kieu mwa.

Mika 5:6 ပူးပေါင်းရင်းမြစ်များ

2 Ubimo 15:29

I nindo pa Peka m’ubimo mir Israel, Tiglat-pileser m’ubimo mir Ascur ubino, man emaku Ijon, kud Abelbeth-maka, man Yanoa, man Kedec, ku Hazor, man Gilead ku Galilaya, man ng’om ceke pa Naftali; e eyakugi ni ng’eca i Ascur.

I Lemkei 1:10

Man Kuc unyolo Nimrod; emaku doko ng’atu ma tek i ng’om.

2 Lemkei 33:11

Kum kumeno Yehova kelo jego mir udul mir ubimo mir Ascur i wigi, m’umaku Manase ku nyoro, man etwie ku gwang’, e etere i Babeli.

Kitabu Pa Yob 29:22

Yo ng’ei lembe para giweco kendo ngo; Man wec para ton i wigi.

Zaburi 110:3

Dhanu peri gimiri gigi ku berocwiny I ceng’ mi tego peri, ku bero mi leng’; Kud i ic mi kugweno Ibedo ku thoi mir aradu peri.

Zaburi 72:6

Ebiloro piny calu koth wi lum ma junyaru, Calu koth ma cwi wi ng’om.

Isaya 14:2

E kodhidhanu biting’ogi man gibidwokogi i kakagi; e ot mir Israel bibedo kugi i ng’om pa Yehova ni jutic man ni bong’: man gibidwokogi ni ng’eca ma naka gin e ma gi ng’eca migi; man gibibimo wi jusend migi.

Isaya 14:25

nia abituro Jaascuri i ng’om para, man abinyone the tielo wi gudi para: e mberembere pare bilund ai kud i kumgi, man ter pare biai kud i gokgi.

Isaya 33:1

Can i wii in i ng’atu m’inyotho, man junyothi ngo; man m’itimo kud abombi, e gitimo kud abombi i kumi ngo! Kinde m’idaru nyotho, e jubinyothi; man kinde m’idaru timo kud abombi, gibitimo kud abombi i kumi.

Isaya 37:36

E malaika pa Yehova wok woko, man egoyo dhanu rubanga dak acel ku pier abora wi abic i kagonjo mi Juascuri; man kinde ma dhanu ai pir kugweno, nen, maeni ceke gin avu.

Isaya 37:37

Kum kumeno Senakerib m’ubimo mir Ascur uai, e ecidho edok, man ebedo i Nineve.

Isaya 6:13

Man tek fodi apaje ni i ie, en bende jubiwang’e: calu yen ma nok, man calu bongu, ma dunde dong’, kinde ma juredhogi piny; e kumeca kodhi ma leng’ en e dunde.

Yeremia 14:22

Gin moko nuti i kind gin ma ie nanu mi thek ma copo konjo kothi? kadi polo copo mio koth ma core? in i en ungo, E Yehova Mungu mwa? ka kumeno wabikuri; kum itimo gin maeni ceke.

Nahum 2:11

Kabedo mir umvor ni kani, ku kacemo mi nyithindh umvor, ka ma thwon umvor ku min umvor wotho i ie, nyathin umvor, man ng’atu moko mbe ma nyayu lworo i igi?

Zefania 2:13

Man ebirieyo cinge kum yor ariwa ma malu, man ebinyotho Ascur, ebidwoko Nineve de ni uvuru, m’etal de calu langa.

Zefania 3:12

Ento abiweko i kindi dhanu ma jucan ma jusendogi, man gibinwang’u gwok i nying’ Yehova.

Luka 1:71

Ebodhowa ni judegiwa, kud i cing’ dhanu ceke m’udaguwa de;

Luka 1:74

Nia edwok iwa, wan ma waboth kud i cing’ judegiwa Ya watim ire ma lworo mbe,

Luka 24:27

Man etheko kum lem pa Musa ku jubila ceke de, ekoro igi i lem pa Mungu ceke gin ma pire gire.

Poi Mi Cik 32:2

Lemponji para bicwir calu koth; Wec para biton calu thoi, Calu ng’idho koth wi arusi, Man calu koth ma core vur wi uboko.