Mika 5:2 - The Holy Bible In Alur (Lur) Revised Orthography

² Ento in, Beth-lehem Efratha, m’i nok m’ibedo kind rubanga mi Yuda, ng’atu moko biwok i bang’a kud ii ma bibedo jabim i Israel; ma wokwoko pare gambre con, ugambre mi nja.

Mika 5:2 ပူးပေါင်းရင်းမြစ်များ

Thangambere 35:16

Man giwotho ma giai ko i Beth-el; man fodi gitundo ngo Efrath: e moc ugoyo Rahel, man esendre dit.

Thangambere 35:19

E Rahel utho, man juyike i yo ma tundo Efrath (ma en e Beth-lehem).

Thangambere 48:7

Man an, kinde m’aai Padan, Rahel utho i vuta i ng’om Kanan i yo, ma fodi woth ulwar i wang’wa ma jutundo ko Efrath: man ayike keca i yo ma jutundo ko Efrath (ma en e Beth-lehem).

Thangambere 49:10

Uludhker biai ungo ba Yuda, Kadi uluth pa jabim ku kind tiende, Cil ma Cilo bino ko; Man woro mi kodhidhanu bibedo ire

I Lemkei 2:54

Wot Salma gi eni: Beth-lehem, man Junetofathi, Atrothbeth-yoab, man ng’et Jumanahathi ma Juzori.

I Lemkei 4:4

man Penuel ma won Gedor, man Ezer ma won Huca. Maeni wot Hur, ma kayu Efratha, ma won Beth-lehem.

I Lemkei 5:2

Kum Yuda telo wi utumin mire, man jatelwic uai i bang’e; ento camupacune en e pa Yusuf),

Zaburi 132:6

Nen, wa winjo piri i Efratha: Wanwang’e i podho mi luli.

Zaburi 90:2

Ma fodi juwodho got ungo, Kadi ma fodi k’icwio ng’om ku piny de ngo, Ugambre rondo ku rondo, in i Mungu.

Ai 18:21

Man ke ibinwang’u dhanu ma cu kud i kind dhanu ceke, wadi dhanu ma julwor Mungu, dhanu mandha, m’udagu azindi; man ibiketho wadi joni i wigi, kara gibed ni jego wi rubanga, jego wi dak, jego wi pier abic, man jego mir apar:

Ai 18:25

Man Musa goyo wi dhanu ma cu ku kind Israel ceke, man ekethogi ni wie wi dhanu, jego mi rubanga, jego mi dak, jego mi pier abic, man jego mir apar.

Isaya 11:1

Man giralotha biloth ku kum dund Yese, man jange m’uai i ulage bicego nyinge.

Isaya 53:2

Kum edongo i wang’e calu girapidha ma ng’ic, man calu ulag piny kud i ng’om m’uthwo: kite kadi berone de mbe; man kinde ma wanene, bero moko mbe ma nia wayenye.

Isaya 55:4

Nen, amie ni mulembe ni kodhidhanu, jatelwic man jego ni kodhidhanu.

Isaya 7:14

Ka kumeno Rwoth en ebimio giranyutha iwu: nen, nyaku ma ng’won bigamu ie, man ebinyolo nyathin ma nico, e jubilwong’o nyinge Imanuel.

Yeremia 30:21

Man jaditmawijo migi bibedo ng’atu m’i kindgi, man jabim migi biai i kindgi; e abiketho ecoro ceng’ni, man ebibino i bang’a: kum ng’a ma tegocwiny ni kude m’ebino ko i bang’a? Yehova wacu.

Hoseya 6:3

E dong’ wang’eyu, man wek walubu tok ng’eyo Yehova: wokwoko pare en e andha calu kugweno; man ebibino i bang’wa calu koth, calu koth ma cen ma cwi i ng’om.

Amos 9:11

I ceng’ maeca abiting’o hema pa Daudi m’upodho, man abiculo ka in’umome; man abiting’o gire m’ubam malu, e abigome calu i ceng’ ma con;

Mika 4:10

Bed i remokum, man isendri kara inyol, E nya Sayuni, calu dhaku ma ceng’ni nyol; kum kawono ibicidho woko kud i adhura, man ibibedo i podho, e ibibino cil ba Babeli: jubibodhi kuca; Yehova biweri ku kuca kud i cing’ judegini.

Zekaria 13:7

Ceu, E palamularu, kum jakwac para, man kum ng’atu ma wada, Yehova mir udul uwacu: wugoi jakwac, e rombe bilal; e abiloko cinga wi ju ma thindho.

Zekaria 9:9

Anyong’a negi dit, E nya Sayuni; koki, E nya Yerusalem: nen, ubimo peri bino i beng’i; en e pwe, man e won both; e mol, man eberingo ku wi kana, en e wi kana ma nyathi kana.

Matayo 2:1

Nie kinde ma junyolo Yesu i Beth-lehem mi Yahudi i ceng’ p’ubimo ma Herode, nen, Jurieko m’uai yo nyangu gibino Yerusalem giwacu kumae,

Matayo 2:6

In i Beth-lehem, ng’om pa Yuda, In i nok ki ngo i kind juker pa Yuda: Kum jabim biai i beng’i, M’ebibedo jakwac mi dhanu para Israel.

Matayo 28:18

Man Yesu bino i bang’gi eweco i bang’gi, ewacu kumae, Ng’ol ceke mire ira m’i polo ku m’i ng’om bende.

Luka 23:2

E gimaku dote, giwacu kumae, Wanwang’u ng’atu maeni beroco thek mwa, man ebekwero ya ku jumi ajok ni Kaisari, ewacu de nia en e m’e Kristu m’ubimo.

Luka 23:38

Ramblembe bende ni yor i wie kumae, MAENI UBIMO MI JUYAHUDI.

Yohana 7:42

Lembagora pa Mungu wacu ngo nia Kristu ai ba kodhi Daudi, man i Beth-lehem, pacu ma yang’ Daudi bedo i ie?

Poi Mi Cik 1:15

Kum kumeno agamu judongo mi suru mu, dhanu ma riek, ma jung’eyo de, man akethogi ni judongo i wiwu, jego mi rubanga, man jego mi dak, man jego mi pier abic, man jego mir apar, man juwitic, calku suru mu.

Jukolosai 1:17

man en e kwong’a mi gin ceke, man gin ceke de bedo karacelo ni kume.

Juebrania 13:8

Yesu Kristu bedo calacel nyaworo ku tinuni, man rondo ku rondo de.

Juebrania 7:14

Kum ebedo ngbeng’ nia Rwoth mwa ai kud i Yuda; ma Musa kuyero gin moko ngo pi julam mi surune.

1 Yohana 1:1

Maeno ma nuti ugambre ku kwong’a, maeno ma wawinjo, maeno ma waneno ku wang’wa, maeno ma waneno tel, ma cingwa de mulo, pi Lembe mi kwo

Lembanyutha 19:16

Man ebedo ku nyinge m’ugore wi kendi pare man wi bambe kumae, ubimo mir ubimo, man rwoth mi rwodhi.

Lembanyutha 2:8

Man ni malaika mi kanisa ma ni i Smurna kieu kumae: Ng’atu ma en e ma kwong’a ku ma cen de, m’etho, man ebedo kwo kendo ewacu gin maeni kumae:

Lembanyutha 21:6

Man ewacu ira kumae, Gidaru timbri. An a Alfa kud Omega, ma thangambere ku kajik. Abimio kum pi ma dhenyni mi kwo k’abamba ni ng’atu ma rieupi nege.

Jupoklembe 17:7

Man jalawobi moko nuti m’uai Beth-lehem-yuda, mi wat pa Yuda, ma en e Jalawi; e ebedo kuca ni umondo.

Ruth 1:1

Man etimbre i nindo ma jupoklembe gipoko ie lembe, nia ndru ni i ng’om. Man ng’atu moko m’i Beth-lehem-yuda ecibedo i ng’om Moab, en, ku cege, ku wote de ario.

Ruth 4:11

E dhanu ceke ma gini dhugang’, man judongo, giwacu kumae, Wan wa jumulembene. Yehova uketh dhaku m’ubino i ot peri calu Rahel ku Leya, gi mon ario ma gigomo ot mir Israel: man igam iri lonyo i Efratha, man ibed ma rwongi yik i Beth-lehem:

1 Samwil 10:19

ento tinuni wukwero Mungu mu, ma en gire ebodhowu kud i ruvwa mu ceke ku can mu ceke; man wuwacu ire kumae, Ungo, ento keth ubimo i wiwa. Ka kumeno wuthieru giwu i wang’ Yehova ku ba suru mu, man ku ba rubanga mu.

1 Samwil 17:12

Nwang’u Daudi en c wod Jaefrathi maeno ma Beth-lehem-yuda, ma nyinge Yese; man wote abora: man ng’atuno ti i nindo pa Saul, ma rundi pare doko dupa i kind dhanu.

1 Samwil 17:18

man iter jamcak apar maeni ba jego mi rubanga migi, man inen maram utumeru bedo ko, man igam lembe m’i bang’gi.

1 Samwil 23:23

Ka kumeno wunen, man wung’ei kapondo ceke m’epondo i ie, man wubin kendo i bang’a andha, e wabicidho wakudu: man ebitimbre, tek ebedo i ng’om, nia abiyenye i kind rubanga ceke mi Yuda.

1 Samwil 8:12

man ebigoyo wigi ire ni jego mi rubanga, man jego mi pier abic; man ebiketho moko ufur ng’om pare ku dhiang’, man ukai cam pare, man utim jambali pare, man jambmagali pare.