Mika 5:10 - The Holy Bible In Alur (Lur) Revised Orthography

¹⁰ Man ebitimbre i ceng’ maeca, Yehova wacu, nia abikabu riuni peri woko kud i kindi, man abinyotho magali peri:

Mika 5:10 ပူးပေါင်းရင်းမြစ်များ

Isaya 2:7

Man ng’om migi pong’ ku mola ma tar man mola ma kwar, kadi kajik moko de mbe mi piny m’akana migi; ng’om migi bende pong’ ku riuni, kadi kajik moko de mbe mi magali migi.

Yeremia 3:23

Andha kony ma jukio bang’ ungulu gudi en e mananu, udul kwa kwa ma wi gudi: andha both mir Israel en e ni kum Yehova Mungu mwa.

Hoseya 1:7

Ento kisa binega kum ot pa Yuda, man abibodhogi ni kum Yehova Mungu migi man abibodhogi ngo ni kum atum, kadi ni kum palamularu, kadi ni kum lwiny, ni kum riuni, kadi ni kum weg riuni.

Hoseya 14:3

Ascur bibodhowa ngo; wabiwotho ku wi riuni ngo; kadok ni tic mi cingwa de wabiwacu kendo ngo kumae, Wun wu mungu mwa; kum kic ginwang’u kisa i beng’i.

Hagai 2:22

man abiredho komker mi ker; man abinyotho tego mi ker mi thek; man abiredho magali, ku ju m’uringo i igi; man riuni ku ju m’ubedo i wigi gibipodho piny, ng’atuman ku palamularu pa wadi.

Zekaria 9:10

Man abithumo magali woko ku i Efraim, man riuni kud i Yerusalem; man atum mir ali bithumbre woko; e ebiyero kwiocwiny ni thek: man bim pare bibedo gambre kum nam cil kum nam, man ugambre kum Kulo cil i kajik mi ng’om.

Poi Mi Cik 17:16

Ndhu riuni kud emed ire gire, kadi kud edwok dhanu i Misiri, kara eketh riuni dok dit; kum Yehova wacu iwu kumae, Ugambre kawono kud wudok kendo i yo maeno.