Mika 4:7 - The Holy Bible In Alur (Lur) Revised Orthography

⁷ man abiketho m’abala ni i kume ni donge, man ma jubayu ni thek ma tek: man Yehova bicamu ker i wigi wi got Sayuni ugambre i nindo maeca cil rondo ku rondo.

Mika 4:7 ပူးပေါင်းရင်းမြစ်များ

Zaburi 2:6

Ento aketho ubimo para Wi got para ma leng’ mi Sayuni.

Isaya 16:5

E jubiketho komker cungo i mer mi bero; e ng’atu moko bijany i wie i lemandha, i hema pa Daudi, m’ebepoko lembe, m’ebeyenyo lembapoka de, m’ebedo kud amora kum timo bedopwe.

Isaya 24:23

Cwiny dwi bilund ng’abre, man lewic bimaku ceng’: kum Yehova mir udul bicamu ker wi got Sayuni, man i Yerusalem; man dwong’ bibedo nuti wang’ judongo pare.

Isaya 6:13

Man tek fodi apaje ni i ie, en bende jubiwang’e: calu yen ma nok, man calu bongu, ma dunde dong’, kinde ma juredhogi piny; e kumeca kodhi ma leng’ en e dunde.

Isaya 60:22

Ng’atu ma nok bidoko rubanga, man ng’atu ma nyathigi bidoko thek ma tek: an, an a Yehova, abidhulo maeni i nindone.

Isaya 66:8

Ng’a m’uwinjo wagi ginduni? ng’a m’uneno wagi ginduni? Jubinyolo ng’om i ceng’ aceli? jubinyolo thek wang’ aceli? kum kinde ma Sayuni sendre, enyolo nyithindhe.

Ezekiel 43:7

Man ewacu ira kumae. Wod dhanu, maeni ka mi komker para, man ka die tienda, ka in’abibedo ie i kind nyithindho mir Israel mi nja. Man ot mir Israel bicido nyinga ma leng’ kendo ngo, kadok gin, kadi ju m’ubimo migi, kud asara migi, man kud avu ju m’ubimo migi i ka ma malu migi;

Daniel 2:44

Man i nindo mir ubimo maeno Mungu m’i polo biketho ker ma binyothre ngo rondo ku rondo, kadok camukerne de jubiweko ngo ni dhanu mi thek mange; ento ebituro nziki nziki man ebijigo ker maeni ceke, man ebicungo mi nja.

Daniel 4:34

Man ka ceng’ maeno thum, an a Nebukadnezar, ang’ayu wang’a malu i polo, man ng’eyothelembe para dwogo i bang’a, man amio mugisa ni Ng’atu ma Malu Ngbir, e apake man ayunge m’ebedo rondo ku rondo; kum bim pare en e bim mi nja, man ker pare gambre kum dhanum’utuk cil kum dhanum’utuk;

Daniel 7:14

Man jumio ire bimobim, ku dwong’, man ker, kara kodhidhanu ceke, man thek ceke, ku dhok ceke gitim ire: bimobim pare en e bimobim mi nja, ma bikadhu woko ngo, man ker pare en e ker ma jubinyotho ngo.

Daniel 7:27

Man ker ku bimobim, ku dwong’ mi ker ma the polo dho, jubimio ni dhanu mi jumaleng’ pa Ng’atu ma Malu Ngbir: ker pare en e ker ma rondo ku rondo, man bimobim ceke gibitimo ire man gibiwore.

Hoseya 1:10

Ento wel mi nyithindho mir Israel bibedo calu kwio mi nam, ma pore ngo ma kwandre de ngo; man ebitimbre nia, i ka ma juwacu ie igi kumae, Wu dhanu para ngo, jubiwacu igi kumae, Wun wu wot Mungu ma kwo.

Yoel 2:32

Man ebitimbre, nia ng’atu ma tek bilwong’o nying’ Yehova ebiboth; kum ju m’uboth bibedo i got Sayuni man i Yerusalem, calu Yehova wacu, man ju ma Yehova lwong’o bibedo i kind donge m’udong’.

Yoel 3:17

Ka kumeno wubing’eyo nia an a Yehova Mungu mu, m’abedo i Sayuni got para ma leng’: Yerusalem bilund bedo leng’, man juwirok moko bikadhu kud i kinde kendo ngo.

Obadia 1:21

Man jubodh biidho malu wi got Sayuni kara gipok lembe mi got mir Esau; e ker bibedo pa Yehova.

Mika 2:12

E Yakobo, abicoki kubeng’i ceke; abicoko dong’ Israel andha; abikethogi karacelo andha calu rombe mi Bothra, calu udul rombe i kind kwac migi; gibitimo woi ma dit ni kum udul dhanu.

Mika 2:13

Jamorpiny uidho i wang’gi: gimoro piny man gikadhu ba dhugang’, e giwok woko kudo; man ubimo migi kadhu i wang’gi, man Yehova ni i wigi.

Mika 5:3

Ka kumeno ebimiogi, maram nindo wok ko ma ng’atu m’usendre ku nyodo nyol i ie: e dong’ utumin m’udong’ bilund dwogo ba nyithindho mir Israel.

Mika 7:18

Ng’a ma Mungu calu in, ma weko i kier woko, man ma kadhu ku wi gondri mi dong aba pare m’udong’i? ecere wi kwinyo pare nja ngo, kum anyong’a nege kum mer mi bero.

Zefania 3:13

Dong Israel bidubo ngo, kadi ndra de gibiyero ngo; kadok leb mir abombi de binwangre i dhoggi ngo; kum gibicamu man gibivuto piny, man ng’atu moko mbe ma binyayu lworo i igi.

Zefania 3:20

I nindo maeca abiroyowu, man i nindo maeca abicokowu; kum abiketho wubedo ku nying’ man pak kind kodhidhanu ceke m’i ng’om kinde m’abidwoko ng’eca mu i weng’wu, Yehova wacu.

Luka 1:33

Man ebicamu ker wi ot pa Yakobo mi nja; kajik mi ker pare de bibedo umbe.

Lembanyutha 11:15

Man malaika mir abirone kudho agwara; m’ulubo maeno dwal ma dit i polo, man giwacu kumae, Ker m’i ng’om udoko ker pa Rwoth mwa, man pa Kristu pare: man ebibimo bim rondo ku rondo.