Mika 4:4 - The Holy Bible In Alur (Lur) Revised Orthography

⁴ Ento gibibedo kubang’gi kubang’gi ng’atuman the yendulok pare man the yendubolo pare; e ng’atu moko mbe ma binyayu lworo i igi: kum dhu Yehova mir udul uyero maeni.

Mika 4:4 ပူးပေါင်းရင်းမြစ်များ

1 Ubimo 4:25

Man Yuda kud Israel gibedo museme, ku ba dhanu ceke ng’atuman the yendulok pare man the yendubolo pare, ugambre Dan cil kum Ber-ceba, i nindo ceke pa Suleman.

1 Ubimo 5:5

Man, nen, akeco ya agom ot pi nying’ Yehova Mungu para, calu Yehova yero ni Daudi ma vwa, ewacu kumae, Wodi, m’abikethe wi komker peri kakeri, ebigomo ot pi nyinga.

Kitabu Pa Yob 11:19

Ibivuto bende, e ng’atu moko mbe ma binyayu lworo i ii; Eyo, dhanu dupa biyenyo weng’i.

Zaburi 72:3

Gudi bikelo kwiocwiny ba dhanu, Man ungulu gudi, ku bedopwe.

Lembrieko 3:25

Kud ilwor lworo ma vur vur, Kadok nyoth mi judubo, kinde m’ebino:

Isaya 1:20

ento tek wukwero man wujai, palamularu bicamuwu kum dhu Yehova yero maeni.

Isaya 17:2

Juweko adhura mir Aroer; gibibedo mir udul rombe, ma bivuto piny, e ng’atu moko mbe ma binyajm lworo i igi.

Isaya 22:25

I ceng’ maeca, Yehova mir udul uwacu, musumali ma juguro i ka ma tek bilokni; man jubitong’e piny, e ebipodho; man ter ma ni i wie jubikabu cen; kum Yehova yero maeni.

Isaya 26:16

Yehova, giliewi i can; gikonjo rwo kinde ma ponji peri ni i wigi.

Isaya 32:17

Tic mi bedopwe de bibedo kwiocwiny; man nying’ bedopwe, en e bedoyo, ku genogen mi nja.

Isaya 36:16

Kud wuwinj Hezekia: kum ubimo mir Ascur uwacu kumae, Wumond ira, man wuwok woko i bang’a; man wucam kubeng’wu kubeng’wu ng’atuman kum ulok pare, man kubeng’wu kubeng’wu ng’atuman kum yendubolo pare, man wumadh kubeng’wu kubeng’wu ng’atuman pi mi pi m’atong’a pare ma dhe;

Isaya 40:5

E dwong’ pa Yehova binyuthre, man weg kum ceke binene karacelo; kum dhu Yehova yero maeni.

Isaya 54:14

Jubiketho icungo i bedopwe: ibibedo bor ku masendi, kum lworo binegi ngo; man ni ndiri, kum ebibino ceng’ni i vuti ngo.

Isaya 58:14

ibilund ketho anyong’a negi ni kum Yehova; man abiketho iwotho ku ka ma malu m’i ng’om; man abikeki kud aba pa Yakobo ma kwaru: kum dhu Yehova yero maeni.

Yeremia 23:4

Man abiketho jukwac i wigi, ma bikakugi ku cam; e lworo binegogi kendo ngo, kadi cwinygi de bing’abre ngo, kadok moko de mbe ma bijwik, Yehova wacu.

Yeremia 30:10

Ka kumeno kud ilwor, E Yakobo ma jatic para, Yehova wacu; kadok cwinyi de kud ung’abre, E Israel: kum, nen, abibodhi ku bor, man kodhini kud i ng’om mi ng’eca migi; e Yakobo bidwogo, man ebibedo museme man yo, man ng’atu moko mbe ma binyayu lworo i ie.

Ezekiel 34:25

Man abitimo lembariba mi kwiocwiny kugi man abiketho yedi ma kwiny ujik kud i ng’om; e gibibedo museme i langa, man gibinindo i luli.

Ezekiel 34:28

Man gibibedo amaci ni thek kendo ngo, kadok yedi m’i ng’om de bicamugi kendo ngo; ento gibibedo museme, man ng’atu moko mbe ma binyayu lworo i igi.

Ezekiel 38:11

man ibiwacu kumae, Abiidho malu ba ng’om mi pacu ma gang’kidi mbe kude; abicidho ba ju m’uyom, m’ubedo museme, kagi ceke m’ubedo ma gang’ umbe, man m’ubedo kud utwindi kadi dhugang’ de ngo;

Ezekiel 39:26

Man gibiyeyo lewic migi, ku dubo migi ceke ma gidubo ko ira, kinde ma gibibedo museme i ng’om migi, man ng’atu moko mbe ma binyayu lworo i igi;

Lembe Mi Julawi 26:6

Man abimio kwiocwiny i ng’om, e wubivuto piny, man ng’atu moko mbe ma binyayu lworo i iwu: man abijigo wi yedi ma rac kud i ng’om, kadok palamularu de bikadhu ngo kud i ng’om mu.

Mika 5:3

Ka kumeno ebimiogi, maram nindo wok ko ma ng’atu m’usendre ku nyodo nyol i ie: e dong’ utumin m’udong’ bilund dwogo ba nyithindho mir Israel.

Zefania 3:13

Dong Israel bidubo ngo, kadi ndra de gibiyero ngo; kadok leb mir abombi de binwangre i dhoggi ngo; kum gibicamu man gibivuto piny, man ng’atu moko mbe ma binyayu lworo i igi.

Zekaria 3:10

I ceng’ maeca, wubilwongru ng’atuman ku wadi man ku wadi ther ulok man the yendubolo, Yehova mir udul uwacu.