Mika 4:1 - The Holy Bible In Alur (Lur) Revised Orthography

¹ Ento ebitimbre i ceng’ ma cen, nia got mi ot pa Yehova bicungo wi usimbru gudi, man ebidodre malu wi ungulu gudi; man kodhidhanu bicori i ie.

Mika 4:1 ပူးပေါင်းရင်းမြစ်များ

Thangambere 49:1

Man Yakobo lwong’o wote, man ewacu kumae: Wucokru giwu karacelo, kara ayer iwu pi gin ma bitimbre iwu i ceng’ ma cen.

Thangambere 49:10

Uludhker biai ungo ba Yuda, Kadi uluth pa jabim ku kind tiende, Cil ma Cilo bino ko; Man woro mi kodhidhanu bibedo ire

Zaburi 110:3

Dhanu peri gimiri gigi ku berocwiny I ceng’ mi tego peri, ku bero mi leng’; Kud i ic mi kugweno Ibedo ku thoi mir aradu peri.

Zaburi 22:27

Tung’ ng’om ceke bipoi man gibilokri ba Yehova; Man wat ceke mi thek birwo i weng’i.

Zaburi 48:1

Yehova e dwong’, man e dit mir apaka, I adhura pa Mungu mwa, i got pare ma leng’.

Zaburi 86:9

Thek ceke m’itimo bibino man gibirwo i weng’i, E Rwoth; Man gibiyungo nyingi.

Isaya 27:13

Man ebitimbre i ceng’ maeca, nia jubikudho agwara ma dit; e’gibibino ma gi ceng’ni rwinyo i ng’om mir Ascur, ku ju ma juriemo i ng’om mi Misiri; e gibirwo ni Yehova wi got ma leng’ i Yerusalem.

Isaya 43:6

abiwacu ni yor ariwa ma malu kumae, Wodhi; man ni yor ariwa ma piny kumae, Kud icer; kel wota ku bor, man nyiga kud i kajik mi ng’om;

Isaya 49:6

eyo, ewacu kumae, En e gin ma yot hai nia ibed jatic para ya iting’ suru pa Yakobo malu, man idwok ju m’ubedo agwoka mir Israel: abimii bende ni der ni Thekdhanumange, kara ibed ni both para cil i kajik mi ng’om.

Isaya 54:2

Med ka hema peri, man wek jutel i bongu m’ang’aba mi kabedo peri; kud ikwer: dwok thol peri bor, man idwok gute peri tek.

Isaya 56:7

gin nini abiterogi ba got ma leng’ para, man abinyayu mutoro i igi i ot mi rwo para: lam m’awang’a migi ku lam migi biyire wi pemblam para; kum jubilwong’o ot para ot mi rwo ni kodhidhanu ceke.

Yeremia 16:19

E Yehova, ma tegona, man ka ma tek para, ku ka pondo para i nindo mi can, thek bibino i beng’i gambre i tung’ ng’om, man gibiwacu kumae, Kwaruwa gamu gin moko ngo ni aba ndhu ndra, en e gin ma ie nanu man gin ma kuloka mbe i ie.

Yeremia 26:18

Mikaya ma Jamoracti ewo i nindo pa Hezekia m’ubimo mi Yuda; man eyero ni dhanu ceke mi Yuda, ewacu kumae, Yehova mir udul uwacu kumae: Jubifuro Sayuni calu podho, man Yerusalem bidoko ni udhuru, man got mi ot calu ka ma malu mi luli.

Yeremia 3:17

I nindo maeca gibilwong’o Yerusalem komker pa Yehova; man thek ceke bicokre i bang’e, ba nying’ Yehova, i Yerusalem: kadok gibiwotho kendo de ngo tok udhuko mir adundegi ma rac.

Yeremia 31:12

E gibibino man gibiwero wer i ka m’utingre mi Sayuni, man gibimol ba bero pa Yehova, ba cam, man ba pigulok ma nyasa, man ba mo, man ba nyithindh udul rombe ku mi dhok: e ng’eyong’ec migi bibedo calu podho ma jukwoyo pi i wie; e can binegogi kendo ki ngo.

Yeremia 48:47

Ento abidwoko ng’eca mi Moab i nindo ma cen, Yehova wacu. Lembapoka mi Moab en e kumeni.

Ezekiel 38:16

man ibibino malu kum dhanu para Israel, calu afuru m’uumo ng’om: ebitimbre i nindo ma cen, nia abikeli kum ng’om para, kara thek ung’eya, kinde m’adwokra leng’ ni kumi, E Gog, i wang’gi.

Ezekiel 40:2

I ginmawokiwang’ pa Mungu etera i ng’om Israel, man eketha piny wi got ma wiu dit, ka ma giratada mir adhura ni i wie yor ariwa ma piny.

Ezekiel 43:12

Maeni cik mi ode: wi usimbru got kieune ceke gbur bibedo leng’ m’usagu. Nen, maeni cik mi ode.

Daniel 10:14

Kawono abino kara aketh ing’ei gin ma biwok ma cen kum juthu; kum ginmawokiwang’ne fodi en e mi nindo dupa.

Daniel 2:28

ento Mungu nuti i polo ma ewo lembamung’a, man eketho ubimo ma Nebukadnezar ung’ei gin ma biwok i acoka nindo. Lek peri, ku ginmawokiwang’ mi wii wi kavuto peri, gi eni:

Daniel 2:35

E nyunyu, kud ulobo, ku mola, man mola ma tar, ku mola ma kwar, ulund ung’eny nziki nziki karacelo, man edoko calu cung’ ma wi lelacam mi dwij lietho; e yamu dunye ceke, ketho kakagi nwangre ngo igi: man kidi m’ugoyo ayi gin m’acwiane doko ni got ma dit, man epong’o ng’om yu.

Daniel 2:44

Man i nindo mir ubimo maeno Mungu m’i polo biketho ker ma binyothre ngo rondo ku rondo, kadok camukerne de jubiweko ngo ni dhanu mi thek mange; ento ebituro nziki nziki man ebijigo ker maeni ceke, man ebicungo mi nja.

Daniel 7:14

Man jumio ire bimobim, ku dwong’, man ker, kara kodhidhanu ceke, man thek ceke, ku dhok ceke gitim ire: bimobim pare en e bimobim mi nja, ma bikadhu woko ngo, man ker pare en e ker ma jubinyotho ngo.

Daniel 7:18

Ento jumaleng’ pa Ng’atu ma Malu Ngbir bijolo ker, man gibibedo wi ker nja, cil mi rondo ku rondo.

Daniel 7:22

maram ng’atu m’uti mi ceng’ uwok ko, e lembapoka mire ni jumaleng’ pa Ng’atu ma Malu Ngbir, man nindo wok ma jumaleng’ ucamu ie ker.

Daniel 7:27

Man ker ku bimobim, ku dwong’ mi ker ma the polo dho, jubimio ni dhanu mi jumaleng’ pa Ng’atu ma Malu Ngbir: ker pare en e ker ma rondo ku rondo, man bimobim ceke gibitimo ire man gibiwore.

Hoseya 3:5

yo ku ng’eye nyithindho mir Israel bidwogo, man gibiyenyo Yehova Mungu migi, ku Daudi m’ubimo migi, man gibibino ku lworo ba Yehova man ba bero pare i dong’ nindo.

Mika 3:12

Ka kumeno jubifuro Sayuni calu podho, man Yerusalem bidoko ni uvuru, got mi ot de calu ka ma malu mi luli.

Zekaria 14:10

Jubidwoko ng’om ceke calu Araba, ugambre Geba cil kum Rimon ma yor ariwa ma piny ni Yerusalem; e jubiting’e malu, man ebibedo i kakare, ugambre dhugang’ pa Benyamin cil kum ka mi dhugang’ ma kwong’ane, cil kum dhugang’ mi gui, man ugambre kum otkur pa Hananel cil kum pany mi bic p’ubimo.

Zekaria 2:11

Man thek dupa gibiribri ba Yehova i ceng’ maeca, man gibibedo dhanu para; man abibedo i kindi, e ibing’eyo nia Yehova mir udul uora i beng’i.

Zekaria 8:3

Yehova wacu kumae: Adwogo Sayuni, man abibedo i kind Yerusalem: e jubilwong’o Yerusalem Adhura mi lemandha; man got pa Yehova mir udul kumae, Got ma leng’.

Malaki 1:11

Kum ugambre i wok mi ceng’ cil kum mwony mi ceng’ nyinga bibedo dwong’ i kind Thekdhanumange; man i kaka ceke jubithiero udok ma ng’wice ng’ar ni nyinga, man lam ma leng’: kum nyinga bibedo dwong’ i kind Thekdhanumange, Yehova mir udul uwacu.

Tic Mi Jukwenda 2:17

Mungu wacu kumae, Gini bitimbre i kajik ceng’, Abikonjo kum Tipo para moko wi weg kum ceke: Man wotu ku nyigu gibiewo, Awobi mu de gibineno ginmawokiwang’, Judongo mu m’uti ke gibileko lek:

Juebrania 1:2

i dong’ nindo maeni eyero iwa i Wode, m’ekethe ni jacampacu mi gin ceke, piny bende ecwio ni kume;

2 Petro 3:3

ma wung’eyo ko maeni, nia jucac gibibino ku cac i acokaceng’, ma gibelubo tok awanya migi ma rac,

Lembanyutha 11:15

Man malaika mir abirone kudho agwara; m’ulubo maeno dwal ma dit i polo, man giwacu kumae, Ker m’i ng’om udoko ker pa Rwoth mwa, man pa Kristu pare: man ebibimo bim rondo ku rondo.

Lembanyutha 15:4

Ng’a ma lworo binege ngo, E Rwoth, ma k’ebiyungo nyingi de ngo? kum in i kendi e m’i leng’; kum thek ceke bibino man gibirwo i weng’i; kum tic peri mi bedopwe udaru nyuthre.

Lembanyutha 20:4

Man aneno komker, ku ju m’ujany i wigi, man pokolembe mire igi: man aneno kwo mi ju ma juthumo wigi pi lembatuca pa Yesu, man pi lembe pa Mungu, man wagi ju ma girwo ngo ni yedi, kadok ni ayine, ma gijolo kiedo ngo ternyimgi kud i cing’gi de; man gibedo, gibimo de giku Kristugi rundi rubanga acel.