Mika 3:7 - The Holy Bible In Alur (Lur) Revised Orthography

⁷ Man jubinyayu lewic wi jueulembe, man cwiny ajoga bing’abre; eyo, kagi ceke gibiumo dendhoggi, kum dwokolembe pa Mungu mbe.

Mika 3:7 ပူးပေါင်းရင်းမြစ်များ

Zaburi 74:9

Waneno giranyutha mwa ngo: Jabila moko mbe kendo; Kadok i kindwa de ng’atu moko mbe m’ung’eyo ya rokani.

Ai 9:11

E weg ajoga copo cungo i wang’ Musa ngo ni kum vurne; kum vur ni i kum weg ajoga, man i kum Jumisiri ceke.

Isaya 44:25

m’athiro giranyutha mi jundra, m’anyayu ng’ecwiny de i ajoga; m’aloko jurieko cen, m’adwoko ng’eyong’ec migi de ni lem ma kite mbe;

Yeremia 18:18

Gilund giwacu kumae, Wubin, man wek wapor lembapora kum Yeremia; kum cik birwinyo ni jalam ungo, kadi lembapora de ni jarieko, kadi lembe ni jabila. Wubin, man wek wagoyue ku leb, man ku waketh cwinywa kum lembe pare moko.

Ezekiel 24:17

Gam cwinyi, ento ling’ ling’, kud itim ywak pi ng’atu m’utho; twi jamtwic peri m’i wie i wii, man iroi wara peri i tiendi man kud ium dendhogi, man kud icam kwen mi dhanu.

Ezekiel 24:22

E wubitimo calu atimo: wubiumo dendhogwu ngo, kadi wubicamu kwen mi dhanu de ngo.

Lembe Mi Julawi 13:45

Man won joi ma rem ni i kume, jubiyeco kendi pare, e yuk wie bigony, man ebiumo dendhoge ma yo malu, e ebikok kumae, A leng’ ungo, a leng’ ungo.

Amos 8:11

Nen, ceng’ ubino, Rwoth Yehova wacu, nia abioro ndru i ng’om, ndru mi kwen ungo, kadi rieupi de ngo, ento mi winjo lembe pa Mungu.

Mika 3:4

Gibilund ywak ba Yehova, ento ebiloko igi lembe ngo; eyo, ebipanu wang’e igi i nindo maeca, calu ma gitimo rac i giratima migi.

Mika 7:16

Thek bineno man lewic binegogi kum tek migi ceke; gibiketho cing’gi wi dhoggi; ithgi bidhing’.

Zekaria 13:4

Man ebitimbre i ceng’ maeca, nia lewic binego jubila kubang’gi nzu kum ginmawokiwang’, kan eewo; kadok kanzu mi yuklim gibikendo ngo kara gibomb abombi:

1 Samwil 14:37

Man Saul upenjo lembapora ba Mungu kumae, Abiloro piny tok Jufilisti? ibimiogi i cing’ Israeli? Ento eloko ire lembe ngo i ceng’ maeca.

1 Samwil 28:15

E Samwil uwacu ni Saul kumae, Isenda nedi, m’iting’a ko malu e? E Saul uloko lembe kumae, Cwinya ng’abre dit; kum Jufilisti uting’o lwiny i kuma, man Mungu ai i bang’a, eloko lembe de ira kendo ngo, kadok ku jubila, kadok ku lek: ka kumeno alwong’i, kara iketh ang’ei gin m’abitimo.

1 Samwil 28:6

Man ka Saul upenjo ba Yehova, Yehova loko ire lembe ngo, kadok ku lek, kadi kud Urim, kadi ku jubila.

1 Samwil 9:9

(Con i Israel, kinde ma ng’atu moko cidho nipenjo lembe ba Mungu, ewacu kumae, Wubin, man dong’ wacidhu ba jaeulembe; kum ng’atu ma julwong’e Jabila kawono naka julwong’e Jaeulembe.)