Mika 3:5 - The Holy Bible In Alur (Lur) Revised Orthography

⁵ Yehova wacu kumeni pi jubila m’uketho dhanu para kier; m’ukayu ku lakgi, m’uwacu de kumae, Kwiocwiny; man ng’atu ma tek uketho i dhoge ngo, giyiko ali i kume:

Mika 3:5 ပူးပေါင်းရင်းမြစ်များ

Lembrieko 28:21

Bedo tung’ tung’ i wang’ jo e ber ungo; Kum dhanu bikier pi ng’et kwen.

Isaya 3:12

Dhanu para, nyithindho gi jusend migi, man mon ubimo wigi. E dhanu para, ju m’utelo wii giketho ikier, man ginyotho yo mi woth peri.

Yeremia 23:27

ma giparu ya giketh widhanu para wil kum nyinga ni kum lek migi ma giyero ku ba dhanu ku ba dhanu ng’atuman ni wadi, calu wi weggi wil kum nyinga pi Bal.

Yeremia 23:32

Nen, agoyo kora kum ju ma ewo lek mi ndra, Yehova wacu, man ma giyero lekne, man ma giketho dhanu para kier ku ndra migi, man ku kulula migi mananu: ento aorogi ngo, kadi ang’olo igi de ngo; kadi kulokagi de ki mbe ni dhanu maeni, Yehova wacu.

Yeremia 6:14

Gicangu rem mi dhanu para bende nyanok, giwacu kumae, Kwiocwiny, kwiocwiny; kinde ma kwiocwiny moko mbe.

Yeremia 6:4

Wuyik ali i kume; wuai, man wek waidhu malu dieceng’. Can i wiwa! kum ceng’ uvoc, kum tipopiny mir uthieno umo piny.

Ywak 2:14

Jubila peri gineno iri ginmawokiwang’ mi ndra man mi kasegu; Man giyabu kier peri ngo, kara gidwok ng’eca peri, Ento giewo lembajoga mi ndra iri ku lembe mi dak.

Ezekiel 13:9

Man cinga bibedo kum jubila m’uneno ginmawokiwang’ mi ndra, man m’ung’eyo ndra: gibibedo i kind juporlembe mi dhanu para ngo, kadi jubikiewogi de ngo i lembakiewa mi ot mir Israel, kadi gibimondo i ng’om Israel de ngo; e gibing’eyo nia an a Rwoth Yehova.

Hoseya 4:5

Man ibikier ku dieceng’, man jabila bende bikier karacelo kudi ku diewor; man abinyotho meru.

Yoel 3:9

Wurwei lembe maeni i kind thek; wuyik ali; wuthub dhanu ma jutego; wek dhanu ceke mir ali gicor ceng’ni, wek giidh malu.

Mika 2:11

Tek dhanu m’ubewotho i tipo mi ndra cwayu ndra, ewacu kumae, Abiewo iri pi pigulok man pi giramadha ma lake tek; ebibedo jabila mi dhanu maeni.

Mika 3:11

Juwicne poko lembe kum jamng’om, man julamne ponjo mi sukulia, jubilane de ewo lembe mi sente: ento gijengri kum Yehova, man giwacu kumae, Yehova ni i kindwa ngo? gin ma rac moko mbe ma bibino i kumwa.

Malaki 2:8

Ento wukier kud i yo; wuketho dhanu dupa podho i cik; wunyotho lembariba pa Lawi, Yehova mir udul uwacu.

Matayo 15:14

Wekgi: gi jutelwidhanu ma gin de gin abinga. Man tek abinga telo wi abinga, gin ario de gibipodho i vur.

Matayo 7:15

Wukuru ni jubila mi ndra, m’ubino i beng’wu ku kendi mi rombe, ento ku yor i igi gin urudi m’uwor.

Jurumi 16:18

Kum ju ma kumeno gitimo ni Rwoth mwa Kristu ngo, endre ni usauigi gigi: man giwondo adunde mi ju m’ung’eyo lembe ngo ku wec migi ma mit ma yom de.