Mika 3:2 - The Holy Bible In Alur (Lur) Revised Orthography

² wun ma wudagu gin ma ber, man wumaru gin ma rac; wun ma wukabu dendkumgi kud i kumgi man ring’kumgi ku kum cogogi;

Mika 3:2 ပူးပေါင်းရင်းမြစ်များ

1 Ubimo 21:20

E Ahab uwacu ni Elia kumae, Inwang’a, E jadegi para? Man eloko lembe kumae, Anweng’i, kum ing’ieuri giri kara itim gin ma rac i wang’ Yehova.

2 Lemkei 19:2

Man Yehu ma wod Hanani ma jaeulembe wok woko kara eromb kude, man ewacu ni ubimo ma Yehocafat kumae, Emaku piny nia ikony judubo, man imar ju m’udagu Yehova? kum gin maeni kwinyo m’uai i wang’ Yehova ni i wii.

Zaburi 15:4

I wang’e ng’atu ma rac jujwige, Ento m’eyungo ju ma lworo Yehova; Ng’atu ma kwong’o kwong’ ma time rac, man elokre ngo;

Zaburi 53:4

Jutimkier ng’eyong’ec migi mbe, Ma camu dhanu para calu gicamu kwen, Man guwong’o Mungu ngo?

Lembrieko 28:4

Ju m’uweko cik nwang’u gipaku judubo; Ento ju m’uworo cik nwang’u gipiembri kugi.

Isaya 3:15

the lembang’o m’uketho wunyono dhanu para, man wung’inyo wang’ jucani? Rwoth, Yehova mir udul uwacu.

Isaya 5:20

Can ni ju ma lwong’o dubo ya ber, man gin ma ber ya dubo; ma ketho mudho ni der, man der ni mudho; ma ketho gin ma kec ni gin ma mit, man gin ma mit ni gin ma kec!

Isaya 57:12

Abiyero pi bedopwe peri; man pi tic peri, gibikelo kuloka iri ngo.

Ezekiel 11:7

Ka kumeno Rwoth Yehova wacu kumae: Ju ma junego mu ma wuketho i kinde, gin gi ring’kum, man adhura maeni en e ajiku ma dit; ento jubiwodhowu woko kud i kinde.

Ezekiel 22:27

Judongomawijone gi calu urudi m’ubeyeco yec i kinde, mi cwiro rimo, man mi nyotho ng’eyong’ec; kara ginwang’ kuloka mi gondri.

Ezekiel 24:4

cok wadhe i ie, en e wath ma ber kubang’e kubang’e, bamb, ku gok: pong’e ku cogo ma jufoyo.

Ezekiel 34:3

Wucamu mio, man wuronjru ku yukrombe, wunego lim m’ucwe; ento wukaku rombe ku cemo ngo.

Amos 4:1

Wuwinj lembe maeni, wu dhiang’ mi Bacan, ma ni wi got mi Samaria, m’usendo jucan, m’unyono jucanpiny, m’uwacu ni rwodhigi kumae, Wukel, man wek wamadhi.

Amos 5:15

Wudag gin ma rac, man wumar gin ma ber, man wuketh pokolembe ma pwe i dhugang’: kuno nyo Yehova, Mungu mir udul, bitimo ku bero kum dong’ Yusuf m’udong’.

Mika 2:8

Ento i nindo maeni dhanu para giai calu jadegi: wukabu kendi m’abola ku kum kendi ku kum ju m’ukadhu akadha museme calu dhanu m’ukwero ali.

Mika 7:2

Dhanu ma ayi Mungu ni i kume rwinyo woko kud i ng’om, e ng’atu moko m’atira mbe i kind dhanu: kagi ceke gikanu adhi mi rimo; ku ba dhanu ku ba dhanu ng’atuman dwaru umin ku voi.

Mika 7:3

Cing’gi ni wi gin ma rac kara gitime kud amora; jaditmawijo penjo, man japoklembe bedo ayika mi jamng’om; e ng’atu ma dwong’, eweco lembe ma rac ma ng’eyong’ec pare yenyo: ka kumeno gicwie karacelo.

Zefania 3:3

Judongomawijo pare ma ni ie gin umvor m’urundo; jupoklembe pare gin urudi mir uthieno; giweko gin moko ngo mir urwone.

Luka 19:14

Ento dhanu pare gidage, gioro kwenda i toke, m’uwacu kumae, Wayenyo ngo nia ng’atu maeni bim wiwa.

Yohana 18:40

Gilund gikok kendo, giwacu kumae, Ng’atuni ngo, ento Baraba. Nwang’u Barabane en e jayek.

Yohana 7:7

Ng’om copo daguwu ngo; ento an edagu, kum atuco pire, nia tic pare rac.

Jurumi 1:32

gin, ma ging’eyo le mbapoka pa Mungu, ya ju m’ucikutimo wagi gin ma kumeni giromo ku tho, gikutimo wagi gin maeni atima kende ngo, ento giyio karacelo ku ju m’ucikutimogi bende.

Jurumi 12:9

Dong’ mer ubed umbe umbili. Dag hai maeno m’e rac; mok kum maeno m’e ber.

2 Timoteo 3:3

ku ju ma mer mi wat umbe kugi, ku ju ma thegri ngo, ku ju ma gibalu abali de, ku ju ma kweri gigi ngo, ku ju ma kwiny de, ku ju m’udagu gin ma ber,