Mika 3:12 - The Holy Bible In Alur (Lur) Revised Orthography

¹² Ka kumeno jubifuro Sayuni calu podho, man Yerusalem bidoko ni uvuru, got mi ot de calu ka ma malu mi luli.

Mika 3:12 ပူးပေါင်းရင်းမြစ်များ

Zaburi 107:34

Ng’om ma cego nyinge ni ng’om ngele mi kadu, Kum dubo mi dhanu m’ubedo i ie.

Zaburi 79:1

E Mungu, thek umondo i aba peri; Gicido hekalu peri ma leng’; Girwombo Yerusalem ni udhuru.

Isaya 32:14

Kumjubiweko odker; jubiweko adhura mir udul; ungulu got ku otkur bibedo ni odyedi mi nja, anyong’a ni kana m’i thim, man kakwae mir udul lim;

Yeremia 17:3

E got para i thim, abimio piny peri, man piny peri m’akana ceke ni ayeki, man ka ma malu peri, kum dubo, i kieu peri ceke kun ku kun.

Yeremia 22:5

Ento tek wubiwinjo lembe maeni ngo, akwongra kuda gira, Yehova wacu, nia ot maeni bidoko ni uvuru.

Yeremia 22:6

Kum Yehova wacu kumae, pi ot p’ubimo mi Yuda: In i Gilead ira, man wie mi Lebanon; ento abidwoki ni langa andha, man adhura ma jubedo i ie ngo.

Yeremia 26:18

Mikaya ma Jamoracti ewo i nindo pa Hezekia m’ubimo mi Yuda; man eyero ni dhanu ceke mi Yuda, ewacu kumae, Yehova mir udul uwacu kumae: Jubifuro Sayuni calu podho, man Yerusalem bidoko ni udhuru, man got mi ot calu ka ma malu mi luli.

Yeremia 35:17

ka kumeno Yehova, Mungu mir udul, Mungu mir Israel, uwacu kumae Nen, abikelo lem ma rac ceke m’ang’olo wi Yuda man wi ju m’ubedo i Yerusalem ceke; kum ayero igi, ento giwinjo ngo; e alwong’ogi, ento giloko lembe ngo.

Yeremia 44:2

Yehova mir udul, Mungu mir Israel, uwacu kumae: Wuneno lem ma rac ceke m’akelo wi Yerusalem, man wi adhura mi Yuda ceke; man, nen, tin gin uvuru, e ng’atu moko mbe m’ubedo i ie,

Yeremia 52:13

Man ewang’u ot pa Yehova, ku ot p’ubimo, ku udi ceke mi Yerusalem, en e udi ma dongo kubang’e kubang’e, ewang’u ku mac.

Yeremia 9:10

Abimoc ywak ku goyonduru pi gudi, man awu pi kakwae m’i langa, kum giwang’ kot, ketho nia ng’atu moko kadhu ngo kud i ie; kadi dhanu de copo winjo dwand lim ungo; winyo ma kor polo ku yedi de giringo, gimbe.

Yeremia 9:11

Man abidwoko Yerusalem ni udhuru, ni kabedo mir utho; man abidwoko adhura mi Yuda ni uvuru, ma ng’atu moko mbe m’ubedo i ie.

Ywak 5:18

Kum got mi Sayuni, m’e kende: Utho wotho i wie.

Mika 1:6

Ka kumeno abidwoko Samaria ni udhuru mi thim, man calu ka ma jupidho ie podho mir ulok; man abibayu kidine piny i poga, man abiyabu there.

Matayo 24:2

Ento eloko lembe ewacu igi kumae, Wuneno gin maeni ceke ngo? andha awacu iwu kumae, Jubiweko kidi acel de ngo keni wi wagi ma jukubibolo piny ungo.