Mika 3:11 - The Holy Bible In Alur (Lur) Revised Orthography

¹¹ Juwicne poko lembe kum jamng’om, man julamne ponjo mi sukulia, jubilane de ewo lembe mi sente: ento gijengri kum Yehova, man giwacu kumae, Yehova ni i kindwa ngo? gin ma rac moko mbe ma bibino i kumwa.

Mika 3:11 ပူးပေါင်းရင်းမြစ်များ

Lembrieko 17:23

Ng’atu ma jadubo jolo jamblembe kud i kor, Kara eroc yo mi pokolembe.

Isaya 1:23

Judongomawijo peri gijai, man gi juwadi jukwo; kubang’gi kubang’gi ng’atuman umaru jamng’om, man elubo tok sukulia: e gipoko lembe mi kic ungo, kadok lembe pa dhaku ma cware tho de wok i bang’gi ngo.

Isaya 48:2

(kum gilwongri gigi mir adhura ma leng’, man gijengri gigi kum Mungu mir Israel; nyinge Yehova mir udul):

Isaya 5:23

man ni ju ma gonyo lembe ma wi judubo ni kum jamblembe, man ma kabu bedopwe pa won bedopwe woko kud i bang’e!

Isaya 56:11

Eyo, gwok gi jungiri, gicopo bedo ku ma romo gi ngo; man maeni gi jukwac ma copo ng’eyo ngo: kagi ceke gilokri ng’atuman i yo pare ma dhe, kubang’gi kubang’gi ng’atuman ba kuloka pare, ku ba thepiny ang’wen.

Yeremia 23:17

Giwacu thiri’thiri’ni ju m’ucaya kumae, Yehova wacu kumae, Wubibedo ku kwiocwiny; man giwacu kumae ni dhanu ceke kubang’gi kubang’gi m’uwotho i udhuko mir adundene gire, Lem moko ma rac biwok i kumwu ngo.

Yeremia 26:7

E julam ku jubila ku dhanu ceke giwinjo Yeremia beyero lembe maeni i ot pa Yehova.

Yeremia 5:12

Gikwero Yehova, man giwacu kumae, En e en ungo; kadok lem ma rac de biwok i kmnwa ngo; kadok palamularu de kadi ndru de wabineno ngo:

Yeremia 6:13

Kum ugambre kum ma nok m’i kindgi cil kum ma dit m’i kindgi kubang’gi kubang’gi ng’atuman uketho cwinye hai kum piny; man ugambre kum jabila cil kum jalam ku ba dhanu ku ba dhanu ng’atuman timo ku ndra.

Yeremia 7:4

Kud wugen lembe mi ndra, ma wuwac ko kumae, Maeni gi hekalu pa Yehova, hekalu pa Yehova, hekalu pa Yehova.

Yeremia 8:10

Ka kumeno abimio mon migi ni jumange, man pothi migi ni ju ma bimwonyogi: kum dhanu kubang’gi kubang’gi ugambre kum ma nok cil kum ma dit giketho cwinygi hai kum piny; ugambre kum jabila cil kum jalam kubang’gi kubang’gi ng’atumar timo ku ndra.

Ezekiel 22:12

Gigamu jamblembe mi cwiro rimo ii; igamu kuloka ku nyai, man igamu kuloka ba wedu ma kisa mbe, man wii wil pira, Rwoth Yehova wacu.

Ezekiel 22:27

Judongomawijone gi calu urudi m’ubeyeco yec i kinde, mi cwiro rimo, man mi nyotho ng’eyong’ec; kara ginwang’ kuloka mi gondri.

Ezekiel 34:2

Wod dhanu, cu lembe kum jukwac mir Israel, cu, man iwac igi, en e ni jukwac kumae, Rwoth Yehova wacu kumae: Can ni i wi jukwac mir Israel m’ukakri gigi ku cemo! maku jukwac gikak rombe ku cam ungo?

Hoseya 4:18

Giramadha migi doko wac; gitimo tarwang’ thiri thiri; jubim pare maru lewic dit.

Hoseya 4:8

Gikakri ku dubo mi dhanu para, man giketho adundegi kum kier migi.

Amos 5:14

Wuyeny gin ma ber, gin ma rac re ngo, kara wubed kwo; e kumeno Yehova, Mungu mir udul, bibedo kudu, calu wuwacu.

Amos 9:10

Judubo ceke mi dhanu para bitho ku palamularu, m’uwacu kumae, Lem ma rac birubowa ngo kadi birombo kudwa de ngo.

Mika 3:5

Yehova wacu kumeni pi jubila m’uketho dhanu para kier; m’ukayu ku lakgi, m’uwacu de kumae, Kwiocwiny; man ng’atu ma tek uketho i dhoge ngo, giyiko ali i kume:

Mika 7:3

Cing’gi ni wi gin ma rac kara gitime kud amora; jaditmawijo penjo, man japoklembe bedo ayika mi jamng’om; e ng’atu ma dwong’, eweco lembe ma rac ma ng’eyong’ec pare yenyo: ka kumeno gicwie karacelo.

Zefania 3:3

Judongomawijo pare ma ni ie gin umvor m’urundo; jupoklembe pare gin urudi mir uthieno; giweko gin moko ngo mir urwone.

Zefania 3:4

Jubila pare kitgi mbe man gi weg ambili; julam pare gicido kamaleng’, gigondo cik.

Malaki 1:10

A tek ng’atu acel ni i kindwu ma biciko dhugola, kara kud wukudh mac mananu wi pemblam para! mutoro nega ngo i kumwu, Yehova mir udul uwacu, kadok lam mi cingwu de abijolo ngo.

Malaki 2:9

Ka kumeno an bende adwokowu ni gin mi cac ku gin ma ng’ic i wang’ dhanu ceke, calku yo para ma wugwoko ngo, ento dhanu bedo tung’ tung’ iwu i cik.

Kitabu Mir Ang’wende Pa Musa Wel 16:15

E kwinyo ma dit unego Musa, man ewacu ni Yehova kumae, Kud inen girathiera migi ber: amaku kana acel de ngo i bang’gi, kadok ng’atu acel m’i kindgi de atime rac ungo.

Kitabu Mir Ang’wende Pa Musa Wel 22:7

Man judongo mi Moab ku judongo mi Midian gicidho ku sukulia mi ewo thelembe i cing’gi; man gibino ba Balam, e giyero ire lembe pa Balak.

Matayo 3:9

man iwu kud upid nia wuwac i iwu giwu kumae, Wabedo kud Ibrahim ni wegwa: kum awacu iwu, nia Mungu copo ting’o nyithindho ni Ibrahim ku kidi maeni.

1 Timoteo 3:3

ng’atu ma jakwakwa ngo wi pigulok, ma goyo jo de ngo; ento ng’atu ma mol, ma japiem ungo, ng’atu ma jamar sente hai ngo;

Tito 1:11

ma jukojumi dhoggi be; ku ju ma giredho udi kpo, ma giponjo gin ma maku ku giponji, ni kuloka ma rac.

1 Petro 5:2

Wukwai udul pa Mungu ma ni i kindwu, wunen wigi de, ma jukucukowu acuka ngo, ento ni kum avane m’unegowu, calku yeny ma Mungu yenyo; kadi kum kuloka ma rac de ngo, endre ku pidoic ma yot;

Yuda 1:11

Can i wigi! kum gikwanyu yo pa Kain, man gikonjri vur i kier pa Balam kara ginwang’ sukulia, e girwinyo i piem pa Kora.

1 Samwil 8:3

E wote wotho i yo pare ngo, ento gilokri tok piny, man gigamu jamng’om, e ginyotho pokolembe.