Mika 2:9 - The Holy Bible In Alur (Lur) Revised Orthography

⁹ Wuriemo mon mi dhanu para woko kud i udi migi ma ber; wukabu dwong’ para ma nja ku ba nyithindho migi m’aradu.

Mika 2:9 ပူးပေါင်းရင်းမြစ်များ

Zaburi 72:19

Man mugisa mak nyinge mi dwong’ mi nja; Man wek ng’om ngung’ upong’ ku dwong’ pare. Amen, man Amen.

Yeremia 10:20

Hema para nyothre, man thol para ceke cot: nyithindha ai woko kud i bang’a, e gimbe: ng’atu moko mbe m’uguro hema para kendo, man m’uting’o bongu m’ang’aba para malu.

Ezekiel 39:21

Man abiketho dwong’ para i kind thek; man thek ceke bineno lembapoka para m’atimo, man cinga m’aketho i kumgi.

Yoel 3:6

man wuloko nyithindho pa Yuda ku nyithindho mi Yerusalem ni wot Juyunani, kara wucorgi bor cen ku kieu migi;

Amos 2:7

gi ju ma giketho cwinygi kum utur mi ng’om ma wi jucan, man giloko yo mi ju ma mol cen: man ng’atu ma nico ku won gimondo wi nyaku acel kara gicid nyinga ma leng’:

Mika 2:2

E giketho cwinygi kum pothi, man gigamugi; man udi, e gikabugi: e gisendo dhanu ku juode, en e dhanu kud aba pare.

Habakuk 2:14

Kum ng’om bipong’ ku ng’eyong’ec mi dwong’ pa Yehova, calu pi umo nam.

Zekaria 2:5

Kum an, Yehova wacu, abibedo ire ni gang’ mi mac m’utieke gbur, man abibedo ni dwong’ i diere.

Matayo 23:13

Ento can i wiwu, jugorcik ku Jufarisayo, weg ambili! kum wuciko dhu ker m’i polo i wang’ dhanu: kum wun giwu wumondo ngo, kadok ju m’ubemondo de wuyio ngo ya gimondi.

Marko 12:40

gi ju ma gicamu udi mi mon ma coggi tho, ni abombi migi de girwo ku rwo ma bor; joni gibinwang’u lembapoka ma dit m’usagu.

Luka 20:47

ma gicamu udi mi mon ma coggi tho, man gitimo rwo ma bor ni abombi: joni binwang’u lembapoka ma rac ma dit m’usagu.

2 Jukorinto 3:18

Ento wan ceke, ma bongu mbe i wang’wa ma wabeneno dwong’ pa Rwoth calu i kieu, e walokra wadoko calu ayi maeni m’uai i dwong’ utundo de i dwong’, cil calu m’eai ba Rwoth ma Tipo.

2 Jukorinto 4:6

Kum en e Mungu m’uwacu kumae, Der birieny kud i mudho, m’edaru rieny i adundewa, kara emi der mi ng’eyong’ec mi dwong’ pa Mungu i wang’ Yesu Kristu.

1 Samwil 26:19

Ka kumeno kawono, akwei, wek rwoth para m’ubimo winj lembe pa jatic pare. Tek en e Yehova m’unyayu lembe ii i kuma, wek ejol girathiera: ento tek en e nyithindho mi dhanu, kwong’ ubed i wigi i wang’ Yehova; kum giriema woko i ceng’ maeni kara kud amok kum aba pa Yehova, giwacu kumae, Cidhi, tim ni mungu mange.