Mika 2:7 - The Holy Bible In Alur (Lur) Revised Orthography

⁷ E ot pa Yakobo, ebiwacre kumae, Lembe bedo tek ni Tipo pa Yehova? maeni giratima pare? Lembe para timo ber ni ng’atu m’uwotho atira ngo?

Mika 2:7 ပူးပေါင်းရင်းမြစ်များ

Zaburi 119:65

Itimo dre kum jatic peri, E Yehova, calku lembe peri.

Zaburi 119:68

In i ber, man itimo ber; Ponja ku cik peri.

Zaburi 15:2

Ng’atu ma wotho atira, ma timo bedopwe, Man ma yero lemandha i adundene;

Zaburi 18:26

Ibinyuthri giri leng’ ni ng’atu ma leng’; Man ibinyuthri ku co ni ng’atu ma jaco.

Zaburi 84:11

Kum Yehova Mungu en e ceng’ man ban: Yehova bimio bero man dwong’: Gin moko ma ber umbe m’ebicero ni ju m’uwotho atira.

Lembrieko 10:29

Yo pa Yehova en e ot ma tek ni ju m’atira; Ento en e nyoth ni jutim kier.

Lembrieko 10:9

Ng’atu ma wotho atira wotho ma cwinye kwio; Ento ng’atu ma kier i yo pare bing’eire.

Lembrieko 14:2

Ng’atu ma wotho ku lembatira pare lworo Yehova; Ento ng’atu ma kite mbe i yo pare caye.

Lembrieko 2:7

Ekanu rieko ma cu ni ju m’atira; En e ban ni ju ma wotho i bedocu;

Lembrieko 28:18

Ng’atu ma tek uwotho atira biboth; Ento ng’atu ma kite mbe i yo pare bipodho pio.

Isaya 50:2

Pirang’o, kinde m’abino, ng’atu moko mbe? kinde m’alwong’o, ng’atu moko mbe m’uyi? Cinga jik ajika, ma nia ecopo waru ngo? kadi tegona mbe m’abodh ko? Nen, ni kum juk para adwono nam, man adwoko kulo ma dit ni langa: rec migi ng’wi, kum pi mbe, man githo ni rieu.

Isaya 58:1

Kok ma tek, kud ikwer, ting’ dwendi calu agwara, man iyer ni dhanu para pi gondri migi, man ni ot pa Yakobo pi dubo migi.

Yeremia 15:16

Junwang’u lembe peri, man acamugi; e lembe peri bedo ni mutoro man ni anyong’a mir adundena: kum julwong’a ku nyingi, E Yehova, Mungu mir udul.

Yeremia 2:4

Wuwini lembe pa Yehova, E ot pa Yakobo, ku wat ceke mi ot mir Israel:

Hoseya 14:9

Ng’a ma riek, kara eng’ei thelembe mi gin maeni? won pidoic, kara eng’eigi? kum yo pa Yehova en e atira, man won bedopwe biwotho i igi; ento weg kier bipodho i ie.

Mika 3:9

Wuwinj maeni, akwayuwu, wu juwic mi ot pa Yakobo, man jubim mi ot mir Israel, ma wudagu pokolembe, man ma wuroco lem m’atira ceke.

Zekaria 4:6

Elund eloko lembe ewacu ira, ewacu kumae, Maeni lembe pa Yehova ni Zerubabel, kumae, Ku kero ngo, kadi ku tego de ngo, ento ku Tipona, Yehova mir udul uwacu.

Kitabu Mir Ang’wende Pa Musa Wel 11:23

E Yehova wacu ni Musa kumae, Cing Yehova jiki? kawono ibineno tek lembe para bitimbre iri kadi ungo.

Matayo 3:8

Ka kumeno wuceg nyingwu m’uromo ku lokocwiny:

Yohana 8:39

Giloko lembe giwacu ire kumae, Wegwa en e Ibrahim. Yesu wacu igi kumae, Tek wu nyithindho pa Ibrahim kuno di wutimo tic pa Ibrahim.

Jurumi 7:13

Maeno m’e ber elund edoko ni tho ira? Awene. Ento dubo, kara enyuthre ya en e dubo, ku timo tho ira ni kum maeno m’e ber; kara ni kum lembang’ola dubo dok ni dubo m’akeca.

2 Jukorinto 6:12

Wubedo arida i iwa ngo, ento wubedo arida i iwu giwu.

2 Timoteo 3:5

ma gimoko kum ayi kwanyu koth Mungu, ento gikwero tegone: koc woko kum joni bende.