Mika 2:11 - The Holy Bible In Alur (Lur) Revised Orthography

¹¹ Tek dhanu m’ubewotho i tipo mi ndra cwayu ndra, ewacu kumae, Abiewo iri pi pigulok man pi giramadha ma lake tek; ebibedo jabila mi dhanu maeni.

Mika 2:11 ပူးပေါင်းရင်းမြစ်များ

1 Ubimo 13:18

Man ewacu ire kumae, An de an a jabila calu in; man malaika yero ira ku lembe pa Yehova, ewacu kumae, Dwog kude i ot peri, kara ecam kwen man emadh pi. Ento ecwayu ndra ire.

1 Ubimo 22:6

Ubimo mir Israel ulund ucoko jubila karacelo, calu dhanu dak ang’wen, man ewacu igi kumae, Abicidho kum Ramoth-gilead i lwiny, kadi abidong’i? Man giwacu kumae, Idh malu; kum Rwoth bimie i cing ubimo.

Kitabu Pa Yob 31:5

Tek awotho ku ndra, Man tienda cidho pio bang’ abombi

Lembrieko 25:14

Calu afuru ku yamu m’umbe koth, E ng’atu m’ulule gire kum giramia pare mi ndra bedo kumeno.

Isaya 28:7

E cil maeni giwiri ku pigulok, man gicidho bik bik ku giramadha ma lake tek; jalam ku jabila giwiri ku giramadha ma lake tek, e pigulok umwonyogi, man gicidho bik bik ku giramadha ma lake tek; gikier i ginmawokiwang’, gikier i pokolembe.

Isaya 9:15

Jadit ku won yung, en e wie; man jabila m’uponjo ku ndra, en e yib.

Yeremia 14:14

Yehova lund uwacu ira kumae, Jubila giewo lemndra ku nyinga; aorogi ngo, kadi ang’olo igi de ngo, kadi ayero igi de ngo: giewo iwu ginmawokiwang’ mi ndra, ku ng’eyolembe, ku gin mananu, man abombi mir adundegi gigi.

Yeremia 23:14

Aneno gin ma judagu i jubila mi Yerusalem bende; gidubri swa, man giwotho ku ndra; man gimio tego ni cing’ jutim rac, ketho ng’atu moko mbe m’udwogo kud i dubo pare: kagi ceke gidoko ira calu Sodom, man ju m’ubedo i ie de calu Gomora,

Yeremia 23:17

Giwacu thiri’thiri’ni ju m’ucaya kumae, Yehova wacu kumae, Wubibedo ku kwiocwiny; man giwacu kumae ni dhanu ceke kubang’gi kubang’gi m’uwotho i udhuko mir adundene gire, Lem moko ma rac biwok i kumwu ngo.

Yeremia 23:25

Awinjo gin ma jubila wacu, ma giewo ko ndra ku nyinga, ma giwacu kumae, Aleko lek, aleko lek.

Yeremia 23:32

Nen, agoyo kora kum ju ma ewo lek mi ndra, Yehova wacu, man ma giyero lekne, man ma giketho dhanu para kier ku ndra migi, man ku kulula migi mananu: ento aorogi ngo, kadi ang’olo igi de ngo; kadi kulokagi de ki mbe ni dhanu maeni, Yehova wacu.

Yeremia 28:15

E jabila ma Yeremia lund uwacu ni Hanania ma jabila kumae, Kawono winji, Hanania: Yehova ori ngo; ento iketho dhanu maeni gigeno ndra.

Yeremia 5:31

jubila giewo ku ndra, man julam ubimo ni kum piny migi; e dhanu para gimaru ebed kumeno: e wubitimo ang’o i kajikne?

Ywak 2:14

Jubila peri gineno iri ginmawokiwang’ mi ndra man mi kasegu; Man giyabu kier peri ngo, kara gidwok ng’eca peri, Ento giewo lembajoga mi ndra iri ku lembe mi dak.

Ezekiel 13:22

Kum ku ndra wunyayu can i adunde ju ma pwe, m’aketho can uneggi ngo, man wumio tego ni cing’ jadubo, kara kud edwog kud i yo pare ma rac, man kud eboth ma kwo;

Hoseya 7:14

Man giywak ira ngo kud adundegi, ento gigoyo nduru wi kavuto migi: gicokri gigi pi cam ku pigulok ma nyasa; gijai ira.

Mika 3:11

Juwicne poko lembe kum jamng’om, man julamne ponjo mi sukulia, jubilane de ewo lembe mi sente: ento gijengri kum Yehova, man giwacu kumae, Yehova ni i kindwa ngo? gin ma rac moko mbe ma bibino i kumwa.

Mika 3:5

Yehova wacu kumeni pi jubila m’uketho dhanu para kier; m’ukayu ku lakgi, m’uwacu de kumae, Kwiocwiny; man ng’atu ma tek uketho i dhoge ngo, giyiko ali i kume:

Jurumi 16:18

Kum ju ma kumeno gitimo ni Rwoth mwa Kristu ngo, endre ni usauigi gigi: man giwondo adunde mi ju m’ung’eyo lembe ngo ku wec migi ma mit ma yom de.

Jufilipi 3:19

ma kajik migi en e nyoth, usauigi e ma mungu migi, man kulula migi ni i lewic migi, ma giketho migi pidoigi kum gin m’i ng’om.

1 Yohana 4:1

Jumer, kud wuyi tipo ceke, ento wuponj tipo, tek giai ba Mungu, kum jubila mi ndra dupa cidho nge nge i ng’om.