Mika 2:1 - The Holy Bible In Alur (Lur) Revised Orthography

¹ Can wi ju m’uketho cwinygi kum kier man m’utimo dubo wi kavuto migi mire! kinde ma piny uru, gitime, kum eni i tego mi cing’gi.

Mika 2:1 ပူးပေါင်းရင်းမြစ်များ

Thangambere 31:29

Tego ni i cinga m’atimi ko rac: ento Mungu pa wuru weco i bang’a i diewor ma nyaworo, ewacu kumae, Ibed ku weng’i giri nia kud iwec lembe moko ni Yakobo kadok ma ber kadi ma rac.

1 Ubimo 21:7

Man Yezebel ma dhaku pare wacu ire kumae, Kawono ibimo ker mir Israeli? ai malu, man icam kwen, man wek anyong’a neg adundeni: abimio iri podho mir ulok pa Naboth ma Jayezreli.

Ester 3:8

Man Haman uwacu ni ubimo ma Ahasuerus kumae, Dhanu moko nuti m’ukethri mba mba ma julalu de i kind kodhidhanu mi ng’etker ceke mi ker peri; e cik migi tung’ ku maeno mi dhanu ceke; kadok cik p’ubimo de giworo ngo: ka kumeno en e kuloka ngo ni ubimo ya eyigi.

Ester 5:14

Zerec ma cege lund uwacu ire ku jurimbe ceke de kumae, Dong’ jugur yen ma bot pier abic, man kugweno iyer ni ubimo nia judei Mordekai i wie: kan ibilund mondo ku mutoro wukud ubimo ba cemo. E lembene maku i Haman; man eketho jugur yende.

Ester 9:25

ento ka lembene wok i wang’ ubimo, eng’olo ku waraga nia lembapora pare ma rac, m’eporo kum Juyahudi, udok i wie gire, man nia en ku wote juliergi wi yen m’agura.

Kitabu Pa Yob 15:35

Gigamu ic mi ndre, man ginyolo kier, Man cwinygi yiko abombi.

Kitabu Pa Yob 24:14

Janek ai ku der; Enego jacan ku jacanpiny; Man ku diewor en e calu jakwo.

Zaburi 36:4

Eporo lem kier wi kavuto pare; Ekethre gire i yo ma ber ungo; Edagu lem ma rac ungo.

Zaburi 36:5

Mer mi bero peri, E Yehova, ni i polo; Lemandha peri tundo i polo.

Zaburi 58:3

Judubo gikoc kud i ic: Gikier ugambre ma junyologi, ma giyero ko ndra.

Lembrieko 12:2

Ng’atu ma ber binwang’u bero ba Yehova; Ento ebigonjo ng’atu ma won lembapora ma rac.

Lembrieko 14:22

Ju ma poro dubo gikier ungo? Ento ldsa ku lemandha bibedo ni ju ma poro lem ma ber.

Lembrieko 3:27

Kud icer bero ni ju m’emakugi, Kinde m’eni i tego mi cingi m’itime ko.

Lembrieko 4:16

Kum ginindo ngo, tek gitimo rac ungo; E nindo lal i wang’gi, tek gikuketho jumoko podho ngo.

Isaya 29:20

Kum judwoko ng’atu mi ndiri ni gin mananu, e jacac uthum, man jukabu dhanu ceke m’ukio kier cen;

Isaya 3:14

Yehova bimondo i pokolembe ku judongo mi dhanu pare, man judongomawijone: ebiwacu kumae, En e wun ma wucamu podho mir ulok; ayeki mi can ni i udi mu:

Isaya 32:7

Man jamtic pa jamutwi gi rac: eporo lembapora mi dubo kara enyoth ju ma ol ku lemndra, cil kinde ma jucanpiny ubeyero atira.

Isaya 5:8

Can ni ju ma eoro ot kum ot wadi, ma ketho podho kum podho wadi, maram kinde moko mbe ma dong’, e juketho wubed kendwu i die ng’om!

Isaya 59:3

Kum cingwu cido ku rimo, man lwetwuku kier; dendhogwu yero ndra, lebwu mung’ ku lem ma rac.

Yeremia 18:18

Gilund giwacu kumae, Wubin, man wek wapor lembapora kum Yeremia; kum cik birwinyo ni jalam ungo, kadi lembapora de ni jarieko, kadi lembe ni jabila. Wubin, man wek wagoyue ku leb, man ku waketh cwinywa kum lembe pare moko.

Ezekiel 11:2

Man ewacu ira kumae, Wod dhanu, maeni dhanu m’upido pi kier, man m’umio lembapora mi dubo i adhura maeni;

Ezekiel 33:26

Wucungo wi palamularu mu, wutimo ginmajudagu, man wucido kubeng’wu kubeng’wu ng’atuman dhaku pa wadi: man wubibedo ku ng’ombe ni pinyi?

Ezekiel 38:10

Rwoth Yehova wacu kumae: Ebitimbre i ceng’ maeca, nia gin moko biwok i pidoii, man ibiporo lembapora ma rac:

Ezekiel 46:18

Mange ke jaditmawijo bigamu kum aba mi dhanu pare ngo, m’ekab kogi woko kud i piny migi; ebimio aba ni wote kud i piny pare ma dhe, kara ku julal dhanu para kubang’gi kubang’gi ng’atuman ku dhu piny pare.

Mika 6:12

Kum dhanu m’ulonyne gipong’ ku rop, man ju m’ubedo i ie giyero ndra, man lebgi en e jamb abombi i dhoggi.

Nahum 1:11

Ng’atu acel uai woko kud ii m’upido lem ma rac kum Yehova, m’uporo lembe mi dubo.

Zekaria 7:10

man kud wuketh lembe bed tek ni dhaku ma cware tho, kadi ni kic, kadi ni umondo, kadi ni jucan; man i ng’atu moko m’i kindwu kud upid rac kum wadi i adundene.

Marko 15:1

E pio pio kugweno julam ma dongo ku judongo man jugorcik, ku dilo ceke, gipido lembe, man gitwio Yesu, gitere, gimie ni Pilato.

Luka 20:19

Jugorcik ku julam ma dongo giyenyo giketh cing’gi i kume i saa maeno nino; man gilworo dhanu: kum ging’eyo nia eyero lembabola maeni i kumgi.

Yohana 19:11

Yesu loko lembe ire kumae, Tego peri mbe m’itimo ko gin moko i kuma, tek emire iri ku malu ngo: ka kumeno ng’atu m’uciba iri dubo pare sagu.

Tic Mi Jukwenda 23:12

E ka piny uru, Juyahudi giribri karacelo, man gitwiri gigi ku kwong’, giwacu nia gibicamu giracama kadi madhu giramadha de ngo ma fodi gikunego Paolo ngo.

Tic Mi Jukwenda 23:15

Nie ka kumeno wun ku dilo de wunyuth ni jego ma dit nia eketh Paolo lor piny i beng’wu, calu ya wuyenyo wung’i i lembe pare cu ma sagu: e wan, ka fodi ewok ceng’ni ngo, nwang’u wayikra ma wanege ko.

Jurumi 1:30

juyer nying’ ma rac, weg adegi ni Mungu, jucac, ju ma tingri, ku jukulula, ku jutheb dubo, ku ju ma juco ni junyodo migi,

Poi Mi Cik 28:32

Woti ku nyigi bimire ni dhanu mange; e weng’i bineno tel, man ebivoc ni avagi m’unegi ceng’ du; man tego moko mbe ma bibedo i cingi.