Mika 1:8 - The Holy Bible In Alur (Lur) Revised Orthography

⁸ Pi maeni abiywak man abigoyo nduru; abicidho mbe kendi man muneru; abitimo goyonduru calu utho, man ywak calu udo.

Mika 1:8 ပူးပေါင်းရင်းမြစ်များ

2 Ubimo 18:13

Nie i rundi apar wi ang’wende p’ubimo Hezekia, Senakerib m’ubimo mir Ascur uidho malu kum adhura ma tek ceke mi Yuda, man emakugi.

Ester 4:1

Nie ka Mordekai ng’eyo gin ceke m’utimbre, Mordekai yeco kendi pare, man eronyo usuba ku vuru, e ecidho woko i dier adhura, man eywak ku ywak ma dit man mi can;

Kitabu Pa Yob 30:29

An a umin Utho, Man wadi udo.

Zaburi 102:6

An a calu alungu m’i langa: Adoko calu tula mi ka ma ngele.

Isaya 13:21

Ento yedi mi langa bivuto keca; man udigi bipong’ ku giracwia ma rac; man udo bibedo kuca, e diegi mi thim bimiel kuca.

Isaya 13:22

Man urudi biywak i udi ma tek migi, man utho i udi ma ber mi ker: e nindo pare dhingo ceng’ni, man ceng’ pare bimedre ngo.

Isaya 16:9

Ka kumeno abiywak ku ywak mi Yazer pir ulok mi Sibma; abikwoyo piwang’a i kumi, E Hecbon, man Eleale: kum kok mi lwiny upodho wi nyingi mi cwir man wi mwoka peri.

Isaya 21:3

Ka kumeno piera pong’ ku ndiba; remokum umaka, calu remokum pa dhaku m’ubenyol: remokum umaka ketho acopo winjo ngo; cwinya ng’abre ketho acopo neno ngo.

Isaya 22:4

Ka kumeno awacu kumae, Kud inen bang’a, abiywak ni can; kud isendri ku juka kum nyoth pa nya dhanu para.

Isaya 32:11

Kumwu miel, wu mon ma wubedo yo; dong’ cwinywu ng’abre, wu ju ma wuparu gin moko ngo; wuwany kendi mu, man wudwokru muneru, wutwi gonia de i pierwu.

Yeremia 4:19

Ndiba para, ndiba para mire! can unega cil i adundena; cwinya ng’abre yor i ia; acopo ling’ ungo; kum iwinjo, E ng’eyong’ec para, badwal mir agwara, en e jampoi mir ali.

Yeremia 9:1

A tek wia bedo pi, man wang’a kulo mi piwang’, kara aywak dieceng’ ku diewor kum ju ma junego pa nya dhanu para mire!

Yeremia 9:10

Abimoc ywak ku goyonduru pi gudi, man awu pi kakwae m’i langa, kum giwang’ kot, ketho nia ng’atu moko kadhu ngo kud i ie; kadi dhanu de copo winjo dwand lim ungo; winyo ma kor polo ku yedi de giringo, gimbe.

Yeremia 9:19

Kum dwal mi goyonduru winjre ku i Sayuni kumae, Wanyothra mire! cwinywa ng’abre dit, kum waweko ng’om, kum girwombo kabedo mwa piny.

Ezekiel 32:18

Wod dhanu, Ywak pir udul mi Misiri, man iredhgi piny, en e en, ku nyig thek ma pigi yik, ba ng’et ng’om ma yo piny, karacelo ku ju m’uloro piny i vur.

Mika 2:4

I ceng’ maeca gibiting’o lembabola i kumwu, man gibiywak ku ywak mi can, e gibiwacu kumae, Wanyothra ma gwei: eloko makapiny mi dhanu para: ekabe woko kud i bang’a mire! epoko pothi mwa ni juco.

1 Samwil 19:24

Man en bende ewodho kendi pare, e en de eewo lembe i wang’ Samwil, man evuto piny muneru i ceng’ maeca duu ku dieworne soro. Kum kumeno giwacu kumae, Saul bende ni i kind jubila?